Luvena Yalewa na Tamada Tawamudu

Vulica ena masumasu na itukutuku oqo ka vakasaqara mo kila na ka mo na wasea. E rawa vakacava na kilai vakamatata ni “Na Matavuvale: Ai Vakaro ki Vuravura Raraba” me vakalevutaka na nomu vakabauta na Kalou ka vakalougatataki ira o vakaraica voli ena veisiko? Me ikuri ni itukutuku, lako ki na reliefsociety.lds.org.

iToko ni iSoqosoqo ni Veivukei — Vakabauta, Matavuvale, Veivukei

Vakatavuvulitaka na ivolanikalou ni da sa “kawa kecega ni Kalou” (Cakacaka 17:29). A vakaibalebaletaka na Kalou vei Emma Smith, na wati Parofita Josefa Simici, me “luvequ yalewa” (V&V 25:1). Na ivakaro ni matavuvale e vakatavuvulitaka ni o keda yadua sa “luvedrau yalewa lomani … na noda itubutubu vakalomalagi”.¹

“Ena [bula taumada] mai liu, eda vulica kina na noda ituvaki vaka-yalewa,” e kaya o Carole M. Stephens, na imatai ni daunivakasala ena mataveiliutaki raraba ni iSoqosoqo ni Veivukei.

“Na noda ilakolako vakayago e vuravura e sega ni veisautaka na dina oqori”².

“Na Tamamu Vakalomalagi e kila na yacamu ka kila na veika o sotava tiko,” e kaya o Elder Jeffrey R. Holland ena Kuoramu ni iApositolo Le Tinikarua. “E rogoca na nomu masu. E kila na nomu vakanuinui kei na tatadra, ka wili kina na nomu nuiqawaqawa kei na veilecayaki.”³

“Eda sa lewena yadua ka gadrevi ena matavuvale ni Kalou.” e kaya o Sister Stephens. “Era duidui kece na matavuvale e vuravura. Ni da cakava tiko na noda vinaka duadua me buli kina na matavuvale kaukauwa taumada, na lewena na matavuvale ni Kalou e sega tale ni vakararavi ki na veimataqali ituvaki cava tale—ituvaki ni vakawati, ituvaki ni itubutubu, ituvaki vakailavo, ituvaki vakatamata, se na mataqali ituvaki eda vakauta ena itukutuku raraba”⁴.

iKuri ni iVolanikalou

Jeremaia 1:5; Roma 8:16; Vunau kei na Veiyalayalati 76:23–24

Mai na Keda iTukutuku Makawa

Ena itukutuku oqo ni iMatai ni Raivotu.⁵ e vakaraitaka kina na Parofita o Josefa Simici e levu sara na dina—wili kina na nona kila vinaka na Tamada Vakalomalagi na yacada.

Sasagataka vakaukauwa o Josefa me kila na lotu me lewena ka sotava na veituberi ena Jemesa 1:5 Sa qai vakadeitaka o Josefa me sa taroga na Kalou.

Ena dua na mataka ni vula itubutubu ena 1820 e a lako yani kina ki na dua na veikau me masu ia e qai takosovi koya e dua na kaukauwa levu mai vua na vunica. Vakaoqo na ka e kaya baleta na ka o ya.

“Ia ena gauna sara ga oqori au sa raica kina e cake e dua na duru bukawaqa, donuya tiko na uluqu, ni sa lako sobu mai ka serauni au.

“Ena gauna ga sa rairai mai kina, au vakila sara ni sa tasere na qau ivesu. Ni sa mai cilavi au na rarama au sa raica e rua na Tamata, ka sega ni vakamacalataki rawa na kedrau iserau kei na lagilagi, e rau tucake tu e macawa donumaki au. A sa kacivi au e dua vei rau, dusi koya na kena ikarua ka kaya—Oqo na Noqu Gone ni Toko. Mo Rogoci Koya!” Ai Tukutuku—i Josefa Simici 1:33.