Vulica MO Vakatagitaka e dua na Sere ni Lotu ena 10 na Miniti!

Vakasokumuni ka Vakacokotaki mai vei Daniel Carter

Wasewase ni Vakatagi kei na Ka Vakavanua ni Lotu

iVakatakilakila

learn to play a hymn 1

iVakatakilakila

learn to play a hymn 2

iVakatakilakila

learn to play a hymn 3

Kevaka o se bera ni vakatagitaka na piano eliu ka dau vinakata tu ga ni vulica, oqo na nomu madigi. Na ka ga o gadreva oya e dua na piano livaliva ni ivakatagi. Kevaka mada ga e sega ni tiko vei iko e dua e vale, sa rawa ni o kauta na ivola oqo vata kei iko ki na dua na vanua e tiko kina e dua na piano se piano livaliva mo tekivu vulica.

E rawarawa sara na lesoni oqo ka o na rawa ni vakatagitaka e dua na sere ni lotu ena kena icavacava. Vakaidina, sa na rawa ni o vakatagitaka na memela ni sere ni lotu ena lesoni oqo ena loma ni 10 na miniti.

Vakarau? Datou tekivu!

Vakavakarau Tu ni Vakatagitaka na Piano

Ena nomu dabe tikiva toka na piano ka vakacegui ira na nomu iqaqalo ena kena itabataba, tosoya vakarauta ki muri na idabedabe balavu me rawa ni rau kalove vakalailai no na duruduru ni ligamu.
Dabe ena lomadonu ni dabedabe balavu, vakadodonu saraga eliu ni lomadonu ni piano livaliva.
Dabe donuya na yasa eliu ni dabedabe balavu vata na dakumu me dodonu kei na kemu bibi eliu.
Vakaceguya na yavamu ena vuloa.
Dabe vakadinamati, ni tauri matua voli na imoimoi vinaka.
Vakadeitaka ni yacovi iko na rarama vinaka mo raica kina na ivakatagi kei na piano livaliva.
Tucake. Vakalutumi rau na ligamu ki na yasamu ka vakamalumutaka. Siqema na kedrau imoimoi matau, me vaka ga erau taura tiko e dua na polo. Ni ko dabe tale, biuti ira na nomu iqaqalo ena piano livaliva, ni maroroi voli na imoimoi matau vataga.
Moici rau na ligamu ena dela ni piano livaliva, ni ra vakalaivi na nomu iqaqalo mera tara volekata na lomadonu ni iwase levu ena veitabataba vulavula. Tauri rau na nomu ilobi ni ika ena dela ni piano livaliva, ia kakua ni vakacegui rau ena veitabataba se ena kau ena ruku ni veitabataba.
Tabaka na itabataba ena imatai ni ilobi ni nomu iqaqalo ena ruku ga ni icava ni qaqalo. Raica me moici tiko na iqaqalo yadua, ni laveti voli mai na nakala ena imuri ni ligamu. Ni ko tabaka na itabataba, raica mera kala toka na isema ni nomu iqaqalo.

Vakatagi Voli mai na iWiliwili ni Qaqalo

Me vukei iko ni biuta na iqaqalo dodonu ena itabataba yadua, sa ra soli na naba e so ki na veiqaqalo me vaka e vakaraitaki eke. Na veinaba ni qaqalo sa ra volai tikiva tu na idusidusi e so ena draunipepa.

Biuta na ligamu ena dela ni ilawalawa cavaga ni lima na itabataba, ni tauri voli na iqaqalo yadua ena dela ni dua na itabataba. Vakatovotovotaka na veinaba ni qaqalo ena vakatagitaki ni itabataba e so vata na iqaqalo dodonu me vaka sa vakaraitaki. Na idusidusi e so ka ra gole cake tu na tabana e sa baleta na liga imatau. Na idusidusi e so ka ra gole sobu tu na tabana e sa baleta na liga imawi.

Vakatagitaki ni “Delana Tu Vakayawa”

Biuti rau na ligamu ena piano livaliva me vaka e vakaraitaki ecake.

Vakayagataka na ilawalawa ni rua kei na tolu na itabataba loaloa me vukei iko ni kunea na itutu dodonu.

Vakatagitaka na sere ni lotu oqo, ni vakamuri voli na veinaba ni qaqalo sa vakaraitaki. Na idusidusi e so ka ra gole cake tu na tabana e sa baleta na liga imatau, kei na idusidusi e so ka ra gole sobu tu na tabana e sa baleta na liga imawi. Vakatovotovotaka na sere ni lotu me yacova ni o sa lomavinaka kina. Vakayagataka na ivakavuvuli ni moimoi matau e so ena vakayagataki qaqalo vinaka ka tuvai koto ena lisidikevi ni ciwa na poidi.

O sa mai vakatakilai oqo ki na vakatagitaki ni piano ka sa vulica e dua na tamela ni sere ni lotu rawarawa. Mo vakatagitaka na sere ni lotu tale e so, sa gadrevi mo vulica e so na yavu ni ivakavuvuli me baleta na itautau, ivakarau ni vakatagi, kei na idusidusi.

Oqo na tikina vinaka, na lesoni o se qai vulica ga e sa imatai ni lesoni ena Tuva Vuli ni Piano Livaliva ni Lotu, ka tiko ena ono na ivosa mai na sitoa ni Lotu.¹ Na ituvatuva ni idusidusi rawarawa me muri e vukei iko ni vuli vakaiiko se vakailawalawa. O na rairai vakaogai ira sara mada ga na nomu matavuvale taucoko ena vulici ni piano me vaka e dua na itaviqaravi ni lotu vakamatavuvale. Sa rawa ni vakacavari na tuva vuli ena ono ga na macawa.

Sa vakaraitaka e levu na vuli e so ni veilesoni ni ivakatagi vakaitaukei e vukea ni vakavinakataka na rai matata ni gonevuli, na rawaka vinaka sara vakavuli, kei na kila matai vakaibalebaletaki e so.²

Mai na vulici ni kila matai e so ni ivakatagi, eda taracake na veitaledi e sa solia vei keda na Turaga, vakalevutaka na noda kilaka, ka vulica e vuqa na sala duidui e so eda rawa ni vakayagataka kina na noda kilaka kei na taledi meda taracake na Nona matanitu.