ហេតុអ្វីព្រះបានប្រទាននូវ អារម្មណ៍ប្រតិព័ទ្ធ រវាងគ្នានឹងគ្នាដល់យើង អស់ពេលជាយូរ ពីមុនយើង រៀបការ ជាមួយ គ្នា?
ពិតណាស់ អារម្មណ៍នៃការប្រតិព័ទ្ធគឺមិនអាក្រក់ឡើយ ហើយទីបំផុតវាគឺជាគោលបំណងដ៏ទេវភាពនៅក្នុងអាពាហ៍ពិពាហ៍ ។ ប៉ុន្តែ ហេតុអ្វីបានជាយើងមានអារម្មណ៍ទាំងនេះ អស់រយៈពេលជាច្រើនឆ្នាំពីមុនយើងអាចប្រព្រឹត្តិវាដោយសមរម្យនោះ ?
មែនហើយ ជីវិតនេះគឺជាការសាកល្បងនូវការគោរពប្រតិបត្តិតាម ហើយច្បាប់ព្រហ្មចារីភាពគឺជាច្បាប់ដ៏សំខាន់បំផុតដើម្បីគោរពតាម ។ ការសាកល្បងនេះកាន់តែពិបាកឡើងៗ បន្ទាប់ពីមានភាពពេញវ័យ នៅពេលអ័រម៉ូន ( និង វប្បធម៌ដែលអនុមតិខាងផ្លូវភេទ ) កំពុងជំរុញពួកយើងថា « ប្រព្រឹត្តិតាមអារម្មណ៍ទាំងនោះទៅ » ប៉ុន្តែ ពន្លឺនៃព្រះគ្រីស្ទ និង ព្រះវិញ្ញាណបរិសុទ្ធ ( ព្រមទាំងព្រះគម្ពីរ ព្យាការី ឪពុកម្ដាយ និង ថ្នាក់ដឹកនាំ ) កំពុងប្រាប់យើងឲ្យ « ចូររង់ចាំសិន » ។ នៅពេលយើងស្តាប់តាមសារលិខិតថាឲ្យរង់ចាំសិន នោះយើងបង្ហាញពីភាពសក្តិសមរបស់យើង ហើយបង្ហាញពីភាពចាស់ទុំ និង វិន័យនៃសីលធម៌របស់យើង ដែលជា « ការអនុវត្តជាប់ជានិច្ចនូវសិទ្ធិសេរីភាពជ្រើសរើសត្រឹមត្រូវ ដោយសារវាជារឿងត្រឹមត្រូវ ទោះបីជាវាលំបាកក្តី » ( ឌី ថត គ្រីស្តូហ្វឺសិន « Moral Discipline » Liahona, ខែ វិច្ឆិកា ឆ្នាំ ២០០៩ ទំព័រ ១០៥ ) ។
ដូចជាការសាកល្បងជាច្រើននៅក្នុងជីវិតនេះ ការសាកល្បងនេះធ្វើឲ្យយើងបង្ហាញថាខ្លួនយើងសក្តិសម នឹងពរជ័យដ៏អស្ចារ្យដែលកើតមានឡើង — រួមមានការផ្សារភ្ជាប់នៅក្នុងព្រះវិហារបរិសុទ្ធសម្រាប់ពេលនេះ និង និង ពេលដ៏អស់កល្បជានិច្ច ។