ការធ្វើឲ្យរាត្រីទៅព្រះវិហារបរិសុទ្ធមានភាពងាយស្រួល ៖ យោបល់ ៦ យ៉ាងដើម្បីឲ្យការធ្វើដំណើរទៅព្រះវិហារបរិសុទ្ធមានភាពកាន់តែងាយស្រួល
មានកិច្ចការរាប់លានជំពូកដែលអាចរារាំងអ្នកពុំឲ្យទៅព្រះវិហារបរិសុទ្ធ ។ ការមានកាលវិភាគដូចនេះ គឺគ្រាន់តែជាយោបល់មួយក្នុងការធ្វើឲ្យវាមានភាពកាន់តែងាយស្រួល ក្នុងការទៅទីនោះ ដែលយើងបានប្រមូលយោបល់ទាំងនោះមក បន្ទាប់ពីយើងបានសួរយោបល់របស់អ្នកតាម ហ្វេសប៊ុក ។ មិនថាអ្នកបានឆ្លៀតពេលក្នុងកាលវិភាគដ៏មមាញឹករបស់អ្នកដើម្បីទៅព្រះវិហារបរិសុទ្ធតែឯង ឬអ្នកទៅជាមួយមិត្តភក្តិដើម្បីកុំឲ្យពួកគេទៅតែឯងយ៉ាងណានោះទេ យោបល់ទាំងនេះអាចជួយអ្នកឲ្យទទួលពរជ័យនៃការចូលរួមព្រះវិហារបរិសុទ្ធកាន់តែញឹកញាប់ ។
សម្រាប់ក្រុមគ្រួសារដែលមានកូន
សូមធ្វើឲ្យរាត្រីទៅព្រះវិហារបរិសុទ្ធនោះជារាត្រីនៃការដើរលេងជាគូ ។ ជំនួសរាត្រីមួយនៃការដើរលេងជាគូរបស់អ្នកដោយទៅព្រះវិហារបរិសុទ្ធវិញ ។ គ្រប់ពេលដែលអ្នកមានផែនការចេញក្រៅ អ្នកត្រូវរកអ្នកមើលថែទាំកូន ពេលអ្នក និងស្វាមី ឬភរិយាអ្នកទៅដើរលេងជាគូ តែអ្នកអាចនៅជុំគ្នា ខណៈអ្នកចូលរួមវគ្គព្រះវិហារបរិសុទ្ធជំនួសឲ្យការទៅបរិភោគអាហារពេលល្ងាច និងការទស្សនាខ្សែភាពយន្ត ។ អ្នក និងស្វាមី ឬភរិយាអ្នកនៅតែចំណាយពេលដ៏មានន័យជាមួយគ្នា ដោយបន្ថែមនូវពរជ័យនៃការចូលរួមព្រះវិហារបរិសុទ្ធ ។
ការប្តូរគ្នាមើលកូន ៖ ស្វែងរកគ្រួសារមួយទៀតដែលមានឆន្ទៈដាក់កាលវិភាគលេងជាមួយកូនៗរបស់អ្នក ខណៈអ្នកចូលរួមព្រះវិញ្ញាណបរិសុទ្ធ បន្ទាប់មកប្តូរវេនគ្នា ហើយមើលថែកូនពួកគេវិញម្តង ។
ការធ្វើពិចនិច និងការលេងកម្សាន្ត ៖ ដូចគ្រួសារមួយនៅក្នុងអត្ថបទ «ពរជ័យដែលបានសន្យាសម្រាប់ការចូលរួមព្រះវិហារបរិសុទ្ធ» ធ្វើដំណើរពេញមួយថ្ងៃ ឬរយៈពេលចុងសប្តាហ៍ ។ យកក្រុមគ្រួសារទាំងមូលទៅ ឪពុក ឬម្តាយម្នាក់អាចចូលរួមវគ្គព្រះវិហារបរិសុទ្ធ ខណៈដែលឪពុក ឬម្តាយម្នាក់ទៀតយកកូនទៅដើរពិចនិច ឬរបៀបមួយចំនួនផ្សេងទៀតដូចជាការញ៉ាំអាហារ ឬអាហារសម្រន់ជាដើម ។ បន្ទាប់មក ឪពុក ឬម្តាយនោះអាចចូលរួមវគ្គព្រះវិហារបរិសុទ្ធ ខណៈដែលឪពុក ឬម្តាយដំបូងនោះយកកូនទៅលេងសួនឧស្យាន ឬដើរជុំវិញបរិវេណព្រះវិហារបរិសុទ្ធ ។
សម្រាប់មនុស្សគ្រប់គ្នា
កំណត់ពេលវេលា ៖ ប្រសិនបើពេលវេលា និងទីតាំងរបស់អ្នកមានកំណត់ សូមព្យាយាមដាក់កាលវិភាគជាទៀងទាត់ទៅព្រះវិហារបរិសុទ្ធ ( ប្រចាំសប្តាហ៍ ប្រចាំខែ ប្រចាំឆ្នាំ ) ។ ការទៅជាទៀងទាត់ធ្វើឲ្យអ្នកដាក់ផែនការសម្រាប់ការទៅ ហើយជួយអ្នកឲ្យដាក់ការចូលរួមព្រះវិហារបរិសុទ្ធជាអាទិភាព ។
ការតាំងចិត្ត ៖ បង្កើតពេលវេលា ហើយតាំងចិត្តធ្វើវា ។ ប្រសិនបើអ្នកមានការលំបាកក្នុងការមានពេលវេលាដាក់កាលវិភាគរបស់អ្នក សូមព្យាយាមចូលរួមវគ្គពេលព្រឹកព្រលឹម ជាទូទៅព្រះវិហារបរិសុទ្ធពុំសូមរវល់ឡើយនៅពេលព្រឹកព្រលឹម ។
ស្វែងរកមិត្តសំឡាញ់ ៖ ប្រសិនបើអ្នកមានការលំបាកក្នុងការជំរុញចិត្តឲ្យចូលរួមព្រះវិហារបរិសុទ្ធដោយខ្លួនអ្នកនោះ សូមស្វែងរកមិត្តភក្តិឲ្យទៅជាមួយអ្នក ! សូមកុំខ្លាចក្នុងការទាក់ទងទៅគ្រូបង្រៀនតាមផ្ទះ គ្រូបង្រៀនសួរសុខទុក្ខ ឬសមាជិកផ្សេងទៀតក្នុងវួដ ហើយសូមឲ្យពួកគេចូលរួមព្រះវិហារបរិសុទ្ធជាមួយអ្នក ។