អ្នក យុវវ័យ និង បាវចនាម៉្ញូតឆល
តើបាវចនាម៉្ញូតឆលអាចឲ្យយើងមានភាពសាមគ្គីគ្នាយ៉ាងដូចម្តេច ?
រៀងរាល់ឆ្នាំគណៈប្រធានយុវជន និងយុវនារីទូទៅ អញ្ជើញយុវវ័យឲ្យសិក្សា រៀន និងអនុវត្តតាមខគម្ពីរបាវចនា ដែលបានអនុមតិដោយគណៈប្រធានទីមួយ ។ ការរៀនសូត្រ និងការរស់នៅតាមការបង្រៀននៅក្នុងបាវចនាម៉្ញូតឆល អាចពង្រឹងសេចក្តីជំនឿ និងទីបន្ទាល់ ព្រមទាំងធ្វើឲ្យកូរ៉ុម ថ្នាក់រៀន និងក្រុមគ្រួសារមានភាពសាមគ្គីគ្នា ។
បាវចនាម៉្ញូតឆលឆ្នាំ ២០១៨
បាវចនាឆ្នាំនេះបង្រៀនយុវវ័យ អំពីរបៀបរកឃើញភាពសុខសាន្តដែលកើតឡើងពីព្រះយេស៊ូវគ្រីស្ទ ។ នៅក្នុង គោលលទ្ធិ និង សេចក្តីសញ្ញា ១៩:២៣ ព្រះអម្ចាស់អញ្ជើញឲ្យ « រៀនអំពីយើង ហើយស្ដាប់តាមព្រះបន្ទូលទាំងឡាយរបស់យើងចុះ ចូរដើរក្នុងភាពស្លូតបូតនៃព្រះវិញ្ញាណរបស់យើង នោះអ្នកនឹងបានសេចក្ដីសុខសាន្តក្នុងយើង » ។ នៅក្នុងពិភពលោកដែលពោរពេញដោយភាពមិនប្រាកដប្រជា និងភ័យខ្លាច នេះគឺជាការសន្យាដ៏មានឥទ្ធិពលមួយ ។
ខគម្ពីរនេះផ្តល់ឱកាសដល់ឪពុកម្តាយ ថ្នាក់ដឹកនាំ អ្នកប្រឹក្សា និងគ្រូបង្រៀនដើម្បីបង្រៀនលំនាំនានា ដែលអាចពង្រឹងដល់ពួកយុវវ័យឆ្លងកាត់គ្រាដ៏មានឧបសគ្គនេះ ។
តើខ្ញុំអាចប្រើប្រាស់បាវចនានេះដោយរបៀបណា ?
គណៈប្រធានយុវជន និងយុវនារីទូទៅ បានអញ្ជើញយើងឲ្យទន្ទេញចាំខគម្ពីរ សិក្សាគោលលទ្ធិ ហើយអនុវត្តគោលការណ៍នេះនៅក្នុងជីវិតរបស់យើង ។ ទោះបីជាកិច្ចការទាំងនេះអាចអនុវត្តដោយបុគ្គលម្នាក់ៗក្តី ការធ្វើកិច្ចការទាំងនេះរួមគ្នាអាចជួយឲ្យយុវវ័យ និងក្រុមគ្រួសាររបស់ពួកគេមានភាពសាមគ្គីគ្នា និងរឹងមាំ ។
មានឱកាសជាច្រើនដើម្បីរួមបញ្ចូលបាវចនានេះទៅក្នុងជីវិតនៃយុវវ័យរបស់យើង ។ បាវចនានេះប្រើនៅក្នុងរាត្រីជួបជុំក្រុមគ្រួសារ មេរៀននៅព្រះវិហារ និងថ្នាក់សិក្ខាសាលា ប្រើជាប្រធានបទសម្រាប់យុវវ័យឡើងនិយាយនៅក្នុងការប្រជុំសាក្រាម៉ង់ ប្រើសម្រាប់ការបើកកម្មវិធីម៉្ញូតឆល និងដើម្បីផ្តល់ការផ្តោតចិត្តទុកដាក់សម្រាប់ធ្វើសកម្មភាពយុវវ័យរួមមាន ការបោះជំរំ សន្និសីទយុវវ័យ សកម្មភាពរួមគ្នា ការចាប់ផ្តើមថ្មី និងការប្រជុំធម្មនិដ្ឋាន ។
យោបល់មួយចំនួនសម្រាប់សកម្មភាព
ខាងក្រោមនេះជាយោបល់មួយចំនួនសម្រាប់ការរួមបញ្ចូលបាវចនាម៉្ញូតឆលឲ្យបានពេញមួយឆ្នាំ ។ សម្រាប់ព័ត៌មានបន្ថែមសូមចូលទៅកាន់គេហទំព័រ youth.lds.org ។
« ចូររៀនអំពីយើង »
ការរៀនអំពីព្រះយេស៊ូវគ្រីស្ទមានសារៈសំខាន់ក្នុងការរកឃើញភាពសុខសាន្តនៅក្នុងទ្រង់ ។ មានភាពសុខសាន្ត និងការអះអាងនៅក្នុងការដឹងអំពីលក្ខណៈរបស់ទ្រង់ ការរៀនអំពីរបៀបដែលទ្រង់បានរស់នៅ និងការយល់ដឹងអំពីអ្វីដែលទ្រង់បានធ្វើសម្រាប់យើង ។
កាលអាយុ ១៤ ឆ្នាំ មានគេសួរប្រធាន ស្ពែនស៊ើរ ដបុលយូ ឃឹមបឹល ( ១៨៩៥–១៩៨៥ ) ថា តើលោកបានអានព្រះគម្ពីរប៊ីបចប់ដែរឬទេ ? « កាលគ្រានោះខ្ញុំបានអានសៀវភៅជាច្រើនមាន សៀវភៅរឿងកំប្លែង និងសៀវភៅនិពន្ធខ្លីៗ ប៉ុន្តែចិត្តដែលចោទប្រកាន់របស់ខ្ញុំនោះបាននិយាយមកខ្ញុំថា ‹ ស្ពែនស៊ើរ ឃឹមបឹល អើយ អ្នកពុំធ្លាប់អានសៀវភៅពិសិដ្ឋនោះទេ ។ ហេតុអ្វី ? »១ ចាប់តាំងពីពេលនោះមកប្រធាន ឃឹមបឹល បានដាក់អាទិភាពដើម្បី « ទទួលទាននូវព្រះបន្ទូលនៃព្រះគ្រីស្ទ » ( នីហ្វៃទី ២ ៣២:៣ ) ។
-
សូមគិតអំពីការសូមឲ្យពួកយុវវ័យរក្សាសៀវភៅកំណត់ហេតុសិក្សា ដើម្បីកត់ត្រាអំពីអ្វីដែលពួកគេកំពុងរៀនអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។
-
អ្នកអាចអញ្ជើញពួកយុវវ័យឲ្យតាំងចិត្ត ទទួលយកការអញ្ជើញរបស់ប្រធាន រ័សុល អិម ណិលសុនឲ្យ « ថ្វាយផ្នែកមួយនៃពេលវេលា [ របស់ពួកគេ ] រាល់សប្ដាហ៍ដើម្បីសិក្សា អ្វីៗគ្រប់យ៉ាង ដែលព្រះយេស៊ូវបានមានបន្ទូល និងបានធ្វើដូចបានកត់ត្រានៅក្នុង [ ព្រះគម្ពីរ ] ។២ នៅក្នុងថ្នាក់រៀន ឬនៅក្នុងកម្មវិធីរាត្រីជួបជុំក្រុមគ្រួសារ អ្នកអាចសូមឲ្យពួកគេរាយការណ៍អំពីអ្វីដែលពួកគេកំពុងរៀន និងរបៀបដែលពួកគេកំពុងអនុវត្តវានៅក្នុងជីវិតផ្ទាល់របស់ពួកគេ ។
ធនធាននានា
-
« The Living Christ: The Testimony of the Apostles » Liahona, ខែ មេសា ឆ្នាំ ២០០០ ទំព័រ ២ ។
-
រ័សុល អិម ណិលសុន « Drawing the Power of Jesus Christ into Our Lives » Liahona, ខែ ឧសភា ឆ្នាំ ២០១៧ ទំព័រ ៣៩–៤២ ។
-
ដេវីឌ អេ បែដណា « A Christlike Character » Liahona, ខែ តុលា ឆ្នាំ ២០១៧ ទំព័រ ៥០–៥៣ ។
« ស្ដាប់តាមព្រះបន្ទូលទាំងឡាយរបស់យើងចុះ »
ស្តាប់តាមព្រះបន្ទូលរបស់ព្រះអង្គសង្គ្រោះ ពុំមែនគ្រាន់តែឭប៉ុណ្ណោះទេ ប៉ុន្តែត្រូវស្តាប់ ( ឬធ្វើតាម ) ។ ភាពសុខសាន្ត និងការអះអាងដ៏អស្ចារ្យកើតមានឡើងមកពីការដឹងថា យើងកំពុងរស់នៅស្របទៅតាមការបង្រៀនរបស់ទ្រង់ ។
កាលអាយុប្រាំបីឆ្នាំ ប្រធាន ថូម៉ាស អេស ម៉នសុន បានសម្រេចចិត្តធ្វើការបោះជំរំដែលមានដុតភ្នក់ភ្លើងជាមួយមិត្តរបស់លោកឈ្មោះ ដាន់នី ។ មានបញ្ហាមួយ — ទីវាលដែលពួកលោកចង់ប្រើនោះវាស្ងួត មានបន្លា និងមានសុទ្ធតែស្មៅ ។ កាលនោះប្រធាន ម៉នសុន វ័យក្មេង បានមានគំនិតមួយ ៖ « ខ្ញុំបាននិយាយទៅកាន់ដាន់នីថា ‹ អ្វីដែលយើងត្រូវធ្វើនោះគឺត្រូវដុតស្មៅទាំងនេះ ។ យើងគ្រាន់តែ ដុត ស្មៅនេះជារង្វង់មួយ ! › គាត់យល់ស្របភ្លាម ហើយខ្ញុំបានរត់ទៅផ្ទះតូចរបស់យើងយកឈើគូសពីរបីដើម ។ …
… ខ្ញុំបាននឹកគិតថា ភ្លើងនឹងឆេះត្រឹមតែចម្ងាយដែលយើងចង់ឲ្យឆេះប៉ុណ្ណោះ ហើយបន្ទាប់មកនឹងឈប់ដោយខ្លួនវា ។
ខ្ញុំបានគូសឈើគូសនឹងដុំថ្ម ហើយបានដុតស្មៅស្ងួតនាខែមិថុនានោះឲ្យឆេះឡើង ។ មិនយូរប៉ុន្មានដោយដឹងថា ភ្លើងមិនរលត់ដោយខ្លួនវា ពួកលោកបានរត់រកជំនួយ ហើយភ្លើងនោះបានឆេះអស់ជាច្រើនម៉ោង ។
ប្រធាន ម៉នសុន មានប្រសាសន៍ថា « ដាន់នី និងខ្ញុំបានរៀនមេរៀនដ៏លំបាក ប៉ុន្តែមានសារៈសំខាន់មួយចំនួននៅថ្ងៃនោះ មេរៀនសំខាន់មួយនោះគឺអំពីសារៈសំខាន់នៃការគោរពប្រតិបត្តិ » ។៣
-
សូមឲ្យពួកយុវវ័យសិក្សាអំពីការគោរពប្រតិបត្តិនៅក្នុងជំពូក ៦ ក្នុង ប្រកាសដំណឹងល្អរបស់យើង រួមទាំងវគ្គគោរពប្រតិបត្តិនៅក្នុងសកម្មភាពអំពីបុគ្គលិកលក្ខណៈនេះនៅចុងបញ្ចប់នៃជំពូកនោះ ។
-
និយាយអំពីអ្វីៗដែលអាចទាក់ទាញអារម្មណ៍យើង មិនឲ្យស្តាប់តាមព្រះបន្ទូលរបស់ព្រះអម្ចាស់ ។ ឧទាហរណ៍ អ្នកអាចអញ្ជើញពួកយុវវ័យឲ្យប្តូរការចំណាយពេល ១០ នាទីលើការប្រើប្រាស់ឧបករណ៍អេឡេត្រូនិចឲ្យសិក្សាព្រះគម្ពីរ ១០ នាទីជំនួសវិញ ។
-
ឆ្លៀតឱកាសជាទៀងទាត់ សួរពួកយុវវ័យអំពីអ្វីដែលពួកគេនឹងធ្វើ មកពីអ្វីដែលពួកគេបានរៀន ។
ធនធាននានា
-
« ការគោរពប្រតិបត្តិ » ប្រកាសដំណឹងល្អរបស់យើង ៖ មគ្គុទេសន៍ចំពោះការបម្រើជាអ្នកផ្សព្វផ្សាយសាសនា ( ឆ្នាំ ២០០៤ ) ទំព័រ ១២៤ ។
-
Hadley Griggs « Ten Minutes a Day » Liahona, ខែ កញ្ញា ឆ្នាំ ២០១៧ ទំព័រ ៥៨–៦១ ។
-
រ៉ូបឺត ឌី ហែល « If Ye Love Me, Keep My Commandments » Liahona, ខែ ឧសភា ឆ្នាំ ២០១៤ ទំព័រ ៣៥–៣៨ ។
« ដើរក្នុងភាពស្លូតបូតនៃព្រះវិញ្ញាណរបស់យើង »
ការរៀន និងការស្តាប់ពិពណ៌នាអំពីអ្វីដែលយើងត្រូវធ្វើ ។ ការដើរក្នុងភាពស្លូតបូតនៃព្រះវិញ្ញាណរបស់ទ្រង់ គឺជារបៀបដែលយើងចាំបាច់ត្រូវធ្វើវា ។
ការមានភាពស្លូតបូតមានន័យថា « ការស៊ូទ្រាំនឹងការឈឺចាប់ដោយអត់ធ្មត់ និងដោយគ្មានការថ្នាំងថ្នាក់ចិត្ត »៤ អ្វីមួយដែលតម្រូវឲ្យមានទាំងកម្លាំង និងភាពរាបសា ។ ក្នុងឆ្នាំ ១៨៣៨ ថូម៉ាស ប៊ី ម៉ាស ប្រធានទីមួយនៃកូរ៉ុមនៃពួកដប់ពីរនាក់ បានចេញពីសាសនាចក្រ ដោយសារតែការថ្នាំងថ្នាក់ចិត្តថា ថា្នក់ដឹកនាំសាសនាចក្រពុំនៅខាងភរិយារបស់គាត់នៅក្នុងជម្លោះអំពីរឿងទឹកដោះគោ ។ នៅប៉ុន្មានឆ្នាំក្រោយមក គាត់បានទួញសោកសៅអំពីការបាត់បង់ពរជ័យ ហើយត្រឡប់ទៅសាសនាចក្រវិញ្ដោយនិយាយថា ៖ « ខ្ញុំចង់ដឹងជាញយៗអំពីរបៀបដែល [ ការក្បត់សាសនា ] របស់ខ្ញុំបានចាប់ផ្តើម ហើយទីបំផុតខ្ញុំបានមកដល់ចំណុចមួយថា ខ្ញុំបានបាត់បង់ព្រះវិញ្ញាណព្រះអម្ចាស់ពីដួងចិត្តខ្ញុំ ។ … ខ្ញុំមានអារម្មណ៍ខឹង និងថ្នាំងថ្នាក់ចិត្ត ហើយព្រះវិញ្ញាណនៃព្រះអម្ចាស់បានយាងចេញដូចព្រះគម្ពីរបានចែងថា ខ្ញុំបានខ្វាក់ » ។៥
-
ជីវិតរបស់ព្រះសង្គ្រោះគ្មានភាពងាយស្រួលឡើយ ។ សូមស្វែងរកឧទាហរណ៍នៅក្នុងព្រះគម្ពីរអំពីគ្រានានា ដែលព្រះយេស៊ូវបានបង្ហាញពីភាពស្លូតបូតនៅពេលប្រឈមមុខនឹងឧបសគ្គ ។ សូមពិភាក្សាអំពីរបៀបដែលយើងអាចអនុវត្តតាមគំរូរបស់ព្រះអង្គសង្គ្រោះ នៅក្នុងស្ថានភាពដែលយើងអាចប្រឈមមុខនាពេលបច្ចុប្បន្ននេះ ។
-
របៀបមួយដើម្បីមានភាពស្លូតបូតនោះគឺតាមរយៈការបម្រើអ្នកដទៃ ។ សូមពិចារណាអំពីសកម្មភាពក្រៅពីការបម្រើ ដែលពួកយុវវ័យអាចធ្វើរៀងៗខ្លួន ឬជាក្រុម ។
ធនធាននានា
-
អូលីសេស សូរ៉េស « Be Meek and Lowly of Heart » Liahona, ខែ វិច្ឆិកា ឆ្នាំ ២០១៣ ទំព័រ ៩–១១ ។
-
ណិល អេ ម៉ាក់ស្វែល « Meekness—A Dimension of True Discipleship » Ensign, ខែ មិនា ឆ្នាំ ១៩៨៣ ទំព័រ ៧០–៧៤ ។
« អ្នកនឹងបានសេចក្ដីសុខសាន្តក្នុងយើង »
ភាពសុខសាន្តអាចមានផ្សេងៗពីគ្នាចំពោះមនុស្សម្នាក់ៗ — ជាក្តីសង្ឃឹមថា ការព្យាបាលអាចកើតមានបាន ជាការប្រាកដចិត្តថា មានមធ្យោបាយមួយដែលចេញរួចពេលគ្រាលំបាក ឬជាការអះអាងដែលថា យើងកំពុងនៅលើផ្លូវត្រឹមត្រូវ ។
-
សូមស្វែងរករឿងអំពីរបៀបដែលអ្នកដទៃបានរកឃើញភាពសុខសាន្តនៅក្នុងព្រះគ្រីស្ទនៅគេហទំព័រ Mormon.org/easter និងនៅទំព័រ ៦០ និង ៦៣ ក្នុងច្បាប់ចេញផ្សាយនេះ ។ តើអ្នករកឃើញភាពសុខសាន្តដោយរបៀបណា ?
-
សូមគិតអំពីការមើលវីដេអូបុណ្យអេស្ទើរឆ្នាំ ២០១៧ « Prince of Peace » នៅគេហទំព័រ Mormon.org/easter ។ អ្នកអាចអញ្ជើញពួកយុវវ័យឲ្យចែកចាយវីដេអូលើអ៊ិនធើរណែតនោះ ជាមួយនឹងទីបន្ទាល់អំពីរបៀបដែលពួកគេរកឃើញភាពសុខសាន្តនៅក្នុងព្រះគ្រីស្ទ ។
ធនធាននានា
-
ដបុលយូ គ្រីស្តូហ្វើរ វ៉តឌែល « A Pattern for Peace » Liahona, ខែ ឧសភា ឆ្នាំ ២០១៦ ទំព័រ ៩០–៩៣ ។
-
ឃ្វីនថិន អិល ឃុក « Personal Peace: The Reward of Righteousness » Liahona, ខែ ឧសភា ឆ្នាំ ២០១៣ ទំព័រ ៣២–៣៦ ។