លុះត្រាជួបទៀត
គោលបំណងនៃការបង្កបង្កើត
ដកស្រង់ចេញពី « Celestial Marriages and Eternal Families » Ensign, ខែ ឧសភា ឆ្នាំ ១៩៨០ ទំព័រ ១៥–១៨ ។ ការប្រកបអក្សរ និងការដាក់វណ្ណយុត្តិតាមបទដ្ឋាន ។
យើងម្នាក់ៗអាចបង្កើតផ្ទះរបស់យើងឲ្យដូចជាស្ថានសួគ៌នៅលើផែនដីនេះ ។
ចូរយើងពិចារណាអំពី … គោលបំណងនៃការបង្កបង្កើតផែនដីនេះ ។ ខគម្ពីរបានចែងយ៉ាងច្បាស់ថា គោលបំណងនោះគឺ … ផ្តល់កន្លែងមួយសម្រាប់បុត្រា និងបុត្រីរបស់ព្រះ ឲ្យរស់នៅក្នុងជីវិតរមែងស្លាប់ ហើយបង្ហាញខ្លួនថាសក្តិសម តាមរយៈការគោរពព្រះបញ្ញត្តិ ដើម្បីត្រឡប់ទៅវត្តមានរបស់ព្រះវិញ ជាកន្លែងដែលយើងបានចេញមក ។
បន្ទាប់ការបង្កើតផែនដីមក « ព្រះបានមានបន្ទូលថា ចូរយើងធ្វើមនុស្សឲ្យដូចជារូបយើង ឲ្យមានភាពដូចយើង ។ …
ទ្រង់ក៏បង្កើតមនុស្សឲ្យដូចរូបអង្គទ្រង់ គឺបានបង្កើតគេឲ្យចំនឹងរូបអង្គទ្រង់នោះឯង ក៏បង្កើតគេឡើងជាប្រុសជាស្រី ។
ទ្រង់ប្រទានពរដល់គេ ហើយមានព្រះបន្ទូលថា ចូរបង្កើតកូនឲ្យចម្រើនជាច្រើនឡើង ឲ្យមានពេញពាសលើផែនដីចុះ ត្រូវបង្ក្រាបផែនដី » ( លោកុប្បត្តិ ១:២៦–២៨ ) ។
ពេលព្រះបានបង្កើតស្ត្រី ហើយបាននាំនាងទៅឲ្យបុរស នោះទ្រង់មានបន្ទូលថា ៖
« ដោយហេតុនោះបានជាមនុស្សប្រុសនឹងលាចេញពីឪពុកម្ដាយខ្លួនទៅនៅជាប់នឹងប្រពន្ធវិញ ហើយអ្នកទាំងពីរនោះនឹងត្រឡប់ជាសាច់តែមួយសុទ្ធ » ( លោកុប្បត្តិ ២: ២៤ ) ។
មែនហើយ អាពាហ៍ពិពាហ៍ត្រូវបានតែងតាំងឡើងដោយព្រះ ហើយបន្ទាប់ពីឯកសារយោងដំបូងស្តីពីស្វាមី និងភរិយា នោះយើងរកឃើញខគម្ពីរមានផ្ទួនៗ ដែលជាភស្តុតាងបញ្ជាក់ថា បុរស និងស្ត្រីក្លាយជាស្វាមី និងភរិយានៅក្នុងពិធីរៀបមង្គលការ ។… យើងមកលើផែនដីនេះពុំគ្រាន់តែមកដើម្បី « ស៊ី ផឹក ហើយអរសប្បាយ » ប៉ុណ្ណោះទេ ( នីហ្វៃទី ២ ២៨:៧ ) ។ …
វាសំខាន់សម្រាប់យើងឲ្យយល់ថា ពេលយើងអាចរៀនពីព្រះគម្ពីរថា ព្រះគឺអស់កល្ប ការបង្កបង្កើតរបស់ទ្រង់គឺអស់កល្ប ហើយថាសេចក្តីពិតរបស់ទ្រង់គឺអស់កល្ប ។ ហេតុដូច្នោះហើយ ពេលទ្រង់ប្រទានអេវ៉ា ទៅឲ្យអ័ដាមនៅក្នុងអាពាហ៍ពិពាហ៍ ដែលការរួមរស់នៅគឺអស់កល្បជានិច្ច ។ …
… ពេលឪពុកម្តាយយល់អំពីគោលបំណងនៃវត្តមានរបស់ពួកគេ ថាពួកគេពិតជាកូនចៅខាងវិញ្ញាណរបស់ព្រះវរបតិាគង់នៅស្ថានសួគ៌របស់ពួកគេ ហើយថាពួកគេមានការទទួលខុសត្រូវក្នុងការផ្តល់រូបកាយនៃជីវិតរមែងស្លាប់ដល់អ្នកដទៃ នោះពួកគេរីករាយនៅក្នុងអព្ភូតហេតុនៃកំណើត ពេលពួកគេដឹងថា ពួកគេគឺជាដៃគូរួមគ្នាជាមួយព្រះនៅក្នុងការបង្កបង្កើត កូនចៅម្នាក់ៗដែលកើតមកក្នុងផ្ទះនោះ ។ …
ខ្ញុំដឹងថា តាមរយៈដំណឹងល្អរបស់ព្រះយេស៊ូវគ្រីស្ទ និងតាមរយៈការរក្សាព្រះបញ្ញត្តិរបស់ព្រះ និងសេចក្តីសញ្ញាដែលយើងចុះជាមួយទ្រង់ នោះយើងម្នាក់ៗអាចធ្វើឲ្យផ្ទះរបស់យើងដូចជាស្ថានសួគ៌នៅលើផែនដី អំឡុងពេលយើងរៀបចំខ្លួនយើង និងកូនចៅយើងត្រឡប់ទៅកាន់ព្រះវរបិតាសួគ៌យើងវិញ ។