O Se Mataupu Fou
E alaala le tusitala i Kolorato, ISA.
“These many blessings make me feel so thankful to be me” (Children’s Songbook, 11).
Sa tatalaina e Sara se pusa i totonu o lona potu ao savali atu Tina i totonu.
“E mafai ona ta valiina puipui i le lanu samasama?” na ia fesili ai ia Tina.
Sa faatoa latou siitia atu lava i se isi fale. Sa mafai e Sara ona piki mai se ie soosoo ma ni ie faamalama mo lona potu fou!
“Ou te manatu e mafai,” fai mai ai Tina. “O le lanu samasama o se lanu fiafia.”
Sa tuu e Sarah ni nai tusi i luga o se tamai fata i tafatafa o lona moega. E lei lagona e Tina le lagona fiafia i le taimi nei, talu lava ona maliu Tama i le faalavelave faafuasei. Na tuu ma le faaeteete e Sarah lana ata e sili ona fiafia i ai o Tama i autafa o tusi, i le mea e mafai ona ia vaai ai i taeao uma pe a ala i luga.
Sa ia faalogo i se masusu ma vaaia loimata i tulimanu o mata o Tina.
“Ou te alofa ia te oe, Tina,” o le tala lea a Sarah, ma opo ona lima i le puimanava o Tina ma opomau mai.
“E sili atu lo’u alofa ia te oe.”
O le Aso Toonai ao leʻi amataina le aʻoga, na fai ai e Tina ma Sarah la lavalava tuai, sii le meafale i le ogatotonu o le potu o Sarah, ma tuu ma le faaeteete ia lola pulumu i totonu o fata vali lanu samasama. Ina ua mavae sina taimi, na ufitia i le lanu samasama puipui–ma o la foliga ma lavalava!
“E foliga mai ua vali solo le la i luga o oe,” o le tala lea a Tina ma se ata.
Na ata Sarah. “Ma e te foliga e pei o se fa’i na pa i ou autafa!”
Sa la talie ao la tapenaina. Ae na mou atu le ataata o Sarah ina ua ia mafaufau e alu i le Peraimeri taeao ma le aʻoga i le aso na sosoo ai.
“Ou te popole e uiga i le lotu ma laʻu aʻoga fou,” sa ia fai atu ia Tina ao la fufuluina ni pulumu vali i totonu o le faatanoa [sink]. “O le a ou le iloa se tasi o faiaoga po o tamaiti po o soo se tasi.”
Na tape e Tina le vai ma toso mai Sarah i se fusi.
“O le a e faia ni uo. E te agalelei o le a tosina mai ai isi ia te oe. Ia avea oe ma le tagata lelei na e te i ai, ma o le a o mai ni uo.”
Na tau feoloolo lagona o Sarah, ae sa popole lava o ia.
“Maimau pe a na i ai Tama iinei e tuu mai ia te au se faamanuiaga,” o lana tala lea. “E pei lava ona ia masani ai ae ou te lei toe foi i le aoga.”
Sa filemu Mama mo se minute. “Ae a ia Uncle Wyatt?” o lana tala lea. “Ou te mautinoa o le a fiafia e avatu ia te oe se faamanuiaga.”
Sa luelue atu le ulu o Sarah. Atonu o le a fesoasoani se faamanuiaga.
I lena po, na tuu ai e le uso o le tama o Sara ona lima i luga o lona ulu e tuuina atu ia te ia se faamanuiaga.
“Ou te faamanuia oe ia e iloa o loo silafia oe e le Faaola ao e amataina lenei mataupu fou i le olaga,” o lana tala lea. “Na te le tuulafoaiina oe.”
Na gauai faapitoa Sara i upu mataupu fou. Sa fiafia o ia e faitau ma sa fiafia pea e amata se mataupu fou i se tusi.
O le taeao na sosoo ai na o atu ai Tina ma Satah i le lotu. Ina ua uma le sauniga faamanatuga na fesoasoani Tina ia Sarah e sue le potu o le Peraimeri. Sa ataata mai se teine i totonu ia te ia ma faatalofa mai.
“E mafai ona e nofo ii pe afai e te manaʻo ai,” o lana tala lea, a’o tuuina lona lima i se nofoa avanoa i ona talaane.
“Faafetai,” o le tala lea a Sarah. “O lo’u igoa o Sarah. Ou te fou iinei.”
“O a’u o Melody. Ou te fou foi! Ua naʻo loʻu vaiaso lona lua lenei.”
E lei leva ae talanoa ia Melody ma Sarah i isi tamaiti Peraimeri. Sa matua lelei lava le latou faiaoga.
“Ou te faamoemoe o le a sologa lelei faapea le aoga!” Na mafaufau Sarah ao alu e moe i lena po.
O le aso na sosoo ai, na alu ai Sarah i le pasi i lana aoga fou. Sa fiafia o ia e vaai i ni nai tamaiti mai le Peraimeri i lana vasega tolu.
“Faafetai, Tama Faalelagi,” sa tatalo lemu Sarah i le taimi na aai ai i le aoauli ma ana uo fou. “Masalo o le a avea lenei mea o se mataupu lelei, pe a uma.”