O Le Agaga Paia E …
1. O se tasi o sui o le Aigaatua. O lona uiga e galulue o Ia ma le Tama Faalelagi ma Iesu Keriso e fesoasoani ia i tatou. E taʻua o ia i nisi taimi o le Agaga aua e leai sona tino.
2. O se meaalofa lea e oo mai i le papatisoga. Pe a tuua le vai, o le a outou maua se faamanuiaga faapitoa e taua o le “faamauga” lea e valaaulia ai oe ia talia le Agaga Paia.
3. O se folafolaga mai le Tama Faalelagi. Pe a e tagofiaina le faamanatuga, ua e folafola atu e mulimuli pea ia Iesu. O le taui, ua folafola mai e le Tama Faalelagi o le a faatasi le Agaga Paia ma oe.
Pei o se palanikeke mafanafana o siomia ai lou loto. E mafai ona Ia faamafanafana ia te oe pe a e lagonaina le faanoanoa po o le fefe.
E pei o se faailoga e lapatai ai oe i tulaga matautia. E mafai ona ia taʻitaʻia oe mai mea o le a afaina ai oe.
Pei o se faiaoga agamalu. E mafai ona ia taʻu atu ia te oe le mea moni ma fesoasoani e te manatuaina mea na e aoaoina.
Pei o se ave feau mai le Tama Faalelagi. E mafai e le Agaga Paia ona fesoasoani ia te oe ia e lagona le alofa o le Atua ma malamalama i mea e finagalo o Ia ia e iloa.
Pei o se faailo e fesoasoani ia te oe e iloa le mea e alu i ai. Ao e faia filifiliga, e mafai ona Ia fesoasoani ia te oe e tumau i luga o le ala i le ola e faavavau.
Pei o se uo mamae e fia i ai ma oe i taimi uma! O le faia o filifiliga lelei, e te valaauliaina ai o Ia e mafuta ma oe.