Faatalofa Atu ia Halim!
E alala le tusitala i Idaho, ISA.
“Ua maua fua e outou, ia outou foai fuaina atu” (Mataio 10:8).
I le aoga i lena taeao, na maitauina ai e Marcus se tama fou o savali i totonu o le potuaoga.
“Talofa, tamaiti,” o le tala lea a Mrs. Becker a’o amata on fifilemu tagata uma. “O Halim lenei. E fou o ia i le tatou aoga. O le mea moni, e fou o ia i lo tatou atunuu.”
Sa tilotilo solo Halim i le foloa ao ia fai mai talofa. Na mafaufau Marcus e tau ese lona leo. Ae sa faaauau pea ona talanoa Mrs.Becker.
“Matou te fiafia tele ua i ai o ia iinei ma o le a avea o ia ma vaega o la tatou vasega. Ou te faamoemoe e mafai ona tatou fesoasoani uma ia te ia ia lagona le taliaina.”
A o faailoa e Mrs. Becker ia Halim le mea e nofo ai, na mafaufau Marcus e uiga i le popole o le a ia lagonaina pe afai e tatau ona siitia atu i se atunuu fou ma se aoga fou.
Ina ua uma a latou meaai i le taeao, na fai atu Mrs. Becker ia i latou uma e i ai se mea faate’i [surprise] mo i latou. Sa saofai sao i luga Marcus ina ia mafai ona ia iloa le mea na ia toso ese mai lana ato. O ni pakete laiti. Sa amata ona ia pasi atu ia i latou uma i le vasega.
“E tofu i tatou ma se pakete faalemafaufau i totonu oi tatou lava,” o lana tala lea ao ia tuuina atu ia Marcus se pakete samasama. “E faatumu e tagata a tatou pakete pe a latou faia ni mea lelei mo i tatou. Ma e mafai ona tatou faʻatumu isi pakete e ala i le avea ma tagata lelei ia i latou. Mo se faataitaiga, pe a fusiina oe e lou tina, o loʻo ia faatumuina lau pakete. A e fai atu se mea lelei i se tasi, o loʻo e faatumuina a latou pakete.”
Na tilotilo atu Marcus i lana uo mamae o Kalepo. Na i ai foi lana pakete lanu samasama!
“O lenei vaiaso, o le a tatou teuina nei pakete i luga o tatou kesi ina ia mafai ona tatou tusia ai ni tusi matagofie mo le tasi ma le isi,” o le tala lea a Mrs. Becker. Sa ia gaugaua se tamai fasi pepa ma tuu i totonu o se pakete. “Ma o lena mea o le a fesoasoani ia i tatou e manatua ai pakete faalemafaufau o i totonu o tatou uma. Tatou te mananao ia agalelei ina ia avea i tatou ma tagata faatumu pakete.”
Na aumai e Marcus se fasipepa ma mafaufau i mea e mafai ona ia tusi ia Kalepo, e pei o le e lelei o ia i taaloga. Ae na ia tilotilo atu ia Halim. O ona tauʻau na foliga mai o faagau i lalo, e pei o faanoanoa.
Na mafaufau Marcus pe na maua e Halim se uo lelei i le mea na nofo ai muamua. Ai na faigata le faatofa ma taufaamatau le me’i i se nofoaga mamao.
Sa tilotilo ifo Marcus i le fasi pepa avanoa i luga o lana kesi. Na i ai sona manatu, ona ia tusitusi lea,
“Mo Halim,
E faafeiloai atu i le matou aoga. A e manao, e mafai ona tatou taaalo i le malologa puupuu. O le a ou avea ma au uo. Ma ou te iloa o le a avea foi Kalepo ma au uo.
Mai ia, Marcus.”
Ona ia gaugaua lea ma le faaeteete o le pepa ma tuu i le pakete a Halim. Na ata Halim. Sa lagona e Halim le mafanafana ma le fiafia i lona loto. Sa fiafia o ia e avea ma se faatumu pakete!