Faatulagaina o Sini Moni e Mafai Ona E Faataunuuina

Saunia e Chakell Wardleigh

Mekasini a le Ekalesia

E te manaʻo e faaleleia? sili atu ona lelei i se tomai faapitoa? aoao se mea matuai fou lava? Atonu e te ono seti ni sini ina ia oo atu ai iina.

O nisi taimi tatou te tusi ai i lalo ni lisi uumi o sini ma taumafai malosi e ausia, ona galo ai lea ia i tatou pe faavaivai i ai. O se mea e masani ona faalogo i ai? Aisea tatou te mananao ai e suia ma sili atu ona lelei, o nisi taimi tatou te le mafai ona tumau i sini tatou te setiina? Ia, ua fuafua uma i le moni o a tatou sini ma le tele o galuega tatou te naunau e tuʻu i ai!

O nai motugaafa nei i le auala e faatu ai ni sini moni:

Faatu ni sini lelei. Ia taulai atu i le faamalosia o le tele o vaega o lou olaga, ae le na o le tasi. Na faatuina e le Faaola se faataitaiga atoatoa: “Na tupu Iesu i le poto ma le tino, ua alofagia o ia e le Atua atoa ma tagata” (Luka 2:52). O lona uiga, na tuputupu ae o Ia faalemafaufau, faaletino, faaagafesootai, ma le faaleagaga. E mafai ona e faatuina ni sini e faia foi faapea. O le iloaina o au sini o loʻo fesoasoani ia te oe e avea ma se tagata e sili atu ona lelei e mafai ona faamalosia oe e faaauau ai pea ona galue i ai.
Tusi i lalo au sini. Tuu au sini i se nofoaga e mafai ona e vaai i ai i aso uma! Po o luga o se laupapa i lou potu, i lau loka [locker] i le aoga, po o totonu foi o lau telefoni, fai ma iloilo au sini. O le tele o lou manatuaina o sini na e faatutuina, e le taumate o le a e galue pea agai ia i latou.
Ia patino. Afai e te “Aoao se mea fou” i luga o lau lisi o sini, e mautinoa lava o se sini moni, ae e le o patino lelei. O le a le ituaiga mea e te fia aʻoaʻoina? O se mea faifaili [instrument] fou? O se fua fou o se kuka? Atonu o se mea fou e te fiafia i ai? Ia patino e uiga i mea e te manao e ausia!
Faatu ni sini e mafai ona ausia i se taimi puupuu. E mafai ona e setiina se sini autu mo oe lava, ae ina ia mafai ona ausia lena sini, e tatau ona e pasia ni nai mea taua i le auala e ausia ai. Muamua, e te manaʻomia se fuafuaga. Mo se faataitaiga, e te manaʻo e tamoe i se malafoni i lenei tausaga. Ina ia mafai ona e oo i le tulaga e mafai ai ona e tamoe i le 26 maila (42 km), e tatau ona e amata laitiiti. Seti se sini e tamoe i ni nai maila i vaiaso uma, ma faaopoopo lemu le mamao i vaiaso taitasi. Pe a tatou faia ni fuafuaga e ausia ai a tatou sini, o le a fesoasoani le Atua ia i tatou e faataunuuina (tagai Faataoto 16:9).
Ia faaavanoa se taimi mo au sini. Talu ai e matua pisi tele le olaga, e mafai ona faigofie mo au sini le leiloa i le aʻoga, galuega, uo, ma aiga. Ae afai e te faataatia ese se taimi faapitoa e galue ai i lau sini i aso taitasi, i vaiaso taitasi, po o le a lava le taimi e te manaʻo ai, masalo o le a sili atu ona e tumau i ai.
Aua le soona faia se mea. Aua le setiina ni sini se tele e te tau le manatuaina mea uma na e fuafuaina e fai. Afai e te amata i na o ni nai sini taua, nai lo le faasagasaga i le 40 i le taimi, o le a e lagona le lofituina ma sili atu le toʻa i au taumafaiga e ausiaina i latou. E tatau ona tatou faia mea “i le poto ma le faatulagaga lelei; ona e le tatau i se tagata ona momo’e televave atu nai lo le malosi ua ia te ia” (Mosaea 4:27). Ma afai e te ausia se sini se tasi, o le a faapea ona ausia se isi! O mea laiti e tau atu i mea tetele.