Faafetai mo Mātua

Saunia e Peresitene Russell M. Nelson

Mai le “Faaaliga mo le Ekalesia, Faaaliga mo o Tatou Olaga,” konafesi aoao ia Aperila 2018.

O oʼu matua o matua matutua uma e toavalu na auai i le Ekalesia i Europa. Sa matuai faamaoni lava i latou i le Ekalesia. Ina ua mavae lena, o nisi o ou tuaa sa le ola i le talalelei. Ona o lenei mea, na tele ina le o ou matua i le lotu ao ou laitiiti.

Sa ou alofa i oʻu matua. Na la aoaoina aʼu i ni lesona taua. E le mafai ona uma loʼu faafetai ia i laua mo lo matou aiga fiafia. Ae e ui lava i loʻu laitiiti, na ou iloaina sa ou misia se mea aua e le o le matou aiga i le lotu. I se tasi aso sa ou tietie ai i se taavale laʼu pasese ma alu i se faletusi e sue se tusi e uiga i le Ekalesia. Sa ou fiafia lava e aoao e uiga i le talalelei.

Ina ua ou aoao e uiga i le Upu o le Poto, sa ou iloaina e le o ola oʻu matua i le ala ua aoao ai i tatou ia ola ai. Ae sa ou manao la te ola ai! O lea la, i se tasi aso, sa ou taeia uma fagu ava malosi i totonu o loʻu fale i luga o le fola sima! Sa ou manatu o le a faasalaina au e loʻu tama, ae sa leai ma sana tala.

A o ou matua, sa faaauau pea ona ou aoao e uiga i le talalelei. Na amata ona ou malamalama i le fuafuaga matagofie a le Tama Faalelagi. Sa ou papatiso ina ua 16 oʻu tausaga. I le vaitaimi o le Kerisimasi, sa tele ina ou faapea ifo ia te aʼu lava ia, “Ou te le toe fia manao lava i se isi meaalofa o le Kerisimasi! Ua na o lo’u manao lava ia faamauina i o’u matua i le malumalu.” Sa ou faatalitali mo le tele o tausaga mo lena miti ina ia taunuu. Ina ua silia ma le 80 tausaga a oʻu matua, na iu lava ina faamauina i matou o se aiga! Na ou lagonaina se olioli maoae i lena aso. O aso uma, ou te lagona pea le fiafia ona sa faamauina faatasi i laua ma na faamauina aʻu ia i laua.

Itulau e Valivali

“Liligi atu lou loto i lou Tama Faalelagi. Liliu atu ia te Ia mo ni tali ma mo le mafanafana.” —Peresitene Russell M. Nelson