O La Tatou Avanoa
Tamoe!
I se tasi afiafi, sa ou savali ai i lo’u fale. E na o ni nai poloka mai le mea na matou feiloai ai ma nisi o uo i le taimi ua sola, ae o lenei ua matuai pouliuli lava. Sa le mafai ona ou iloa le mea ou te savali ai.
Na ou iloaina ni alii talavou se toatolu o mulimuli mai ia te a’u. Na amata ona topetope la’u la’a e taufaamamao ma i latou, ae na latou mulimuli mai pea. Sa ou lagonaina se lagona mamafa i totonu o au. Ona oo mai lea ia te a’u o se manatu manino: tamoe! Na amata ona ou tamo’e i luga o le a’ega. O le a’ega e matuai maualuga lava, ae sa ou lagonaina se malosiaga e le o so’u malosi. E sili atu nai lo a’u lava.
O le taimi lea ua tamomoe foi alii talavou nei ma ua latalata mai ia te a’u. Sa ou le mautinoa po o le a le isi mea e fai. Na toe oo mai foi se manatu manino i loʻu mafaufau lea na taʻu mai ia te au e oso i se auala vaiti. Ina ua ou faia, o le mea na ou teʻi ai, na ou vaai atu i se leoleo. I le vaivai ai mai le tamoe i na poloka uma ma toetoe a le manava, sa ou fesili atu ia te ia mo se fesoasoani. Ina ua vaai mai alii talavou o loo ou talanoa i le leoleo, sa latou le toe tuliloaina aʻu ma iu ai ina savavali ese atu. Ina ia faamautinoa ua ou saogalemu, na savali le leoleo e momoli a’u i le fale.
O lena po na ou mafaufau ai pea e uiga i uunaiga na ou mauaina. Sa ou lagonaina le filemu i le iloaina na fesoasoani mai le Tama Faalelagi ia te au. Na ou faia se tatalo faafetai ia te Ia mo Lana taitaiga. Ou te iloa afai tatou te usitai i le leo o le Agaga, o le a tatou saogalemu.
Martín S., Puerto Madryn, Atenitina
O Le Nofo i Luga e Patino Lava ia te A’u
I Aso Sa e masani lava ona fafagu au e loʻu tina ina ia mafai ona ou sauni mo le lotu ma ou i ai iina ao le i amataina sauniga. Ae i se tasi Aso Sa na le fafaguina ai a’u e loʻu tina. Na ou ala ae ma ou matauina ou te lei faalogoina le leo masani a loʻu aiga o sauniuni mo le lotu. Sa ou tilotilo ma le popole i le uati ma iloa ai ua afa itula lo’u tuai i le lotu. Ua ou misia le faamanatuga. Masalo ou te misia foʻi le Aoga Sa.
Sa ou lagona le le mautonu ma le tuulafoa’i. Aisea na le fafagu ai aʻu e loʻu tina i lenei taeao? Na te fafaguina lava a’u i taimi uma. Ae na ou toe manatuaina: E le o le tiute o loʻu tina le fafaguina o aʻu ina ia mafai ona ou alu i le lotu i le taimi sa’o—o a’u lava ia. Sa ou faia aʻu lava feagaiga ma le Tama Faalelagi, ma o loʻu tiute le tausia.
I se taimi mulimuli ane i lena aso na fai mai ai loʻu tina i le le fafaguina o a’u i luga mo le lotu. Fai mai o ia o le a ia le toe fafaguina aʻu i luga. Sa fai mai o ia e tatau ona tuu i ai laʻu lava taumafaiga ma maua ai laʻu lava molimau.
I lena vaiaso, sa ou mafaufau ai i le auala e le mafai ai ona ou ola pea i molimau a oʻu matua ma pe faapefea ona ou taumafai malosi e faamalosia laʻu lava molimau. Talu mai lena taimi, ua ou galue malosi e alapo i Aso Sa uma ina ia mafai ona ou alu i le lotu i le taimi sa’o ma ai i le faamanatuga. O loo ou aʻoaʻo ina ia mafai ona ou ola tutoatasi faaleagaga.
Lia Alves, Ceará, Pasila
Mai le Kiki i le Agalelei
Sa ma tutu faatasi ma loʻu tina e totogi a ma faatau. Sa tumu le laina, o lea na punou ifo ai loʻu tina i luga o lenei tamaitiiti i luma oi maua e totogi le ma faatau. Na amata ona kiki o ia e le tamaitiiti. O le taimi lona lua na ia kikiina ai o ia, na ia soso ese ma fai atu, “Faamolemole e mafai ona aua nei e kikiina a’u?”
Na faliu mai le tina o le tamaitiiti ma fai atu i loʻu tina o ia le mafuaaga na kiki ai o ia. Na ia fai mai ituaiga upu leaga uma ia i ma’ua. Na amata ona ou pulato’a atu ia te ia ao ia toe faasaga i luma ma faaali foi le le mafaufau i le faatauoloa. Sa ou toʻafilemu, ae o totonu na ou ita. Na le mafai ona aveesea ma lo’u mafaufau. Sa ou iloa o le mea na tupu e le o le sese o loʻu tina po o aʻu foi, ae sa ou lagonaina pea le tiga.
Ina ua matou taunuu i le fale, sa ou alu i loʻu potu ma toso mai aʻu tusitusiga paia. Ina ua uma ona faitau mo se minute, sa ou lagona le manaomia ona ou tatalo. Sa ou tau le lagonaina se lagona lelei, ae na ou tootuli i lalo ma amata ona ou tatalo. Mulimuli ane, sa ou tatalo mo lenei fafine o le na leaga le faiga o ma’ua. Na faatumulia a’u i se lagona pito sili ona toafilemu. Sa le mafai ona ou maua se avanoa i loʻu loto e toe ita ai ia te ia. Sa ou lagonaina le alofa.
Teresa G., Idaho, ISA