Fesili & Tali
“E faapefea ona ou taofia au masini faaeletonika mai le faalavelave ia te a’u i le lotu ma le seminare?”
Le Iloa Atu, Le I Ai i le Mafaufau
Na ou matauina talu ai nei loʻu naunau e faaaoga mea faaeletonika i le taimi o le lotu ma gaoioiga a le autalavou. Na avea ma se mea ou te fiafia i ai. Soo se taimi lava na ou vaai ai i laʻu telefoni, sa tatau loa ona ou tago i ai ma siaki e vaai pe i ai ni ou faʻamatalaga fou po o ni feau omiomi. O le tali? O le nanaina o la’u telefoni mai ia te a’u lava. Pe o totonu o se ato, i lalo o se nofoa, pe o i ai foi i se uo—afai e le mafai ona ou iloa laʻu telefoni, o le a le faaosoosoina au e faaaoga.
Taryn M., 15 tausaga, Florida, ISA
Saunia Au Masini e Faʻaitiitia ai le Faʻalavelave
Saunia au masini i le auala tutusa e te saunia ai lou mafaufau ma lou tino mo le Sapati. Faʻafilemu lau telefoni i le taimi o vasega. E mafai ona e tuʻuina ese le polokalama o le Gospel Library mai isi polokalama aua afai e te manaomia ona faaaoga tusitusiga paia po o le api o tusiga, e le faalavelave na polokalama ia te oe.
Delguimar S., 21 tausaga, São Paulo, Pasila
Tatalo mo le Fesoasoani.
Ou te vaai mo le Agaga e ala i le tatalo. E fesoasoani lenei mea ia te aʻu ina ia mafai ona lafoai aʻu masini faaeletonika i le aso Sapati ma le taimi o le seminare. Soo se taimi lava ou te tatalo ai i loʻu Tama Faalelagi ma faitau le Tusi a Mamona, ou te maua se auala e tuuese ai a’u masini.
Desire M., 18 tausaga, Comoé District, Ivory Coast
Aua Nei Galo Kopi Malo [Hard Copies]!
O le faaaogaina o masini faaeletonika mo suesuega o le talalelei e lelei, ae o nisi taimi e mafai ona faaaoga sese. Ina ia taofia oe lava mai le faalavelave, taumafai e faaaoga kopi malo [hard copies] o tusitusiga paia. O le a taitai oe e le Alii. O le a sili atu ona e aoaoina ma lagona le Agaga.
Aiyana A., 13 tausaga, Laguna, Filipaina
Tuu Ese
I le lotu, ou te tapeina le leo o laʻu telefoni ma tuu i la’u taga sei vagana ua ou faaaogaina mo tusitusiga paia. I le taimi o le faamanatuga, ou te le faaaogaina. Ou te aveesea mai o’u lima e aloese ai mai le faaosoosoga e faaaoga.
William W., 17 tausaga, Virginia, ISA