Tuusao i le Mataupu

O le a se mea e tatau ona ou fai atu ai pe a fesiligia e aʻu uo a tatou talitonuga e uiga i le faaipoipoga ma le aiga?

I le “O le Aiga: O se Folafolaga i le Lalolagi,” ua folafola mai e le Au Peresitene Sili ma le Korama a Aposetolo e Toasefululua faapea “o le faaipoipoga i le va o se alii ma se tamaitai, ua faauuina e le Atua, ma o le aiga o le totonugalemu lea o le fuafuaga a Lē Foafoa, mo le taunuuga e faavavau o Lana fanau” (familyproclamation.lds.org).

O lenei folafolaga “o se malelega o le upumoni e faavavau” na oo mai i se “faagasologa o faaaliga” ma e le “na o se faamatalaga o aiaiga faavae” (Dallin H. Oaks, “O Le Fuafuaga ma le Folafolaga,” Liahona, Nov. 2017, 30, 29). E mafai ona e faasoa atua lou talitonuga patino o lenei mea, ma e mafai ona e faasoa atua ia faamanuiaga ua aumaia e nei upumoni ia te oe.

I le tali atu i isi, e tatau ona tatou aloese mai le faafia-amiotonu po o le fefinauai. E tatau ona tatou saili ia alolofa ia i latou. O i latou o e loto-matala ma faamaoni e tatau ona maua se tali faamaoni. Ae afai e manino o se tasi e le o naunau ma e na ona manao e taufaalili pe taufaaleaga i ou manatu, pe latou te mananao e amata se misa, e sili ona aloese mai le talanoaga (tagai Mataio 7:6).