I le taimi o Lana lauga i luga o le Mauga, na tuuina mai ai e Iesu ia i tatou le poloaiga faigata ia atoatoa (tagai Mataio 5:48). Ae ona ua noatia i tatou uma e faia ni mea sese, e faapefea ona faamoemoe le Atua ia tatou tausia lenei poloaiga? O le mauaina o se malamalama saʻo i faamoemoega o le Atua mo i tatou, e mafai ai ona tatou iloa le uiga ina ua faapea mai le perofeta o Moronae e mafai ona tatou “atoatoa ia Keriso” (tagai Moronae 10:32–33).
O Le a le Uiga o Le Ia Atoatoa?
“O le upu Eleni mo le atoatoa e mafai ona faaliliuina o le ‘maeʻa, uma, atiina a’e atoatoa’ (i le Mataio 5:48, vaefaamatalaga e). Ua poloaiina i tatou e lo tatou Faaola ina ia tatou atoatoa, maeʻa, atiina ae atoatoa—ina ia faaatoatoaina i uiga mama ma uiga ua faaalia e Ia ma lo tatou Tama oi le Lagi.”1
“O le atoatoaga ua finagalo ai le Faaola mo i tatou, e sili atu nai lo amioga e leai se sese. O le faamoemoega e faavavau e pei ona faailoa mai e le Alii i lana tatalo maoae faapuluvaga i lona Tama—ina ia faaatoatoaina i tatou ma mafai ona nonofo faatasi ma i la’ua i le faavavau o i luma.”2
“O lea ou te talitonu ai e lei fuafuaina e Iesu Lana lauga i lenei mataupu e avea o se samala tautala mo le sasaina o i tatou e uiga i o tatou vaivaiga. Leai, ou te talitonu na Ia fuafuaina e avea o se saafiafiga i le Atua ma po o ai le Atua le Tama e Faavavau ma le mea e mafai ona tatou ausia faatasi ma Ia i le faavavau.”3
Ata
Elder Gerrit W. Gong
“O le malamalama i i le alofa togiola mauafua na tuuina mai e le Faaola e mafai ona faasaolotoina ai i tatou mai avega faaletagata, faamoemoega sese ma le le tonu o le uiga sa’o o le atoatoa.”
Elder Gerrit W. Gong o le Korama a Aposetolo e Toasefululua, “Faaatoatoaina ia Keriso,” Liahona, Iulai 2014, 42.