សម្លឹងទៅអនាគត យករឿងអតីតកាលមកលើកទឹកចិត្ត
សម្រាប់មនុស្សភាគច្រើននៃពិភពលោក ឆ្នាំថ្មីគឺជាពេលមួយដើម្បីពិចារណាពីអនាគត ។ ប៉ុន្តែ វាក៏ជាពេលមួយដើម្បីរៀនពីអតីតកាលផងដែរ ។ នៅផ្លូវប្រសព្វនេះជាកន្លែងដែលយើងធ្លាប់នៅ និងជាកន្លែងដែលយើងនឹងទៅ យើងរកឃើញឱកាសនានាដើម្បីរីកចម្រើន ។
នៅក្នុងស្មារតីនោះ ច្បាប់នេះមិនត្រឹមតែមានបញ្ចូលនូវការផ្លាស់ប្ដូរថ្មីដ៏គួរឲ្យរំភើបសម្រាប់ពេលអនាគតប៉ុណ្ណោះទេ វាថែមទាំងរុករកអតីតកាលរបស់យើងទៀតផង ដើម្បីយល់ពីផ្នែករបស់យើងនៅក្នុងអ្វីដែលនឹងមកដល់ ។
ឆ្នាំនេះយើងរំឭកដល់ខួប ២០០ ឆ្នាំនៃការនិមិត្តដំបូង ។ គណៈប្រធានទីមួយ និងមនុស្សផ្សេងទៀតបានរៀបចំអត្ថបទមួយឈុត ដែលដកពិសោធន៍ពីអតីតកាល និងជួយយើងកំណត់ពីអនាគតរបស់យើង ។ នៅខែនេះ ប្រធាន អិម រ័សុល បាឡឺដ ប្រធានស្ដីទីក្នុងកូរ៉ុមនៃពួកសាវកដប់ពីរនាក់ ជួយយើងឲ្យយល់ពីទីជំហររបស់យើងនៅក្នុងការស្ដារឡើងវិញដែលកំពុងតែបន្តនៃនរគរបស់ព្រះ ព្រមទាំងកិច្ចខិតខំរបស់ទ្រង់ដើម្បីរៀបចំយើងសម្រាប់ការយាងមកជាលើកទីពីរ ( សូមមើលទំព័រ ១២ ) ។
សម្លឹងទៅអនាគត ច្បាប់នេះក៏មានផ្ដល់នូវធនធាននានាសម្រាប់កិច្ចខិតខំថ្មីរបស់សាសនាចក្រដើម្បីគាំទ្រដល់កុមារ និងយុវវ័យផងដែរ ( សូមមើលទំព័រ ២០ និង ២៦ ) ព្រមទាំងចាប់ផ្ដើមវគ្គសិក្សាព្រះគម្ពីរមរមនសម្រាប់បុគ្គលម្នាក់ៗ និងក្រុមគ្រួសារ ( សូមមើលទំព័រ ៣៤ និង ៣៨ ) ។ មាតិការបស់យើងសម្រាប់យុវវ័យណែនាំអំពីប្រធានបទថ្មីសម្រាប់យុវវ័យ ( សូមមើលទំព័រ ៥៦ និង ៦០ ) ។
យើងសង្ឃឹមថា លីអាហូណាបន្តនៅជាធនធានដ៏មានតម្លៃនៅក្នុងការគាំទ្រដល់ការសិក្សាដំណឹងល្អដែលផ្តោតនៅគេហដ្ឋាន កាលដែលយើងបន្តឈានទៅមុខជាមួយគ្នា ដោយត្រូវបានរុញទៅមុខដោយការរីកចម្រើនពីអតីតកាល ។
អ័ដាម ស៊ី អូលសុន
អ្នកគ្រប់គ្រងផ្នែកកែសម្រួល