ចូរមកតាមខ្ញុំ ព្រះគម្ពីរមរមន
តើព្រះគម្ពីរមរមនបានចេញមកពីផ្ទាំងណាខ្លះ ?
ថ្ងៃទី ៣០ ខែ ធ្នូ–ថ្ងៃទី ៥ មករា ទំព័របុព្វកថា
ព្រះគម្ពីរមរមនត្រូវបានសរសេរដោយព្យាការីពីបុរាណជាច្រើនរូប ដែលបានកត់ត្រាពាក្យសម្ដីរបស់ពួកលោកនៅលើផ្ទាំងដែកផ្សេងៗគ្នា ។ ក្រោយមក កំណត់ត្រាទាំងនេះត្រូវបានសង្ខេបដើម្បីបង្កើតជាផ្ទាំងមរមន ឬផ្ទាំងមាសដែលយ៉ូសែប ស៊្មីធ បានបកប្រែ ។
ការពិភាក្សា
បើប្រៀបធៀបទៅនឹងអ្វីៗទាំងអស់ដែលអាចត្រូវបានកត់ត្រានៅលើផ្ទាំងមាសទាំងឡាយ មរមន និងព្យាការីផ្សេងៗទៀតត្រូវបានបំផុសឲ្យជ្រើសរើសតែផ្នែកតូចមួយសម្រាប់ព្រះគម្ពីរមរមនប៉ុណ្ណោះ ( សូមមើល ពាក្យសម្ដីនៃមរមន ១:៥ និង នីហ្វៃទី៣ ២៦:៦ ) ។ តើការដឹងពីការណ៍នេះអាចជះឥទ្ធិពលដល់ទស្សនវិស័យរបស់អ្នកអំពីជំពូកទាំងឡាយដែលយើងមាននៅថ្ងៃនេះយ៉ាងដូចម្ដេច ?
ធនធានខ្លះសម្រាប់ផ្ទាំងចំណាររបស់មរមន
ផ្ទាំងតូចរបស់នីហ្វៃ ( ឆ្នាំ ៦០០ ម.គ.–១៣០ ម.គ.* ) ៖ នីហ្វៃទី១, នីហ្វៃទី២, យ៉ាកុប, អេណុស, យ៉ារ៉ុម, អោមណៃ
ផ្ទាំងធំរបស់នីហ្វៃ ( ឆ្នាំ ៦០០ ម.គ.–៣៨៥ គ.ស. ) ៖ លីហៃ, ម៉ូសាយ, ហេលេមិន, នីហ្វៃទី៣, នីហ្វៃទី៤, មរមន ១–៧
ផ្ទាំងអេធើរ ( ប្រហែលឆ្នាំ ២៣០០ ម.គ.–មុនឆ្នាំ ១៣០ ម.គ. )
ផ្ទាំងលង្ហិន ( ឆ្នាំ ៤០០០ ម.គ.–៦០០ ម.គ. ) ៖ ការដកស្រង់ជាច្រើនចេញពីផ្ទាំងទាំងនេះមាននៅក្នុងព្រះគម្ពីរមរមន ។
ផ្ទាំងមរមនដែលបានប្រគល់ដល់ព្យាការី យ៉ូសែប ស៊្មីធ
ផ្ទាំងលីហៃ ( ផ្នែកនៃការសង្ខេបរបស់មរមន ១១៦ ទំព័រ ដែលបានធ្វើបាត់ដោយ ម៉ាទិន ហារីស )
នីហ្វៃទី១ ដល់ អោមណៃ ( ពុំត្រូវបានសង្ខេប បញ្ចូលក្នុងផ្ទាំងតូចរបស់នីហ្វៃ ទេ )
ពាក្យសម្ដីនៃមរមន ការពន្យល់របស់មរមនក្នុងការបញ្ចូលផ្ទាំងតូចរបស់នីហ្វៃ
ម៉ូសាយ ដល់ មរមន ៧ ( ការសង្ខេបរបស់របស់មរមនអំពីផ្ទាំងធំរបស់នីហ្វៃ )
មរមន ៨–៩ មរ៉ូណៃបញ្ចប់សៀវភៅរបស់ឪពុកលោក
អេធើរ ( ផ្ទាំងអេធើរ ត្រូវបានសង្ខេបដោយមរ៉ូណៃ )
មរ៉ូណៃ ការសរសេររបស់មរ៉ូណៃ រួមមាន ទំព័រចំណងជើង
ផ្នែកដែលបិទត្រាទុក