តើទីក្រុងយេរូសាឡិមមានសភាពយ៉ាងណានៅជំនាន់របស់លីហ្វៃ ?

ថ្ងៃទី ៦–១២ ខែ មករា នីហ្វៃទី១ ១–៧

រាជធានីនៃនគរយូដា មានពោរពេញទៅដោយឧបាយកល និងភាពទុច្ចរិតខាងនយោបាយ ។ ជាពិសេសមួយទសវត្សរ៍កន្លងទៅនេះមានគ្រោះមហន្តរាយច្រើន ។ ស្ដេចនៃស្រុកយូដាត្រូវបានគេធ្វើគត ពួកសាសន៍យូដាត្រូវបានបង្ខំឲ្យទៅកាន់ក្រុងបាប៊ីឡូន ពួកព្យាការីដូចជាយេរេមា ត្រូវបានគេគម្រាមកំហែង និងដាក់គុក ។ ដោយហេតុដូច្នេះហើយ ដែលវាមិនមានអ្វីភ្ញាក់ផ្អើលទេ ដែលព្រះអម្ចាស់បានប្រាប់លីហៃឲ្យគេចខ្លួន ( សូមមើល នីហ្វៃទី១ ២:១–២ ) ។

ប្រជាជន ៖២៥០០០នាក់ ( តាមបទដ្ឋានពីបុរាណគឺច្រើន )
ភូមិសាស្ត្រ ៖ វាលខ្សាច់ ជ្រលងមានជីជាតិ ជម្រាលភ្នំ
រូបិយប័ណ្ណ ៖ លុយតាមទម្ងន់ ( ប្រាក់ ស្ពាន់ មាស ពុំមានកាក់ទេ )
ភាសា ៖ ហេព្រើរ
ការងារ ៖ សិប្បករ ឈ្មួញ ទាសករ ( ចាត់ទុកថាជាសមាជិកនៃគ្រួសារ ) ភាគច្រើនក៏ធ្វើចម្ការផងដែរ
អាហារ ៖ ផ្លែឈើ នំប៉័ង អូលីវ ផ្លែល្វា សម្លរ
សំលៀកបំពាក់ ៖ ក្រណាត់ធ្វើពីរោមចៀមគ្រើមៗ ស្បែកជើងសម្រែក រ៉ូបពណ៌សសម្រាប់ពួកសង្ឃ
សាសនា ៖ ពុករលួយ គោរពរូបព្រះ ព្យាការីក្លែងក្លាយប្រកាសពីភាពសុខសាន្ត ស្នែងចៀមផ្លុំឡើងប្រកាសការអធិស្ឋានរាល់ថ្ងៃ
រចនាសម្ព័ន្ធសង្គម ៖ អយ្យកោ រួមមានពួកអែលឌើរនៃទីក្រុង មេប្រមុខគ្រួសារ និងបុគ្គលល្អៗ ឬ « មនុស្សកើតក្នុងវង្សត្រកូលល្អ »
គ្រួសារ ៖ គ្រួសារមានផ្ទះច្រើននៅជុំវិញទីធ្លាដែលដឹកនាំដោយឪពុក ។ រួមបញ្ចូលទាំងគ្រួសារកូនប្រុស កូនស្រីមិនទាន់រៀបការ និងមីង ព្រមទាំងសាច់ញាតិជរា ។
យោធា ៖ ពុំមានទេនាពេលនេះ ។ គ្រប់ពលទ័ពគឺជាពួកបាប៊ីឡូន ដែលពួកយូដាបង់សួយសារអាករដល់ ។