Mga Istorya sa Kasulatan
Ang Batan-ong mga Manggugubat
Basaha ang mahitungod niini nga istorya diha sa Alma 56–57.
Mga paghulagway pinaagi ni Apryl Stott
Ang Basahon ni Mormon naghisgut mahitungod sa batan-ong mga lalaki kinsa kinahanglan nga mosulong sa gubat sa pagpanalipod sa ilang mga katawhan ug sa ilang mga pamilya. Gitawag sila og batan-ong mga manggugubat. Ang pulong nga “stripling” nagpasabut nga “batan-on pa.”
Kining batan-ong mga sundalo wala pa gayud sukad nakiggubat. Apan sila adunay usa ka maayo nga kapitan nga mangulo kanila. Ug sila mihinumdom sa unsay gitudlo sa ilang mga inahan ngadto kanila.
Ang ilang mga inahan mitudlo kanila sa pagsalig sa Dios. Mao nga ang batan-ong mga lalaki mihangyo sa Dios sa pagtabang kanila. Misunod sila sa ilang kapitan. Dayon maisugon silang nakig-away.
Midaug sila sa gubat! Ang uban nila nasamdan. Apan silang tanan nabuhi. Usa kadto ka milagro!
Makapaminaw ko og maayong mga butang nga gitudlo sa akong mga ginikanan ug mga lider. Ang Dios motabang kanako sa pagbarug alang sa unsay matarung. â—Ź