“Brother Gabriel W. Reid,” Liahona, Me 2024.
Brother Gabriel W. Reid
Fesoasoani Lua i le Au Peresitene Aoao o le Aoga Sa
Mo Gabriel W. Reid, o se tasi o vaega sili ona tauia o le avea ai ma se taitai misiona o le vaaia lea o faifeautalai o “taumamafa i afioga a Keriso,” atiina a’e se alofa mo tusitusiga paia, ma le manao ia avea atili e faapei o le Faaola.
“Afai e te fuafuaina moni lava pe faapefea ona ‘suamalie’ lau suesuega o le talalelei ia te oe, e pei ona fai mai i tusitusiga paia [tagai Alema 32:28], o le taimi lena e suia ai lou olaga,” o le tala lea a Brother Reid, o le e faaiuina lana auaunaga o se peresitene o le Misiona a Ausetalia Sini ia Iulai.
Sa fanau Brother Reid i Pago Pago, Amerika Samoa. E tautala o ia i le gagana Samoa, Sipaniolo, ma le Igilisi. I le gagana Samoa, na ia saunoa ai, o le upu taumamafa i le Tusi a Mamona ua faaliliuina o le “taumamafa fiafia” ma i le faaSipaniolo o le “deleitar.” Na ia faapea mai o upu uma e lua e faasino i le fiafia.
I le avea ai ma se fesoasoani i le Au Peresitene Aoao fou o le Aoga Sa, “Ou te fiafia lava e fesoasoani i isi ia iloa le tele o le olioli o i ai i le tatalaina o tusitusiga paia,” o lana tala lea.
O Gabriel “Gabe” Walter Po’u Reid na fanau i le aso 28 o Me, 1977, ia Eugene ma Tupu Reid ma ola a’e ai i le nuu o Leone i Samoa Amerika. O lona alofa i le Atua ma lona manao e faamuamua o Ia na amata a o laitiiti ma lagolagoina o ia a o taalo lakapi mo le Iunivesite o Polika Iaga mai le 1999 i le 2002 ona tulitulimatagauina lea o se galuega i le National Football League mai le 2003 i le 2006.
I lena taimi o lona soifuaga, sa ia aoaoina ai se lesona taua: “Pe a ta’u atu e le Alii ia te oe se mea, e te alu ‘atoa i totonu.’”
Sa faaipoipo Brother Reid ia Heather Lynn Sasse i le Malumalu o Bountiful Iuta i le aso 24 o Iuni, 2000. E toafa o la alo. Sa faauu mai o ia mai le BYU i le 2002 ma se faailoga o le tagata malaga i sootaga faavaomalo. I le taimi nei, o loo ia umia se kamupani e puleaina faugāfale.
E le gata i le pulefaamalumalu i le Misiona a Ausetalia Sini, ae sa avea foi Brother Reid ma fesoasoani i le au peresitene o le siteki, fautua maualuga, epikopo, peresitene o Alii Talavou a le uarota, tagata faigaluega i sauniga o le malumalu, ma se faifeautalai faamisiona i le Misiona a Chile Santiago i Saute mai le 1996 i le 1998.