Auaunaga a le Au Peresitene Sili

I se savali o ala o faasalalauga faaagafesootai na faapipiiina i le aso 14 o Fepuari, 2024, na valaaulia ai e Peresitene Russell M. Nelson tagata uma e faaaoga le Aso o le Valenitina e fai ma faamanatu e toe tautino atu e alofa i o latou tuaoi. Na saunoa Peresitene Nelson o le aso lea e faamanatu ai e tagata i le lalolagi atoa le alofa. E ui o le alofa e mafai i nisi taimi ona faatatau i fugalaau, sukalati, ma meaalofa, “ae o le poloaiga sili lona lua ua aoao mai ai se ituaiga alofa ese—o le alofa tula’i mo o tatou tuaoi.”

I le aso 15 o Fepuari, na faafeiloai ai e Peresitene Nelson ma ona fesoasoani le peresitene o le Malo o Navajo o Dr. Buu Nygren ma lona faletua, o le First Lady o Jasmine Blackwater-Nygren, i le Lotoa o le Malumalu. O Dr. Nygren ua tuuto atu e aumai mea taua e manaomia e pei o le vai, malosiaga, ma auala lelei i aiga uma o Navajo. I tausaga talu ai nei, na fesoasoani ai le Ekalesia a Iesu Keriso e aumai nisi o na mea i le Malo o Navajo.

I le taimi o le faasalalauga o le Uo i le Uo i le aso 9 o Mati, sa talanoa ai Peresitene Dallin H. Oaks, Fesoasoani Muamua i le Au Peresitene Sili, ma lona faletua o Kristen, ma fanau a fanau e toafitu o vaitausaga o le Peraimeri e uiga i le auala e faalogo ai i le Agaga Paia ma mea e faia e le Agaga Paia—e lapataia, faamafanafana, molimau, taiala, aoao atu, ma isi mea.

“O soo o Iesu Keriso e faalogo ia Iesu Keriso,” na saunoa ai Peresitene Oaks. “O nisi taimi na te tuuina mai ia i tatou se lagona, o nisi taimi o se manatu. Tatou te faalogo i Lona leo. Fai mai Peresitene Nelson, lo tatou perofeta, ia tatou faalogo i le Faaola ma ia lagona o Ia.”

Ina ua mavae le 61 tausaga o le faaipoipoga, sa faatofa atu Peresitene Henry B. Eyring, Fesoasoani Lua i le Au Peresitene Sili, i lona faletua o Kathleen, o le na maliu i le aso 15 o Oketopa, 2023. Na saunoa Peresitene Eyring, “O Kathleen o se tagata lava na ou manao ai ia avea ma tagata sili ona lelei e mafai ona ou avea ai.”

I le aso 24 o Mati, na faapaiaina ai e Peresitene Eyring le Malumalu o Red Cliffs Iuta i St. George, Iuta, ISA. “O le a e maua se olioli i lau auaunaga iinei e le o maua i se isi lava auala,” na ia saunoa ai i le taimi o sauniga o le faapaiaga.