Elder Karl D. Hirst

Fitugafulu o le Pulega Aoao

E manatu Elder Karl D. Hirst o ia lava “o se tagata masani i se valaauga tulaga ese.”

E vaai foi le Fitugafulu fou o le Pulega Aoao i lana molimau ma ona faamauga o se mea masani foi. “E leai ni ana asiasiga mai le lagi, e matuai leai lava se mea e matuai faaleagaga lava—ma ua ou le toe popole i lena mea aua ua matua faamalieina lava a’u i le ala ua filifilia e le Atua e fetalai mai ai ia te a’u, e tusa lava pe filifili o Ia e talanoa atu i isi tagata i se auala e ese mai ai,” o le tala lea a Elder Hirst. “E le mataina, ae e tele.”

Sa faatautaia e le tama o Elder Hirst, o Siaki, se faleoloa faatauvaa i le tulimanu. Sa ia iloaina Le Ekalesia a Iesu Keriso o le Au Paia o Aso e Gata Ai e ala i tagata faatau ma auai i le Ekalesia i ni nai tausaga talu ona fanau Karl i le aso 28 o Fepuari, 1972, i Bury, Lancashire, Egelani.

Na amata le molimau a Elder Hirst e uiga ia Iesu Keriso ina ua ia aoaoina tala e uiga i le Faaola ma usuina viiga a o auai i le Aoga Sa i se isi lotu a o laitiiti ma lona tina, o Vivien Ruth Meakin, ma lona tinamatua.

Sa auai mulimuli ane Karl talavou i sauniga a le Au Paia o Aso e Gata Ai ma maua ai se valaaulia mai se faiaoga o le Peraimeri e papatiso, lea na ia taliaina i le 10 o ona tausaga. E oo atu i le lima-faaopoopo i ai ma le lima sefulu tausaga o lona olaga, sa faatumauina ai e Elder Hirst lona faatuatua ma le molimau e pei o se tamaitiiti.

“Sa fetalai mai le Atua ia te au i lo’u loto i le ala lava lea e tasi na Ia fetalai mai ai a o ou i ai i le Peraimeri ma i le ala lava lea e tasi sa Ia fetalai ai a o ou i ai i le Aoga Sa,” o le tala lea a Elder Hirst.

Sa faaipoipo o ia ia Claire Elizabeth Wright i le aso 29 o Me, 1993, i Burnley, Lancashire. Sa faamauina i laua i se taimi mulimuli ane o lena aso i le Malumalu o Lonetona Egelani.

Na maua e Elder Hirst se faailoga o le tagata malaga i le tulafono i le 1996 mai le Iunivesite o Lancaster ma se faailoga o le pulega o pisinisi mai le Alliance Manchester Business School i le 2016. Talu mai le 1997, sa galue o ia o se tagata e faigaluega i le faamasinoga (loia).

O matua o se fanau e toaono, sa nonofo le au Hirsts i Bolsover, Chesterfield, Egelani, ma sa avea ma faatonu o sauniga o le Mo Le Malosi o le Autalavou i le taimi o lona valaauga.