“Elder Gregorio E. Casillas,” Liahona, Me 2024.
Elder Gregorio E. Casillas
Fitugafulu o le Pulega Aoao
Sa fanau Gregorio Enrique Casillas i Tijuana, Baja California, Mekisiko, i le aso 26 o Aokuso, 1975. Sa nofo ai o ia iina seia oo ina auauna atu o se faifeautalai faamisiona i le Misiona a Mekisiko Tampico.
Sa faamauina i laua ma Alema Angelina Obeso Gonzalez i le Malumalu o San Diego Kalefonia ia Iuni 1999. O i la’ua o ni matua o se fanau e toatolu.
A o le’i faaipoipo le to’alua, sa la nonofo i le 100 maila (161 km) le mamao a o a’oga o ia i Tijuana, ma sa aoaoina o ia i Mexicali. I masina a o lumanai le la faaipoipoga, sa la tatalo ma anapogi ina ia iloa ai le mea e nonofo ai ma amata ai lo la aiga. E manatua e Elder Casillas le lagona na ia maua mai le Agaga Paia.
“Ou te manatua a o ma anapogi, ma faalogo atu i le Alii o fetalai mai, ‘Afai o lou mauga o La Rumorosa [o se mauga tele e i le va o aai e lua], o le a ou aveesea,’” o le tala lea a Elder Casillas.
Sa ia fai mai na faamamaina e le Alii le ala mo le ulugalii ina ia i ai i Mexicali ina ua faafuasei ona taliaina o ia e le iunivesite iina o se tamaitiiti aoga fesiitai mai.
I Mexicali, “sa ma feiloai i tagata sa manaomia ona matou feiloai. Ma sa ma auauna atu i valaauga sa manaomia ona ma auauna atu ai,” o lana tala lea.
O lenei aafiaga na faatuina ai se mamanu mo lo la’ua ola faatasi ai. “Pe a tatou faamuamua le Atua, e maua e isi mea uma lo latou tulaga,” o le tala lea a Elder Casillas. “E manaomia ai sina faatuatua laitiiti ma sina faatinoga laitiiti, ona faaloaloa mai lea e le Alii Lona aao e faamanuia ai i tatou.”
Na maua e Elder Casillas se faailoga o le tagata malaga i le faaenisinia o mea tau i le malo mai le Universidad Autónoma de Baja California. Sa ia mauaina foi se faailoga o le matuaofaiva i le pulega o pisinisi mai le Iunivesite o Xochicalco. Sa faigaluega o ia i le puleaina o galuega faatino o faugāfale ma talu ai nei lava o se pule o fale ma fanua o le malumalu i le eria mo le Eria o Mekisiko a le Ekalesia.
Na auauna atu Elder Casillas o se Fitugafulu Eria, peresitene o le misiona i le Misiona a Mexico Mexico City South Mission, peresitene o le siteki, epikopo, fautuga maualuga, peresitene o le korama a toeaina, ma le peresitene o Alii Talavou i le uarota.