“Elder Sergio R. Vargas,” Liahona, Me 2024.
Elder Sergio R. Vargas
Fitugafulu o le Pulega Aoao
Ina ua alofa Elder Sergio R. Vargas ia Andrea Sanchez, sa manatu o ia e faigofie lava ona ia maua se vaifofo i o la’ua eseesega faalelotu: e tasi le la faaipoipoga i lana lotu mo lona aiga ma se isi faaipoipoga i le lotu [a Andrea] mo lona aiga.
Peita’i, sa vave ona ia iloaina, o le faia faapea o le a lē faigofie tele. O Andrea o se tagata o Le Ekalesia a Iesu Keriso o le Au Paia o Aso e Gata Ai, ma sa manao o ia i se faaipoipoga i le malumalu. O lea sa ia valaaulia ai o ia e aoao atili mai faifeautalai e uiga i lona faatuatuaga.
Sa talia e Elder Vargas le valaaulia, lea na suia ai lona olaga.
Na ia manatua lona faigaluega i se kamupani samani i lena taimi, e fesoasoani i le fela’ua’iga o i’a ola i le sami. I le taimi o se malaga e 25 itula, sa ia maua ai se nofoaga patino e faitau ai le Tusi a Mamona ma fesili atu i le Tama Faalelagi e uiga i le talalelei. O se suiga faaleagaga.
Sa fanau Elder Vargas i le aso 2 o Novema, 1976, i Puerto Varas, Chile, lea na ola a’e ai o ia ma ona tei e toalua. O lona tina o Gladys Barria, sa vaaia le aiga a o tausia e lona tama, o Renato Vargas, le filemu o se alii leoleo. E ui lava i le feiloaiga ma faifeautalai a o talavou, ae sa sili atu lona fiafia i le taalo pasiketipolo nai lo le aoaoina o le talalelei.
Pe ana le feiloai Elder Vargas ia Sister Vargas lea na ia saunia ai e faalogo i faifeautalai ma se mafaufau ma se loto matala, o lana tala lea. Sa la faaipoipo i le aso 26 o Iulai, 2003, ma mulimuli ane faamauina i le Malumalu o Santiago Chile. E toalua le la fanau.
Ina ua valaauina o se Fitugafulu Pulega Aoao, sa auauna atu Elder Vargas o se Fitugafulu Eria i le Eria o Amerika i Saute. O ona valaauga muamua i le Ekalesia e aofia ai le fautua maualuga, peresitene o le paranesi, ma le peresitene o le siteki.
Na faamaeaina e Elder Vargas se faailoga o le tagata malaga i punaoa o le marini mai le Iunivesite o Los Lagos i le 1999 ma maua ai se tipiloma o le pulega o pisinisi mai le Iunivesite o Austral i le 2002. Talu ai nei lava, sa faigaluega ai o ia o se pule o le gaosiga ma le faagaoioiga mo le Ventisqueros, o se tasi o le vaega o le Schörghuber a Siamani.