Tala Fou o le Ekalesia

Ua Maua e le Ekalesia le Malumalu o Katelani, Isi Meatotino

I le aso 5 o Mati, 2024, o le tiutetauave ma le umia o le Malumalu o Katelani i Ohaio, o nisi o fale lauiloa i Navu, Ilinoi, ma tusitusiga ma faatufugaga eseese na toe aveesea aloaia mai le Nuu o Keriso i Le Ekalesia a Iesu Keriso o le Au Paia o Aso e Gata Ai mo se aofaiga na malilie i ai.

Na faapaiaina le Malumalu o Katelani i le 1836 (tagai Mataupu Faavae ma Feagaiga 109–110), ae le’i umi se taimi ae lafoaia e le Au Paia ona o sauaga. Ina ua mavae le suia mai talu ai nei o lē onaina, sa tapunia le malumalu mo sina taimi puupuu ae na toe tatalaina i le aso 25 o Mati mo maimoaga faalauaitele e aunoa ma se totogi. O le a tumau pea ona avea ma se fale o le talafaasolopito.

E faapena foi, i Navu le Fale o le Aiga o Samita, o le Maota Autu (o le fale o Iosefa ma Ema mai le 1843 seia oo ina maliu o ia i le 1844), ma le Faleoloa Piliki Mumu (lea na faavaeina ai le Aualofa) na toe tatalaina foi mo maimoaga lautele i le tausaga atoa e aunoa ma se totogi.