“Elder Christophe H. Kim,” Liahona, Me 2024.
Elder Christopher H. Kim
Fitugafulu o le Pulega Aoao
Ina ua 14 tausaga o Elder Christopher H. Kim ma sa maua se avanoa e faasoa atu ai le talalelei i uo, sa ia iloaina e tatau ona ia iloa le moni o le Tusi a Mamona ina ia mafai ona ia tautala atu ma le talitonuga maumaututu.
“A o ou tatalo e uiga i le Tusi a Mamona, sa ou lagonaina se lagona faamafanafanaina o le agaga,” na ia manatua ai. “Ma na faafuasei lava, ona leai se fesili po o se masalosalo e uiga i le Tusi a Mamona.” Mo le taimi muamua i lona olaga, sa ia faaopoopo mai ai, “Sa ou lagonaina moni lava le Agaga, iloa le upumoni e uiga i le Tusi a Mamona, ma iloa o Iosefa Samita o se perofeta a le Atua.”
Na fanau Christopher Hyunsu Kim i le aso 18 o Novema, 1965, i Daegu, Korea i Saute, o le ulumatua o le fanau e toafa a Chinho Kim ma Kuncha Kim. Sa auai ona matua i le Ekalesia a o tamameamea o ia. Sa nofo Elder Kim i Daegu seia oo ina faauu mai le aoga maualuga ma sa malaga atu lona aiga i le Iunaite Setete, ma nonofo ai i Kalefonia i Saute.
A o auauna atu o ia i le Misiona a Uosigitone Seattle, sa auauna atu Sister Seongmi (Sue) Hong i le Misiona a Kalefonia Los Angeles. A o i ai iina, sa ia masani ai i le tina o Elder Kim. Mulimuli ane, ina ua maea misiona a Elder Kim ma Sister Hong, sa amata ona la tafafao faamasani. Sa la faaipoipo i le aso 7 o Tesema, 1991, i le Malumalu o Los Angeles Kalefonia. E toatasi lo la atalii ma afafine e toatolu.
Na faauu Elder Kim mai le Iunivesite o Polika Iaga ma se faailoga o le tagata malaga i suesuega faalevafealoai i le 1995 ma se faailoga o le matuaofaiva i pulega o pisinisi i le 1997. Ina ua uma lana aoga, sa faigaluega o ia i le Iunaite Setete, Taialani, ma Korea i Saute. Talu mai le 2005, sa faigaluega o ia i le Unicity International, o se faioloa e sapalaia meaai paleni ma meateutino e faavae i Iuta, talu ai nei lava sa avea ai ma peresitene o maketi i le lalolagi atoa, e faavae i Seoul, Korea i Saute.
Sa avea Elder Kim ma Fitugafulu Eria talu mai le 2019. Sa avea foi o ia ma se peresitene o le siteki, fesoasoani i le au peresitene o le siteki, peresitene o le misiona a le siteki, ma se fautua maualuga.