“Elder Sandino Roman,” Liahona, Me 2024.
Elder Sandino Roman
Fitugafulu o le Pulega Aoao
Sa faailoa atu ia Elder Sandino Roman le talalelei a Iesu Keriso a o laitiiti. O Aso Sa taitasi e aumai ai o ia ma lona tuafafine e se uo a lona tina e feiloai ma isi tagata e toa 15 o Le Ekalesia a Iesu Keriso o le Au Paia o Aso e Gata Ai i se tamai falelotu i Mekisiko.
Sa tatalo le tamaitiiti e lima tausaga i aso uma ina ia liua lona aiga i le talalelei. I le lua tausaga mulimuli ane, na papatisoina ai lona tina ma lona tama. I le tasi le tausaga talu ona mavae lena, na papatisoina ai o ia e lona tama. “O le mafuaaga lena, ua ou iloa ai e faafofoga mai le Alii i tatalo a tamaiti,” o le tala lea a Elder Roman.
O le taliaina o le talalelei ma le auauna atu i le Ekalesia ua i ai se aafiaga e suia i lona aiga. “Ua ou vaaia le taunuuga mulimuli e aumaia e le talalelei i olaga,” o le tala lea a Elder Roman. “Ou te iloa e aumaia ai le fiafia ma le faamoemoe.”
Na fanau Sandino Roman i le aso 7 o Aokuso, 1973, ia Lidia Corral ma Prometeo Roman i Iguala, Guerrero, Mekisiko. A o taaalo ai i le au volipolo a le aoga maualuga a le Ekalesia o le Benemérito de las Américas, sa feiloai ai Roma ia Guadalupe Villanueva Rojas. Sa faamauina i la’ua i le Malumalu o Sate Leki i le aso 19 o Tesema, 1998. E toafa le la fanau.
Na maua e Elder Roman se faailoga o le tagata malaga o le faasaienisi i polokalama faakomepiuta mai le ITESM (o le Monterrey Institute of Technology and Higher Education) i le 2000 ma se faailoga o le matuaofaiva i le pulega o pisinisi mai le Iunivesite o Polika Iaga i le 2006. Sa galue o ia o se pule o fefaatauaiga mo Johnson & Johnson ma mo le Ekalesia o se pule o le Ofisa o le Tautua Lagolago a le Eria o Mekisiko.
I le taimi o lona valaauga, sa la auauna atu ai ma lona faletua o ni taitai o le Misiona a Ekuatoa Quito i Matu. Sa avea foi Elder Roman ma Fitugafulu Eria, fesoasoani i le au peresitene o le siteki, epikopo, fautua maualuga, ma peresitene o le korama a toeaina.
Na saunoa Elder Roman o lana sini autu lava i le olaga, po o fea lava e auauna atu ai, o le maua lea o le faatuatuaina o ia e le Alii. “Ou te manao ia silafia e Ia e mafai ona Ia faatuatuaina au e fai lenei galuega,” o lana tala lea.