ប្រធាន ផល វី ចនសុន

ប្រធានសាលាថ្ងៃអាទិត្យទូទៅ

ចេញពីអាជីពជាគ្រូបង្រៀនថ្នាក់សិក្ខាសាលារហូតដល់តួនាទីជាអ្នកតំណាងការអប់រំរបស់សាសនាចក្រ លោកបានចំណាយពេលអស់ប្រាំបួនឆ្នាំ ការចូលបម្រើជាប្រធានសាលាថ្ងៃអាទិត្យ នោះ ប្រធាន ផល វី ចនសុន មានបទពិសោធន៍បង្រៀនដំណឹងល្អជាច្រើន ។ ប៉ុន្តែលក្ខណៈសម្បត្ដិដ៏សំខាន់បំផុតដែលលោកបាននាំមកនៅក្នុងការហៅថ្មីរបស់លោក នោះលោកមានប្រសាសន៍ថា គឺជា « សេចក្តីស្រឡាញ់របស់ខ្ញុំចំពោះព្រះវរបិតាសួគ៌ និងព្រះអង្គសង្គ្រោះ និងសេចក្តីស្រឡាញ់របស់ខ្ញុំចំពោះយុវវ័យ និងមនុស្សផ្សេងទៀតផងដែរ » ។

ប្រធាន ចនសុន បានកើតនៅថ្ងៃទី ២៤ ខែ មិថុនា ឆ្នាំ ១៩៥៤ នៅទីក្រុង ហ្គេនវីល ផ្លរីដា ស.រ.អា. ជាកូនរបស់លោក ចនសុន និងលោកស្រី វីនហ្វ្រេដ អាម៉ាឆេរ ។ មុនពេលលោកមានអាយុមួយខួប ឪពុកម្តាយរបស់លោកបានផ្លាស់លំនៅទៅរស់នៅឡូហ្គេន យូថាហ៍ ស.រ.អា ជាកន្លែងដែលពួកលោកចិញ្ចឹមបីបាច់លោក និងបងប្អូនប្រាំពីរនាក់ទៀតរបស់លោក ។

លោកបានស្គាល់អនាគតភរិយារបស់លោក ជីល វ៉ាស្សប៊ឺន នៅពេលដែលលោកត្រូវបានជ្រើសរើសឲ្យលេងបាល់ទាត់នៅវិទ្យាល័យ ម៉ុងទីឡូ រដ្ឋយូថាហ៍ ដោយអតីតគ្រូបង្វឹកដែលបានផ្លាស់ទៅទីនោះពីទីក្រុង ឡូហ្គេន ។ ផល និង ជីល ធ្លាប់បានជួបគ្នាពីមុន ប៉ុន្តែឥឡូវនេះពួកលោកបានក្លាយជាមិត្តភក្តិនឹងគ្នា ខណៈដែលចូលរួមវួដ និងថ្នាក់សិក្ខាសាលាដូចគ្នា ។ ស៊ីស្ទើរ ចនសុន បានសរសេរសំបុត្រទៅលោកខណៈដែលលោកបានបម្រើបេសកកម្មពេញម៉ោងនៅប្រទេសន័រវេស ។

ពួកលោកបានរៀបការនៅថ្ងៃទី ១៨ ខែ សីហា ឆ្នាំ ១៩៧៦ នៅព្រះវិហារបរិសុទ្ធ ឡូហ្គេន យូថាហ៍ ។ ពួកលោកមានកូន ៩ នាក់ និងចៅ ៤៣ នាក់ ។

គ្រួសាររបស់ប្រធាន ចនសុន បានប្រឈមមុខនឹងការសាកល្បងរបស់ពួកលោករួមគ្នា ចាប់ពីការបាត់បង់កូនស្រីម្នាក់ ដោយសារជំងឺមហារីក រហូតដល់ការពុះពារនឹងបញ្ហាសុខភាពរបស់ពួកលោកផ្ទាល់ ។ ប៉ុន្តែប្រធាន ចនសុន បានមានប្រសាសន៍ថា បទពិសោធន៍ទាំងនោះបានដុសខាត់ទស្សនៈរបស់លោកអំពីផែនការរបស់ព្រះ ។ លោកបានមានប្រសាសន៍ថា « ខ្ញុំគិតថា វាធ្វើឲ្យខ្ញុំ ក្នុងនាមជាគ្រូបង្រៀនម្នាក់ ប្រាថ្នាចង់ជួយយុវជនឲ្យចាប់កាន់ព្រះអង្គសង្គ្រោះ និងព្រះវរបិតាសួគ៌របស់ពួកគេ » ។

ប្រធាន ចនសុន រៀនចប់បរិញ្ញាបត្រផ្នែកសត្ដវិទ្យានៅឆ្នាំ ១៩៧៧ និងបរិញ្ញាបត្រជាន់ខ្ពស់ផ្នែកប្រឹក្សាយោបល់ និងការណែនាំនៅ ឆ្នាំ ១៩៧៨ បរិញ្ញាបត្រជាន់ខ្ពស់ទាំងពីរទទួលបានមកពីសាកលវិទ្យាល័យ ព្រិកហាំ យ៉ង់ ។ លោកទទួលបានសញ្ញាបត្រថ្នាក់បណ្ឌិតផ្នែកអប់រំមកពីសាកលវិទ្យាល័យ រដ្ឋយូថាហ៍ក្នុង ឆ្នាំ ១៩៨៩ ។

ប្រធាន ចនសុន ត្រូវបានគាំទ្រជាពួកចិតសិបនាក់ដែលមានសិទ្ធិអំណាចទូទៅនៅ ខែ មេសា ឆ្នាំ ២០០៥ ហើយបានបម្រើជាសមាជិកនៃគណៈប្រធាននៃពួកចិតសិបនាក់ចាប់តាំងពីថ្ងៃទី ១ ខែ សីហា ឆ្នាំ ២០២១ ។ លោកបានបម្រើជាទីប្រឹក្សានៅក្នុងគណៈប្រធានតំបន់អឺរ៉ុប ទីប្រឹក្សាក្នុងគណៈប្រធានតំបន់ស៊ីលី ទីប្រឹក្សានៅក្នុងគណៈប្រធានស្តេក និង ប៊ីស្សព ។

លោកនឹងត្រូវបានផ្តល់ងារកិត្តិយស ដែលមានប្រសិទ្ធភាពនៅថ្ងៃទី ១ ខែ សីហា ឆ្នាំ ២០២៤ នៅពេលលោកចាប់ផ្ដើមការហៅថ្មីរបស់លោក ។