ការងារបម្រើរបស់គណៈប្រធានទីមួយ

ក្នុងសារលិខិតនៅលើប្រព័ន្ធផ្សព្វផ្សាយសង្គមដែលបានចុះផ្សាយនៅថ្ងៃទី ១៤ ខែ កុម្ភៈ ឆ្នាំ ២០២៤ ប្រធាន រ័សុល អិម ណិលសុន បានអញ្ជើញយើងទាំងអស់គ្នាឲ្យប្រើទិវានៃក្តីស្រឡាញ់ ជាការំឭកឲ្យតាំងចិត្តឡើងវិញដើម្បីស្រឡាញ់អ្នកជិតខាងរបស់ពួកគេ ។ ប្រធាន ណិលសុន មានប្រសាសន៍ថា ថ្ងៃនេះគឺជាថ្ងៃមួយដែលមនុស្សទូទាំងពិភពលោកសាទរសេចក្ដីស្រឡាញ់ ។ ខណៈដែលពេលខ្លះសេចក្ដីស្រឡាញ់អាចនឹងអំពីផ្កា ស្ករសូកូឡា និងអំណោយ « បទបញ្ញត្តិដ៏ធំទីពីរបង្រៀនអំពីសេចក្ដីស្រឡាញ់ផ្សេងទៀត—ថាការស្រឡាញ់អ្នកជិតខាងយ៉ាងសកម្ម » ។

នៅថ្ងៃទី ១៥ ខែ កុម្ភៈ ប្រធាន ណិលសុន និងទីប្រឹក្សារបស់លោកបានស្វាគមន៍ប្រធានាធិបតីនៃសាសន៍ ណាវ៉ាហូ បណ្ឌិត ប៊ូ នីហ្គ្រេន និងភរិយារបស់លោក ជំទាវទីមួយ ចេស្មីន ប្លេកវ៉តធឺ-នីហ្គ្រេន ទៅកាន់វិសាលដ្ឋានព្រះវិហារបរិសុទ្ធ ។ បណ្ឌិត នីហ្គ្រេន ប្តេជ្ញានាំយកនូវរបស់ចាំបាច់ជាមូលដ្ឋានដូចជាទឹក អគ្គីសនី និងផ្លូវល្អទៅកាន់គ្រប់គេហដ្ឋានរបស់ សាសន៍ ណាវ៉ាហូ ។ ក្នុងប៉ុន្មានឆ្នាំថ្មីៗនេះ សាសនាចក្រនៃព្រះយេស៊ូវគ្រីស្ទបានជួយនាំយកវត្ថុទាំងនោះមួយចំនួនទៅកាន់សាសន៍ ណាវ៉ាហូ ។

នៅអំឡុងការចាក់ផ្សាយមិត្តទៅកាន់មិត្តកាលពីថ្ងៃទី ៩ ខែ មីនា ប្រធាន ដាល្លិន អេក អូក ទីប្រឹក្សាទីមួយក្នុងគណៈប្រធានទីមួយ និងភរិយារបស់លោក គ្រីស្ទីន បានមានប្រសាសន៍ជាមួយចៅទួតប្រាំពីរនាក់របស់ពួកលោក ដែលមានវ័យកុមារអំពីរបៀបដើម្បីស្ដាប់ព្រះវិញ្ញាណបរិសុទ្ធ និងអ្វីដែលព្រះវិញ្ញាណបរិសុទ្ធធ្វើ—ព្រមាន លួងលោម ថ្លែងទីបន្ទាល់ ដឹកនាំ បង្រៀន និងជាច្រើនទៀត ។

ប្រធាន អូកបានមានប្រសាសន៍ « ពួកសិស្សរបស់ព្រះយេស៊ូវគ្រីស្ទ ស្ដាប់ព្រះយេស៊ូវគ្រីស្ទ » ។ « ជួនកាល ទ្រង់ប្រទានដល់យើងនូវអារម្មណ៍ ពេលខ្លះជាគំនិត ។ ពេលខ្លះយើងឮសំឡេងរបស់ទ្រង់ ។ ប្រធាន ណិលសុន ជាព្យាការីរបស់យើង បានសូមឲ្យយើងស្ដាប់ព្រះអង្គសង្រ្គោះរបស់យើង និងស្ដាប់ទ្រង់ » ។

ក្រោយពីរៀបការអស់ ៦១ ឆ្នាំ ប្រធាន ហែនរី ប៊ី អាវរិង ទីប្រឹក្សាទីពីរនៅក្នុងគណៈប្រធានទីមួយ បានលាភរិយារបស់លោក ខាលលីន ដែលបានទទួលមរណភាពនៅថ្ងៃទី ១៥ ខែ តុលា ឆ្នាំ ២០២៣ ជាបណ្ដោះអាសន្ន ។ ប្រធាន អាវរិង បានមានប្រសាសន៍ថា « ខាលលីន តែងតែជាមនុស្សម្នាក់ដែលធ្វើឲ្យខ្ញុំចង់ក្លាយជាមនុស្សល្អបំផុតអស់ពីសមត្ថភាពរបស់ខ្ញុំ » ។

នៅថ្ងៃទី ២៤ ខែ មីនា ប្រធាន អាវរិង បានឧទ្ទិសឆ្លងព្រះវិហារបរិសុទ្ធ រេដ ខ្លីហ្វ យូថាហ៍ នៅទីក្រុង សេន ចច យូថាហ៍ ស.រ.អា ។ លោកបានមានប្រសាសន៍នៅអំឡុងកម្មវិធីឧទ្ទិសឆ្លងនោះថា « អ្នកនឹងរកឃើញអំណរនៅក្នុងការបម្រើរបស់អ្នកនៅទីនេះ ដែលអ្នកមិនអាចរកបានតាមវិធីផ្សេងឡើយ » ។