« សាសនាចក្រទិញព្រះវិហារបរិសុទ្ធ ខឺតឡង់ និងទ្រព្យសម្បត្តិផ្សេងៗទៀត » លីអាហូណា ខែ ឧសភា ឆ្នាំ ២០២៤ ។
ព័ត៌មានសាសនាចក្រ
សាសនាចក្រទិញព្រះវិហារបរិសុទ្ធ ខឺតឡង់ និងទ្រព្យសម្បត្តិផ្សេងៗទៀត
នៅថ្ងៃទី ៥ ខែ មីនា ឆ្នាំ ២០២៤ ការទទួលខុសត្រូវ និងកម្មសិទ្ធិសម្រាប់ព្រះវិហារបរិសុទ្ធ ខឺតឡង់ នៅរដ្ឋអូហៃអូ អគារប្រវត្តិសាស្ត្រជាច្រើននៅណៅវូ រដ្ឋអិលលីណោយ និងឯកសារ និងវត្ថុបុរាណផ្សេងៗត្រូវបានផ្ទេរជាផ្លូវការពីសហគមន៍នៃព្រះគ្រីស្ទទៅឲ្យសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ តាមចំនួនដែលបានព្រមព្រៀងគ្នា ។
ព្រះវិហារបរិសុទ្ធ ខឺតឡង់ ត្រូវបានឧទ្ទិសឆ្លងនៅ ឆ្នាំ ១៨៣៦ ( សូមមើល គោលលទ្ធិ និងសេចក្តីសញ្ញា ១០៩–១១០ ) ប៉ុន្តែ ពួកបរិសុទ្ធត្រូវបោះបង់ព្រះវិហារបរិសុទ្ធនេះចោលភ្លាមៗ ដោយសារតែការបៀតបៀន ។ បន្ទាប់ពីការផ្ទេរកម្មសិទ្ធិនាពេលថ្មីៗនេះ ព្រះវិហារបរិសុទ្ធនេះត្រូវបានបិទក្នុងរយៈពេលខ្លី ប៉ុន្តែបន្ទាប់មកបានបើកឡើងវិញនៅថ្ងៃទី ២៥ ខែ មីនា សម្រាប់ការទស្សនាជាសាធារណៈដោយឥតគិតថ្លៃ ។ ព្រះវិហារបរិសុទ្ធនេះនឹងនៅតែជាអគារប្រវត្តិសាស្ត្រមួយដដែល ។
ដូចគ្នានេះដែរ នៅទីក្រុង ណៅវូ ផ្ទះដីស្រែចម្ការ ភូមិគ្រឹះ របស់គ្រួសារ ស្ម៊ីធ ( ផ្ទះរបស់យ៉ូសែប និង អិមម៉ា ចាប់ពីឆ្នាំ ១៨៤៣ រហូតដល់ការស្លាប់របស់លោកនៅឆ្នាំ ១៨៤៤ ) និង ហាងឥដ្ឋពណ៌ក្រហម ( ជាកន្លែងដែលសមាគមសង្រ្គោះបានបង្កើតឡើង ) ក៏នឹងបើកឡើងវិញសម្រាប់ដំណើរទស្សនាជាសាធារណៈពេញមួយឆ្នាំដោយមិនគិតថ្លៃផងដែរ ។