1 Nipai 4–5

Nipai im Piliej Brass ko

Katak n̄an ļoor Jetōb eo

Nipai ej kepaakļo̧k m̧weo im ļōm̧aro jein rej lale

Leman, Lemeul, Sam, im Nipai raar bar ro̧o̧lļo̧k n̄an Jerusalem ilo bon̄. Nipai ekar ilo̧k n̄an m̧ōn Leban ilo an ļōm̧aro jein tileekek itulikin jikin kweilo̧k eo.

1 Nipai 4:4–5

Nipai ej loe Leban ioon laļ

Nipai ej kōtļo̧k bwe Jetōb en tōl e. Ekar jab jeļā ta eo ej aikuj kōm̧m̧ane, bōtaab ekar jeļā bwe Irooj enaaj kar jipan̄ e bōk piliej brass ko.

1 Nipai 4:6

Nipai ej jibwe jāje eo an Leban

Ke Nipai ekar epakeļo̧k m̧ōn Leban, ekar lo Leban ioon laļ. Leban ekar karōk. Nipai ekar lo jāje eo an Leban im bōke.

1 Nipai 4:7–9

Nipai ej oktakļo̧k jān Leban

Ke Nipai ekar kalimjōk jāje eo, Jetōb eo ekar jiron̄ e n̄an m̧an Leban. Bōtaab Nipai ekar jab kōņaan m̧an Leban. Jetōb eo ekar jiron̄ Nipai bwe ekar em̧m̧anļo̧k n̄an an Leban mej jān an baam̧le eo an Nipai jab bōk jeje ko rekwojarjar. Raar aikuji kien ko an Anij me kar je ioon piliej brass ko.

1 Nipai 4:10–11, 13–17

Nipai ej jar

Nipai ekar jeļā bwe Leban ekar kajjieon̄ in kar m̧ane e. Leban ekar barāinwōt ko̧o̧ti men ko m̧weier im kar jab pokake kien ko an Anij.

1 Nipai 4:11

Nipai ej kōņak nuknuk ko an Leban

Jetōb eo ekar jiron̄ Nipai bar juon alen n̄an m̧an Leban. Nipai ekar jeļā Irooj ekar kōpooj juon iaļ n̄an an bōk piliej brass ko. Ekar kāālet n̄an pokake Jetōb eo. Nipai ekar m̧an Leban im kar kōņak nuknuk ko an Leban.

1 Nipa 4:12–13, 17–19

Nipai ej kōnono n̄an Zoram

Innām Nipai ekar ilo̧k n̄an alele eo an Leban im kar iion Zoram rijerbal eo an Leban. Nipai ekar m̧akūtkūt im kar kōnono āinwōt Leban.

1 Nipai 4:20–23, 35

Zoram ej jibwi piliej brass ko

Nipai ekar jiron̄ļo̧k Zoram ekar aikuji pileij brass ko Innām Nipai ekar jiron̄ļo̧k Zoram n̄an etal ippānļo̧k. Zoram ekar ļōmņak Nipai ekar Leban, kōn menin ekar kōm̧m̧ane ta eo Nipai ekar kōņaan.

1 Nipai 4:24–26

ļōm̧aro jein raar ko jān Nipai

Ke Nipai im Zoram raar diwōjļo̧k jān jikin kweilo̧k eo, Leman, Lemuel, im Sam raar ļōmņak Nipai ekar Leban. Raar mijak im kar jino ko.

1 Nipai 4:28

ļōm̧aro jein rej kōnono im Zoram ej reilikļo̧k

Nipai ekar kūr ļōm̧aro jein. Ke raar jeļā ekar Nipai eo, ekar bōjrak aer ettōr. Bōtaab ke Zoram ekar jino mijak im kar kajjieon̄ bar ro̧o̧lļo̧k n̄an Jerusalem.

1 Nipai 4:29–30

Nipai ej kōnono n̄an Zoram

Nipai ekar kabōjrak Zoram. Ekar jiron̄ļo̧k Zoram bwe Irooj ekar kakien er n̄an bōk piliej brass ko. Ekar karuwaineneik Zoram n̄an etal ippāer n̄an ānen kallim̧ur. Zoram ekar jeļā bwe emaron̄ kar erom juon armej anemkwoj, ejjab juon rijerbal, im kar kallim̧ur n̄an etal ippān Nipai im baam̧le eo an

1 Nipai 4:31–37

Nipai im ļōm̧aro jein im Zoram rej iak iakwe Saraia im Liai

Raar bar ro̧o̧lļo̧k n̄an ippān Liai im Saraia Liai im Saraia raar lukkuun m̧ōņōņō n̄an lo ļōm̧aro nejier. Saraia ekar ļōmņak ļōm̧aro nejin raar mej. Kōnke Irooj ekar kōjparok ļōm̧aro nejin, liin kiiō ekar lōke bwe baam̧le eo an kar kakien er n̄an em̧m̧akūt jān Jerusalem. Baam̧le eo an Liai im Saraia raar kōm̧m̧an katok ko n̄an kam̧m̧oolol Irooj.

1 Nipai 4:38; 5:1–9

Liai ej riiti pileijj brass ko ippān baam̧ļe eo an

Liai ej riit jān pileij brass ko. Ekar lo bwe piliej ko ewōr ie katak ko an rikanaan ro. Ekar barāinwōt katak bwe juon iaan rūtto ro an ekar Josep, eo ekar wia kake n̄an Egypt jān ļōm̧aro jein etto. Liai ekar jeļā bwe piliej brass ko raar lukkuun aorōk. Ekar jeļā bwe Irooj ekar kōņaan bwe baam̧le eo an ren bōk kien ko.

1 Nipai 5:10–22