Jekab 5–6

Wōjke Olive ko

Iakwe eo an Anij n̄an armej ro An

pija in wōjke olive ko ej waļo̧k ilo an Jekab ekōnono

Jekab ekar juon rikanaan an Anij. Ekar kōņaan katakin ri Nipai ro kōn ewi jon̄an an Anij iakwe armej ro An. Jekab ekar jiron̄ er juon bwebwenato kōn juon jikin kallib in wōjke olive ko. Irooj in jikin kallib eo im jerbal eo An raar jerbal ippān doon n̄an kōjeparok jikin kallib eo.

Jekab 5:1–4, 7; 6:4–5

Irooj in jikin kallib eo ej kōb turin wōjke olive kōn jabōļ.

Irooj ekar wōr juon katōkan wōjke olive me ekar kalle leen em̧m̧an. Jekab ekar ba bwe wōjke in ekar āinwōt armej ro an Anij, ak m̧weo im̧ōn Israel. Leen eo ekar āinwōt jerbal ko an armej ro. Irooj ekar kanooj kōjeparok wōjke in. E ekar jipan̄ e eddōkļo̧k kōn kōņin okar ko an im jeke ra ko raan. E ekar leļo̧k n̄an e ta eo ekar menin aikuji n̄an an mour.

Jekab 5:1–3, 5; 6:1, 7

wōjke olive eo ej jino in mej

Ālkin jidik iien, wōjke eo Katōkan ekar jino mej. Ekar wōr wōt jejjo rā ko rōwāmourur. Menin ekar kōm̧m̧an bwe Irooj en kar būrom̧ōj. E ekar kōņaan bwe en kalle wōt leen eo em̧m̧an.

Jekab 5:3, 6–8

Irooj in jikin kallib eo ej jeke im kōm̧akūtļo̧k ra eo ewemourur.

N̄an kōjeparok ra ko rewemourur, Irooj eo ekar kōm̧akūtļo̧k er im kaddepeļo̧k er n̄an wōjke ko jet. Innām E ekar likūt er ippān ra ko rewemourur jān wōjke ko jet.

Jekab 5:7–14

Irooj in jikin kallib eo im rijerbal ro rej kōjeparok wōjke olive ko.

Juon iien aitok ekar ellāļo̧k. Irooj im rijerbal eo ekar emakijkij aerro itok n̄an jikin kallib eo. Raar kōjeparok wōjke eo aorōk katōkan Irooj eo. Raar barāinwōt kōjparok ra ko raorōk me raar ejepelōklōk ilo wōjke ko aolepān jikin kallib eo. Elōn̄ wōt ian leen ko me raar eddōk raar em̧m̧an. Leen eo em̧m̧an ekar kōm̧m̧an an Irooj eo im rijerbal eo An m̧ōņōņō.

Jekab 5:15–29, 31

Irooj eo an jikin kallib eo ej kōnono ippān rijerbal eo kōn wōjke olive ko.

Ālkin jet iien, kajjojo wōjke ko raar kalle elōn̄ leen. Bōtaab kiiō aolep leen ko raar nana. Irooj eo ekar lukkuun būrom̧ōj. E ekar jab kōņaan luuji jikin kallib eo An ak leen ko an! E ekar buuļ jerbal n̄an jipan̄ wōjke ko Kōtakan. E ekar ļōmņak bar ta E emaron̄ kar kōm̧m̧ane. E ekar kōnono ippān rijerbal eo im kāālet n̄an kajjieon̄ wōt.

Jekab 5:29–51

rijerbal ro rej jōk im kōm̧akūt ra eo ewemourur.

N̄an lo̧mo̧o̧ren jikin kallib eo An, Irooj ekar ba n̄an ain ra ko E ekar kōm̧akūti jān wōjke eo aorōk. E ekar ba n̄an kōddāpi bar juon alen n̄an wōjke eo aorōk.

Jekab 5:51–60

ra ko rewemourur rej eddep n̄an wōjke olive ko rooktak.

Menin ekar iien eo āliktata Irooj eo enaaj kar jerbal ilo jikin kallib eo An. E ekar kūr rijerbal ro jet n̄an jipan̄. Aolep raar jerbal ippān doon n̄an ain im kōddāpe ra ko.

Jekab 5:61–72

ra ko rewemourur an wōjke olive eo ippān leen

Raar kōjeparok aolep wōjke ko. Raar kōm̧akūt ra ko renana im kar dāpij wōt ko rem̧m̧an. Ālkin jidik iien, wōjke eo aorōk katōkan Irooj ekar bar kalle leen em̧m̧an. Wōjke ko jet raar barāinwōt kalle leen me ekar em̧m̧an in wōt leen wōjke eo aorōk. Irooj ekar m̧ōņōņō. Leen ko An raar kōjparoki! Raar aolep kalle leen eo E ekar kōņaan bwe ren kalle.

Jekab 5:73–75

Irooj in jikin kallib eo im rijerbal ro an rej lale juon wōjke olive ewemourur

Irooj ekar kam̧m̧oolol rijerbal ro. E ekar jiron̄ er raar jeraam̧m̧an kōn aer niknik im kōjparok kien ko An. E ekar kōjjebare leen eo ippāer, im ekar kōm̧m̧an bwe ren lukkuun m̧ōņōņō. Ium̧win juon iien aotōk, Irooj ekar em̧ōņōņō kōn leen eo.

Jekab 5:75–77

pija in Jisōs Kraist ej waļo̧k āinwōt ke Jekab ej kōnono

Jekab ekar kōjem̧ļo̧k bwebwenato in wōjke olive ko. Ekar katakin armej ro bwe Anij ej kea kōn er āinwōt an Irooj in jikin kallib eo kea kōn wōjke olive ko katakan. Jekab ekar kajjitōk ippān aolep n̄an ukweļo̧k im itok epaakeļo̧k Anij. Ekar katakin er n̄an iakwe im jerbal n̄an Anij kōnke Anij ej aolep iien kappukōt n̄an jipan̄.

Jekab 6:1–5, 7, 11