Mosaia 25–28; Alma 36

Alma eo Edik

Juon oktak ekajoor

Kiin̄ Mosaia ekar leļo̧k kajoor n̄an Alma n̄an tōl Kabun̄ eo ilo Zeraemna. Alma ekar katakin armej ro n̄an ukweļo̧k im tōmak ilo Irooj.

Mosaia 25:19–24; 26

Alma ekar ewōr juon nejin ļaddik ekar barāinwōt etan Alma. Alma eo Edik ekar jab tōmak ta eo jemen ekar katakin.

Mosaia 27:8

Mosaia ekar wōr nejin ļaddik ro me raar jab barāinwōt tōmak ilo Irooj. Raar ro m̧ōttan Alma eo Edik. Aolepāer raar kōņaan bwe armej ro ren ilo̧k jān Kabun̄ eo. Alma im ļōm̧aro nejin Mosaia kar tōl elōn̄ armej ro n̄an kōm̧m̧ani men ko raar jumae ņae kien ko an Anij.

Mosaia 27:9–10; Alma 36:6

Juon raan, Irooj ekar jilkinļo̧k juon enjeļ n̄an kabōjrak er. Enjeļ eo ekar jiron̄ er n̄an kabōjrak aer kajjieon̄ in kakkure Kabun̄ eo. Alma im ļōm̧aro nejin Mosaia raar kanooj mijak raar bun̄ ioon bwidej.

Mosaia:11–18; Alma 36:6–9

Alma ekar jab maron̄ kōnono ak em̧m̧akūt ium̧win jilu raan im jilu bon̄. Ekar lukkuun nana an en̄jake kōnke kōn aolep men ko rebōd ekar kōm̧m̧ani. Ekar barāinwōt inepata kōnke ekar tōl ļo̧k elōn̄ armej ro jān Irooj.

Mosaia 27:19; Alma 36:10–16

Alma ekar kanooj en̄jake eļap metak kōnke kōn jerawiwi ko an. Innām ekar keememej an jemen kōnono kōn Jisōs Kraist, eo Nejin Anij.

Alma 36:17

Alma ekar jar n̄an Jisōs n̄an jeorlo̧k an bōd. Ālkin an kar jar, ekar maron̄ jab keememej metak eo an. Ekar jeļā Irooj ekar jeorļo̧k an bōd. Ekar jab bar nana an mour kōn jerawiwi ko an. Ijello̧kin, Alma ekar lukkuun in m̧ōņōņō.

Mosaia 27:24, 28–29; Alma 36:18–22

Alma ekar bar bōk kajoor eo an. E im ļōm̧aro nejin Mosaia raar kāālet n̄an ukweļo̧k im kajjieon̄ kōm̧m̧ani aolep metak ko raar kōm̧m̧ani. Raar jerbal n̄an Irooj jān iien eo m̧aanļo̧k jān aer jipan̄ ro jet ukweļo̧k. Raar ito itak ilo aolepān āne eo Mosaia ekar irooj ioon im kar katakin armej ro kōn Jisōs.

Mosaia 27:20–24, 32–37; Alma 36:23–26

Alma im ļōm̧aro nejin Mosaia raar kōņaan kwaļo̧k m̧ōņōņō eo me katak ko an Jisōs ekar bōkļo̧k n̄an mour ko aer. Raar lukkuun kate er n̄an jerbal n̄an Irooj im armej ro. Ļōm̧aro nejin Mosaia raar kāālet n̄an em̧m̧akūt im katakin ril Leman ro kōn Jisōs. Alma ekar kāālet n̄an pād wōt im katakin wōt ri Nipai ro.

Mosaia 27:32–37; 28:1–10; 29:42–43