Alma 17–19

Abis

Jipan̄ armej ro an tōmak ilo Jisōs

Abis ej etetal ilo juon bukwōn

Abis ekar jerbal n̄an juon lerooj eo ekar juon RiLeman. Abis ekar ekkatak kōn Jisōs Kraist jān juon visōn an jemān. Ium̧win elōn̄ iiō ko, ekar tōmak ilo Jisōs im kar kōņaan ļoor E. Ak ekar jab ba n̄an riLeman ro jet.

Alma 19:16–17

Abis ekar kalimjōke lerooj eo, kiin̄ eo, im Ammōn

Juon raan, juon riNipai etan Ammōn ekar itok n̄an aelōn̄ in kiin̄ eo n̄an katakin riLeman ro kōn Jisōs im Anij. Lerooj eo im kiin̄ eo rekar tōmak ta eo Ammōn ekar katakin. Lerooj eo im kiin̄ eo rekar jeļā bwe Jisōs enaaj itok n̄an laļin im kōm̧m̧an bwe aolep ro rej tōmak ilo E ren maron̄ bōk jeorļo̧k bōd.

Alma 17:12–13; 18:33–36, 39–40; 19:9, 13

Abis ej loe an aolep wōtļo̧k ioon laļ

Lerooj eo im kiin̄ eo rekar en̄jake Jetōb Kwojarjar im rekar lukkuun m̧ōņōņō jon̄an rekar wōtlo̧k n̄an laļ. Ammōn im rijerbal ro rekar bar wōtlo̧k barāinwōt. Abis ekar e wōt ekar jutak

Alma 19:6, 13–16

Abis ej kōnono n̄an elōn̄ armej

Abis ekōņaan jiron̄ ļo̧k armej ro kōn kabwilōn̄lōn̄ in. Kōrā in ekar kōjatdikdik bwe armej renaaj tōmak ilo kajoor eo an Anij n̄e rekar lo ta eo ekar waļo̧k. Innām Abis ekar ettōr jān em̧ n̄an em̧. Kōrā in ekar ba n̄an armej ro bwe ren etal im lale ta eo Anij ekar kōm̧m̧ane n̄an lerooj eo im kiin̄ eo.

Alma 19:17

elōn̄ armej rej loe armej ro ioon bwidej

Elōn̄ armej ro rekar itok n̄an m̧weo im̧ōn lerooj eo im kiin̄ eo Rekar ilbōk kōnke ekar āinwōt lerooj eo, kiin̄ eo, im aolep rijerbal ro an rekar mej.

Alma 19:18

armej ro rej akwāāl

Armej ro rekar pok. Rekar illu kōn ta eo ekar waļo̧k n̄an lerooj eo im kiin̄ eo.

Alma 19:19–21

Abis ej bukwelōlō im jibwe pein lerooj eo

Ke Abis ekar ro̧o̧ltok, ekar lo an armej ro akwāāl. Ekar būrom̧ōj kōnke rekar jab loe kajoor eo an Anij. Innām ekar jibwe pein lerooj eo, im lerooj eo ekar jutak im nōbare Jisōs.

Alma 19:28–29

kiin̄ im lerooj eo rej jutak ippān Abis im Ammōn

Lerooj eo ekar jibwe pein ļeo pāleen, im ekar jutak. Kiin̄ eo ekar jiron̄ļo̧k armej ro kōn Jisōs. Innem Ammōn im rijerbal ro jet rekar jutak. Er aolep rekar jiron̄ļo̧k armej ro bwe Jisōs ekar ukōte er. Rekar kiiō kōņaan wōt in kōm̧m̧ani men ko rem̧m̧an. Elōn̄ armej rekar tōmak er.

Alma 19:29–36

Abis, lerooj eo im kiin̄ eo rej alooje juon peptaij

Āinwōt Abis ekar kōjatdikdik, armej ro rekar loe kajoor eo an Anij. Elōn̄ armej ro rekar tōmak ilo Jisōs im kar peptaij. Jetōb eo an Anij ekar pād ippāer. Er rekar ejaake Kabun̄ eo ilo āne eo āneer. Rekar loe bwe Jisōs ekar jipan̄ aolep armej ro ukweļo̧k im tōmak ilo E.

Alma 19:17, 31, 35–36