Alma 59–62

Kapen Moronai im Peoran

Kajoor jān Anij

Rinipai ro im Rileman ro rekar pād ilo tariņae. Moronai ekar kapen eo n̄an jarin tariņae ko an Rinipai. Ritōl ro an Rinipa ro rekar jab jilkinļo̧k ebwe ritariņae ak m̧ōn̄ā. Kapen Moronai ekar illu im je juon leta n̄an Peoran, ritōl eo an Rinipai ro.

Alma 59:3–13; 60:1, 3–5

Ilo leta eo an, Moronai ekar kajjitōļo̧k ippān Peoran etke eaar jab jilkinļo̧k jipan̄. Moronai ekar ļōmņak bwe Peoran ej jab kea kōn armej ro im kar kōņaan wōt kajoor. Moronai ekōņaan bwe armej ro An ren anemkwoj.

Alma 60

Peoran eaar būrom̧ōj kōn an ejjeļo̧k an jarin tariņae ko jipan̄. Ekar kōņaan jipan̄ Moronai, ak ekar jab maron̄. Jet inaan Rinipai ro raar jum̧aeik e.

Alma 61:1–4

Rinipai rein kar ņa etaer rijjepiaan kiin̄. Raar kōņaan bōk kajoor n̄an er make im irooj ioon armej ro. Rekar bōk kien eo jān Peoran.

Alma 51:5; 61:3–5, 8

Peoran ekar kōņaan wōt tōl Rinipai ro bwe en maron̄ jipan̄ er. Āinwōt Moronai, ekar kōņaan bwe Riipai ro ren ļoor Anij im kōjparok anemkwoj eo aer. Ekar kōņaan bwe ren jab aikuj ire ippān jabdewōt. Ak ekar m̧ōņōņō in ire eļan̄n̄e ekar jipan̄ kōjparok ineem̧m̧an eo an armej ro an.

Alma 61:9–14, 19–20

Peoran ekar kjjitōk ippān Rinipai ro n̄an jipan̄ e ire n̄an kōjparok baam̧le ko aer, aer anemkwoj, im jim̧we eo aer n̄an kabun̄jar n̄an Anij. Ekar jeļā bwe Jetōb eo an Anij emaron̄ kar pād ippāer n̄e rej kāālet n̄an ire kōn ta ekar jim̧we. Elōn̄ Rinipai ro raar itok n̄an jipan̄ Peoran bōbrae laļ eo aer.

Alma 61:5–7, 14–15

Peoran ekar je juon leta n̄an Moronai. Eaar jab illu ippān Moronai. Ekar jiron̄ Moronai aolep men ko raar waļo̧k. Ekar kajjitōk ippān Moronai n̄an itok im jipan̄ e ire ippān rijepiaan kiin̄ ro. Peoran ekar jeļā bwe eļan̄n̄e raar ļoor Anij, rej jab aikuj in mijak. Anij enaaj jipan̄ kōjparok er im jipan̄ er.

Alma 61:9, 14–21

Moronai ekar obrak kōn kōjātdikdik kōnke kōn tōmak eo an Peoran. Bōtaab ekar būrom̧ōj jet Rinipai raar ire ippān armej ro aer make im jab pokake Anij. Moronai eaar bōk juon jarin tariņae im etal n̄an jipan̄ Peoran. Ekar kotak taitōļ in anemkwoj eo aolep jikin ekar ilo̧k ie ļo̧k. Taujin Rinipai ro rekar kāālet n̄an ire n̄an bōbrae anemkwoj eo aer.

Alma 62:1–5

Moronai im Peoran rekar anjo̧ ioon rijepiaan-kiin̄ ro ippān jarin tariņae ko aer. Peoran eaar eron ritōl eo an Rinipai ro. Moronai ekar jilkinļo̧k elōn̄ em̧m̧aan ro n̄an jipan̄ jarin tariņae ko an Rinipai. Ekar bareinwōt jilkinļo̧k n̄an jarin tariņae ko m̧ōn̄ā. Kiiō ke Rinipai ro rekar bar koba ippān doon, rekar wiini elōn̄ pata ko. Rekar bōk elōn̄ jikin kweilo̧k ko an Rinipai ro jān Rileman ro.

Alma 62:6–32