Omnai 1; Mosaia 9

Mosaia im Zeniff

Kar Kōjparok jān Irooj

riNipai ro im riLeman ro ekar lōn̄ aer tariņae ko. Juon raan, Irooj ekar jiron̄ juon riNipai kar etan in Mosaia n̄an em̧m̧akūt jān āneen Nipai ippān jabdewōt eo enaaj kar ļoor Irooj.

Omnai 1:10, 12

Elōn̄ riNipai ro raar pokake Irooj im kar em̧m̧akūt ippān Mosaia. Irooj ekar tōl er n̄an juon āne me ekar wōr armej raar jokwe ie. Raar ņa etan armej ro riZaraemla

Omnai 1:13–14

Armej in Zaraemla ro raar barāinwōt itok jān Jerusalem etto. Raar m̧ōņōņō bwe Irooj ekar jilkinļo̧k riNipai ro ippān pileij brass ko. Armej ro an Mosaia raar koba ippān armej in Zaraemla ro. Aolep armej ro raar kāālet Mosaia āinwōt kiin̄ eo aer. Ekar katakin er kōn Irooj.

Omnai 1:14–19

ri Nipai ro raar jokwe ilo Zaraemla ium̧win jet iien ke juon kumi eļap ekar bar ro̧o̧lļo̧k n̄an āneen Nipai. Kar tōl er jān juon riNipai kar etan Zeniff.

Omnai 1:27–29; Mosaia 9:3–5

riLeman ro raar kiiō jokwe ilo āneen Nipai, kōn menin Zeniff ekar kajjitōk ippān kiin̄ eo aer eļan̄n̄e armej ro an remaron̄ jokwe ijo barāinwōt. Kiin̄ eo ekar errā.

Mosaia 9:6–10

Kiin̄ eo ekar m̧oņe Zeniff im armej ro an. Ekar kōtļo̧k bwe ren jokwe ilo ānen Nipai bwe en maron̄ bōk jet iaan m̧ōn̄ā ko kijier im mennin mour ko aer tokelik. Armej ro an Zeniff raar jokwe ilo aenōm̧m̧an ium̧win iiō ko. Raar kaddōk elōn̄ m̧ōn̄ā ko im kar wōr nejier mennin mour ko. Innām riLeman ro raar nitbwil im kajjieon̄ bōk m̧ōn̄ā ko kijier im mennin mour ko aer.

Mosaia 9:10–14

Zeniff ekar katakin armej ro an n̄an lōke ilo Irooj. Ke riLeman ro raar itok n̄an ire ippāer, Zeniff im armej ro an raar jar n̄an Irooj. Irooj ekar leļo̧k n̄an er kajoor im kar jipan̄ kōjeparok er. Raar maron̄ in luko̧rko̧reļo̧k ri Leman ro. Irooj ekar kōjeraam̧m̧an Zeniff im armej ro an kōn aer tōmak.

Moaia 9:15–18