1 Nipai 2–3; 5

Saraia

Iaļ in tōmak an juon kōrā

Saraia im Liai

Saraia ekar jokwe ilo Jerusalem ippān baam̧le eo an. Ļeo pāleen, Liai, ekar juon rikanaan an Anij. Juon raan, Irooj ekar jiron̄ Liai n̄an em̧m̧akūt jān Jerusalem ippān baam̧le eo an.

1 Nipai 2:1–3

Saraia ej jar

Saraia ekar wōr an tōmak ilo Irooj. Liin im baam̧le eo an raar em̧m̧akūt jān m̧weo m̧weer. Raar em̧m̧akūt jān gold im silver ko aer n̄an etal ippān Liai n̄an āne jem̧aden.

1 Nipai 2:4–5

Saraia ilo āne jem̧aden

Saraia im Liai raar ekkan ko kijier im men ko jet raar aikuji. Ālkin aer kar ito itak ium̧win elōn̄ raan ko, raar kajutak em̧ nuknuk ko im̧weer n̄an jokwe ilo āne jem̧aden. Innām raar kalōk juon lokatok im kar kam̧m̧oolol Irooj kōn jipan̄ eo An.

1 Nipai 2:4, 6–7, 15

Saraia ekar inepata ippān Liai ilo aitokan kōtaan eo.

Juon raan Irooj ekar kajjitōk ippān Saraia im ļōm̧aro nejin im Liai n̄an etal n̄an Jerusalem im bōk pileij brass ko. Saraia ekar mijak n̄e ļōm̧aro nejin rejjamin bar jepļaakļo̧k. Liin ekar ļōmņak raar mej. Liai aer kaenōm̧m̧an Saraia. Raar kāālet n̄an lōke bwe Irooj enaaj kar kōjparok ļōm̧aro nejierro.

1 Nipai 3:1–2, 4–6; 5:1–6

Saraia im Liai rej karuwaineneik ļōm̧aro nejierro.

Saraia ekar obrak kōn lan̄lōn̄ ke ļōm̧aro nejin raar bar ro̧o̧lļo̧k jān Jerusalem. Kiiō liin ekar jeļā bwe Irooj ekar kōjeparok er. Liin ekar lōke bwe Irooj enaaj kar leļo̧k n̄an er kajoor n̄an kōm̧m̧ane ta eo E kar kajjitōk. Aolepān baam̧le eo an Saraia raar m̧ōņōņō, im raar kam̧m̧oolol Irooj.

1 Nipai 5:7–9