2 Nipai 4–5

Juon Kapijuknen Ekāāl ilo juon Āneen Kallim̧ur

riNipai ro im riLeman ro

Baam̧le eo an Liai im Saraia raar eddōkļo̧k wōt ilo āneen kallim̧ur eo. Ajri ro nejier ekar wōr nejier make. Liai ekar bwij wōļāļo̧k. M̧okta jān an kar mej, ekar leļo̧k kōjeraam̧m̧an ko n̄an armej ro ilo baam̧le eo an. Ekar jiron̄ er bwe ke ren kōjparok kein ko an Anij, Irooj enaaj kar jipan̄ er.

2 Nipai 4:3–12

Ālkin an kar Liai mej, Nipai ekar tōl armej ro. Ekar jiron̄ er n̄an pokake Irooj. Leman im Lemuel raar illu. Raar kōņaan m̧ane Nipai bwe ren maron̄ kar tōl.

2 Nipai 4:13; 5:1–4

Irooj ekar jiron̄ Nipai n̄an em̧m̧akūt ippān baam̧le eo an im jabdewōt ro rekar kōņaan ļoor Irooj. Raar ito itak ium̧win elōn̄ raan ko im kar lo juon jikin kāāl n̄an mour ie.

2 Nipai 5:1, 5–8

Ro me raar etal ippān Nipai raar ņa etaer ri Nipai ro, im ro me raar pād wōt raar ņa etaer ri leman ro. riNipai ro raar kajjitōk ippān Nipai n̄an tōl er. Raar kate er jerbal. Raar kallib, nejnej menin mour, im kalōk juon tampeļ im m̧ōko jet. Pris ro im rūkaki ro raar katakin er kōn Irooj, im armej ro raar m̧ōņōņō.

2 Nipai 5: 9– 11, 13– 17, 26–27