Jisōs ej Loļo̧k Armej ro

Jipan̄ kajjojo armej tōmak ilo E

juon baam̧le ej kalimjōk lan̄, im armej ro jet ilo jikin kweilo̧k eo rej akwāāl

Elōn̄ armej ro raar jab ron̄jake rikanaan ro an Anij. Ak jet armej raar tōmak ta eo rikanaan ro raar katakin. Ritōmak rein raar kōttar kakōļļe ko kōn mej eo an Jisōs Kraist.

3 Nipai 7:16–26; 8:1–4

jarom, lan̄ ko, ibwijleplep ko, m̧akūtkūt in laļ ko, im kijeek ko rej kakkure juon jikin kweilo̧k

Ālkin an Jisōs kar mej ilo Jerusalem, kōkaļļe ko raar ijjino. Ilo Amedka, ekar wōr lan̄ ko, m̧akūtkūt in laļ ko, im kijeek ko ium̧win jilu awa ko. Jikin kweilo̧k ko kar kakkuri, im elōn̄ armej ro raar mej. Innām ekar wōr marok jilōn̄lōn̄ ium̧win jilu raan ko.

3 Nipai 8:5–19, 23

juon armej ej kajjieon̄ in kōjo̧ juon kijeek, ak eaar jab til im aolep men em marok

Maroklep eo ekar kanooj in mijel jon̄an armej ro raar jab maron̄ lo aļ, allōn̄, im iju ko. Rekar jab maron̄ em̧ool kōjo̧ kijeek ko ak kāāntōļ ko.

3 Nipai 8:20–23

ej marok wōt, armej ro rej jipan̄ doon ilo juon em̧ ekar rup, im juon armej ej jan̄ im jar.

Elōn̄ iaan armej ro me raar mour wōt raar lukkuun būrom̧ōj im mijak. Rekar jan̄ im kar en̄jake bōd bwe ekar jab m̧ōkaj aer ukweļo̧k.

3 Nipai 8:24–25

ej marok wōt, armej ro rej kalimjōk mejatoto, im armej eo ej jar ekar kabōjrak jan̄ eo

Ejjab to raar ron̄ juon ainikien. Ekar Jisōs eo ej kōnono n̄an er. E ekar kallim̧ur n̄an kōmour jabdewōt eo ekar ukweļo̧k. Jisōs ekar jiron̄ er bwe E ekar mej im bar ro̧o̧ltok im mour n̄an jipan̄ aolep armej. Armej ro raar lukkuun ļo̧kjeņaer bwe ekar bōjrak aer jan̄. Eaar wōr ikōn̄ ilo āne eo ium̧win elōn̄ awa ko.

3 Nipai 9; 10:1–2

baam̧le ko raar jijjet ilo doulul ko im ettōn̄ dikdik, im ejjab bar marok n̄an jidik

Jisōs ekar bar ekōnono. E ekar jiron̄ armej ro bwe E enaaj jipan̄ er eļan̄n̄e rej kāālet n̄an ļoore E. Maroklep eo ekar ilo̧k, im laļ eaar bōjrak an m̧akūtkūt. Armej ro raar m̧ōņōņō im kar nebar Jisōs.

3 Nipai 10:3–10

juon jarlepju in kumi in armej kar ain doon ipeļaakin tampeļ eo, im raar reilōn̄ļo̧k n̄an mejatoto ke kōdo̧ kilmej ko rej jino kwaļo̧k meram.

Emaron̄ juon iiō tokālik, elōn̄ armej ro raar itok n̄an tampeļ eo iloānen Bun̄pāļo̧k. Rekar kōnono kōn Jisōs im kōkaļļe ko kōn mej eo An. Ke raar kōnono, raar ron̄ juon ainikien edik jān lan̄. Kar jinoin, rekar jab maron̄ meļeļe. Innām raar bar ron̄j tokālik.

3 Nipai 8:5; 10:18; 11:1–4

Jisōs Kraist ej weaak laļ tak jān lan̄, im armej ro rej m̧ōņōņō im karuwaineneik E

Ke rej ron̄ ainikien eo kein kajilu, raar reilōn̄ļo̧k n̄an lan̄. Ekar Jemādwōj Ilan̄ eo ej ekōnono. E eaar jiron̄ armej ro n̄an lale im ron̄jake Nejin Maan. Innām armej raar lo juon em̧m̧aan ilo juon libooror mour wanlaļtak jān lan̄.

3 Nipai 11:5–8

Jisōs Kraist ej jutak ilubwiljin armej ro, im armej ro rej itok n̄an Ippān im un̄ur jenkwan dila ko ilo lubwidien Pein.

Em̧m̧aan eo ekar jutak ilubwiljin armej ro im ar ba, “Lo, N̄aij Jisōs Kraist.” armej ro raar wōtlo̧k n̄an ioon bwidej. Jisōs ekar jiron̄ er bwe E ekar en̄taan im mej kōn aolep. E eaar kūr n̄an armej ro n̄an un̄ur jenkwan ko ilo Pein, Neen, im katin bbwe ren maron̄ jeļā E ej Rilo̧mo̧o̧r eo an laļ.

3 Nipai 11:8–14

Jisōs Kraist ej jijjet ioon jikinwe ko an tampeļ eo, im armej ro rej itok n̄an Ippān im jibwe jenkwan dila ko ilo lo̧bwiden Pein

Armej ro rekar itok n̄an ippān Jisōs juon ilo̧k juon. Raar loe kōn mejāer make im kar en̄jake kōn pāier make jeno̧k ko ilo Pein, Neen, im Katin. Rekar aolep jeļā bwe E ej juon eo rikanaan ro raar ba enaaj kar itok. Rekar jeļā bwe E eo ej Rilo̧mo̧o̧r eo an laļ in. Armej ro raar wōtlo̧k ilo neen Jisōs im kar kabun̄jar n̄an E.

3 Nipai 11:15–17