Alma 4–12

Alma, Amulek, im Ziezrom

Kāālet n̄an tōmak= im pokake Anij

Kar luko̧rko̧r Alma jān armej ro

Alma ekar lo bwe elōn̄ ro uwaan Kabun̄ eo raar jab pokake kien ko an Anij. Kōn menin Alma ekar ilo̧k jān jikin kweilo̧k n̄an jikin kweilo̧k n̄an kwaļo̧k naan in Anij. Elōn̄ armej raar ukweļo̧k. Innām Alma ekar etal n̄an juon jikin kweilo̧k kar ņa etan Ammōnaia Armej ro ijo raar jab ron̄jake e. Raar kaploik e im kako e jān jikin kweilo̧k eo.

Alma 4:11–20; 5–7; 8:1–13

enjeļ eo ej kōnono n̄an Alma

Alma ekar en̄jaake būrom̧ōj ke ekar ilo̧k jān jikin kweilo̧k eo. Ekar inepata kōn armej ro. Innām juon enjeļ ekar itok n̄an ippān. Enjeļ eo ekar ba bwe Alma enaaj m̧ōņōņō kōnke ekar pokake Anij. Enjeļ eo ekar jiron̄ Alma n̄an bar ro̧o̧lļo̧k n̄an jikin kweilo̧k eo im kakkōl armej ro. Eļan̄n̄e rejjab ukweļo̧k, naaj kakkure er. Alma ekar m̧ōkaj an bar ro̧o̧lļo̧k.

Alma 8:14–18

Alma ej kōnono n̄an Amulek

Ke Alma ekar itok n̄an jikin kweilo̧k eo, ekar lukkuun in kwōle. E ekar jitlo̧k ium̧win elōn̄ raan ko. Alma ekar kajjitōk m̧ōn̄ā ippān juon em̧m̧aan kar etan Amulek.

Alma 8:19, 26

Amulek ej karuwaineneikļo̧k Alma

Amulek ekar jiron̄ Alma kōn juon visōn ekar loe. Ilo visōn eo, juon enjeļ ekar jiron̄ Amulek bwe Alma ekar juon rikanaan an Anij. Amulek ekar kōņaan jipan̄ Alma

Alma 8:20

Alma ej iak iakwe baam̧le eo an Amulek

Amulek ekar bōkļo̧k Alma n̄an m̧weo im̧ōn im kar leļo̧k n̄an e ekkan n̄an m̧ōn̄ā. Alma ekar pād ilo m̧weo im̧ōn Alulek ium̧win elōn̄ raan ko. Anij ekar kōjeraam̧m̧an Amulek im baam̧le eo an. Tokālik, Anij ekar jiron̄ Alma im Amulek n̄an jiron̄ armej ro ilo jikin kweilo̧k n̄an ukweļo̧k. Alma im Amulek raar pokake. Anij ekar leļo̧k n̄an erro kajoor eo An n̄an jipan̄ er katakin.

Alma 8:21–32; 9–13

Ziezrom ej leļo̧k jāān

Juon iaan armej ro raar ron̄ aer katakin ekar etan in Ziezrom. E ekar lukkuun māletlet im kar kōņaan m̧oņe Alma im Amulek. Ziezrom ekar jiron̄ Amulek enaaj kar lelo̧k n̄an e eļap jāān eļan̄n̄e en kar ba Anij ekar jab m̧ool. E ekar kōņaan bwe Amulek en riab bwe armej ro ren jab tōmak ta eo Amulek im Alma raar katakin.

Alma 10:29–32; 11:21–25; 12:4–6

Alma im Amulek rej kōnono n̄an Ziezrom

Bōtaab Amulek ekar jab riab kōn Anij. E ekar ba ewōr Anij. Amulek im Alma raar jeļā ļōmņak ko an Ziezrom. Ziezrom ekar ļo̧kjeņ an im kar kajjitōk ippāer elōn̄ kajjitōk ko. Raar katakin Ziezrom bwe ewōr juon an Anij karōk n̄an aolep armej. Ziezrom ekar tōmak ta eo Alma im Amulek raar katakin kōn Anij im Jisōs Kraist.

Alma 11:23–46; 12:1–18, 24–34; 14:6–7; 15:6–7

Ziezrom ej etetal ippān Alma im Amulek

Ziezrom ekar lukkuun in būrom̧ōj kōn men ko renana ekar kōm̧m̧ani. E ekar jino nan̄inmej. Alma im Amulek raar loļo̧k e. Alma ekar ba Ziezrom maron̄ kōmour e kōnke kōn tōmak eo an Ziezrom ilo Jisōs. Alma ekar kajjitōk ippān Anij n̄an kōmour e. Ziezrom ekar m̧ōkaj an jutak ioon neen. Ekar mour! Ekar peptaij im kar katakin armej ro ilo aolepān mour eo an.

Alma 15:1–12; 31:6, 32