Alma 31–35

Rizoram ro

Tōmak eo aer eaar eddōkļo̧k ilo Jisōs Kraist.

Juon kumi in armej in Nipai kar ņa etaer Rizoram ro kar jab kōjparok kien ko an Anij. Menin ekar kōm̧m̧an an rikanaan eo Alma būrom̧ōj. E ejeļā wāween eo em̧m̧antata n̄an jipan̄ er ekar n̄an katakin er naan eo an Anij. E ekar ilok ippān Amulek im ro jet n̄an katakin er.

Alma 31:2–11

Rizoram ro rekar jeļā kōn Anij bōtaab kar ukōt katak ko An. Rekar kabun̄-jar n̄an ekjab ko. Rekar ļōmņak bwe rekar em̧m̧anļo̧k jān armej ro jet. Raar barāinwōt lāj n̄an armej ro me ekar ejjeļo̧k aer jāān.

Alma 31:1, 8–12, 24–25; 32:2–3

Rizoram ro rekar kalōk juon jikin eutiej n̄an jutak ioļapļap in kabun̄ ko aer. Juon ilok juon rekar jutak ioon im kar jar. Rekōn jar kōjerbal ejja naan ko wōt aolep iien. Ilo jar eo, raar ba ejjeļo̧k ānbwinnin Anij im ejjeļo̧k Jisōs Kraist ekar jab m̧ool in. Raar ba kar er wōt armej Anij enaaj lo̧mo̧o̧ren.

Alma 31:12–23

Alma ej iakwe Rizoram ro im kar kōņaan bwe ren ļoor Anij im Jisōs. Ekar jar im kajjitōk ippān Anij n̄an jipan̄ e im ro jet me raar itok ippān n̄an katakin rRizoram ro. Alma im ro raar pād ippān rekar aolep obrak kōn Jetōb Kwojarjar eo. Rekar ilo̧k im katakin kōn kajoor eo an Anij.

Alma 31:24–38; 32:1

Jet Rizoram rekar būrom̧ōj. Ekar jab mālim aer deļo̧n̄ ilo m̧ōn jar ko kōnke ekar ejjeļo̧k aer nuknuk ko rem̧m̧an. Rekar kōņaan kabun̄-jar n̄an Anij ak rekar jab jeļā eļan̄n̄e remaron̄ jab deļo̧n̄e m̧ōn jar ko. Rekar kajitūkin Alma ta eo rej aikuj kōm̧m̧ane. Alma ekar katakin er bwe Anij ej ron̄jake jar ko aer jekdo̧o̧n ia rej pād ie.

Alma 32:2–12; 33:2–11

Alma ekar ba Anij ekar kōņaan bwe armej ro en wōr aer tōmak. Ekar keidi katak ko an Anij n̄an juon ine. Eļan̄n̄e armej renaaj katōk katak ko an Anij ilo būruier, ine eo enaajeddōk im renaaj jeļā bwe katak ko an Anij rej m̧ool. Ekar ba rej aikuji wōt juon ikdeelel n̄an tōmak n̄an jino kōjerbal tōmak eo aer.

Alma 32:12–43

Innām Amulek ekar katakin armej ro kōn karōk eo an Anij n̄an ajri ro Nejin. Ekar jiron̄ er bwe kōn Jisōs maron̄ naaj jeorļo̧k jerawiwi ko aer. Ekar barāinwōt katakin er n̄an jar n̄an Anij im kar ba bwe Anij enaaj jipan̄ im bōbrae er.

Alma 34

Elōn̄ iaan Rizoram ro me raar jeram̧ōl raar tōmak ta eo Alma im Amulek raar katakin. Bōtaab ritōl ro an Rizoram ro raar illu. Raar kipel aolep rittōm̧ak ro n̄an diwōjļo̧k jān jikin kweilo̧k eo.

Alma 35:1–6

Rittōmak ro raar ilo̧k n̄an mour ippān Antai-Nipai- Liai ro. Antai-Nipai- Liai ro raar jerbal in karejar n̄an er, jerbal n̄an er,kōn leļo̧k n̄an er m̧ōn̄ā, nuknuk ko, im bwidej.

Alma 35:19