Samuel Rikanaan eo

Katakin kōn ļotak im mej eo an Jisōs

Rinipai ro rej kōm̧m̧an bwe Samuel en likūt jikin kweilo̧k eo

Juon rikanaan in Rileman kar etan Samuel ekar etal n̄an katakin Rinipai ro ilo Zeraemla. Ekar katakin kōn ukweļo̧k. Rinipai ro raar jab ron̄jake im kar kadiwōjļo̧ke jān jikin kweilo̧k eo.

Hilamōn 13:1–2

Samuel enan̄in kar jepļaakļo̧k n̄an ippān armej ro an. Bōtaab Irooj ekar jiron̄ e n̄an bar ro̧o̧l n̄an katakin Rinipai ro.

Hilamōn 13:2–3

Samuel ej jutak nabōj in jikin kweilo̧k eo im reilōn̄ļo̧k n̄an e

Irooj ekar jiron̄ Samuel E enaaj jiron̄ e ta eo n̄an ba. Samuel ekar pokake Irooj. E ekar bar ro̧o̧lļo̧k n̄an Zeraemla. Bōtaab Rinipai ro raar jab kadeļo̧n̄ e n̄an jikin kweilo̧k eo.

Hilamōn 13:3–4

Samuel ej jutak ioon woror eo an jikin kweilo̧k eo im ej kōnono n̄an juon jarlepju in juon kumi in armej eļap

Samuel ekar tallōn̄e worwor eo an jikin kweilo̧k eo. E ekar ba men ko Irooj ekar likūti ilo būruwōn. E ekar kakkōļ armej ro bwe naaj kar kakkure er kōnke raar kōm̧m̧ani men ko renana. E ekar ba bwe ukweļo̧k wōt im tōmak ilo Jisōs Kraist emaron̄ lo̧mo̧o̧ren er. E ekar ba Jisōs, eo Nejin Anij, naaj kar ļotak ilo laļem iiō ko.

Hilamōn 13:4–11; 14:2, 8, 12–18

Samuel ej jutak ioon worwor in jikin kweilo̧k eo im kōnono, im juon pija in Jisōs iturin āinwōt juon nin̄nin̄, Meri, im Josep

Samuel eaar ba enaaj wōr kakōļļ ko kōn lotak eo an Jisōs. E ekar jiron̄ armej ro n̄an kappukot kakōļļe ko. Juon kakōļļe enaaj kar kōn juon bon̄ kōn ejjeļo̧k maroklep. Kakōļļe ko jet renaaj kar bwe juon iju ekāāl im elōn̄ mennin bwilōn̄ ko renaaj waļo̧k ilo lan̄.

Hilamōn 14:3–7

Samuel ej kōnono, im juon pija iturin kōn Rilo̧mo̧o̧r Jerkakpeje itunam̧ōj in lōb eo an kōnono n̄ana Meri Magdalini

Samuel ekar kōņaan bwe armej ro en wōr aer tōmak ilo Jisōs. E ekar ba Jisōs enaaj kar mej im jerkakpeje bwe aolep armej ren maron̄mour eļan̄n̄e rej ukweļo̧k.

Hilamōn 14:8, 12–18

Samuel ej kōnono, im juon pija ej pād itulikin kōn juon jikin kweilo̧k emarok

Samuel ekar ba enaaj kar wōr kakōļļe ko kōn mej eo an Jisōs. Armej reban maron̄ lo aļ, allōn̄, ak iju ko. Enaaj ejjeļo̧k meram ālkin jilu raan ko.

Hilamōn 14:20, 27

Samuel ej kōnono, im juon pija iturin kōn juon jikin kweilo̧k eurur kōn jejļo̧k in jarom

Enaaj bar lōn̄ jouruur im jarom. M̧akūtkūt laļ ko enaaj itok, jikin kweilo̧k ko renaaj kar jorrāān.

Hilamōn 14:21–27

Samuel ej jutak ilōn̄ in worwor eo an jikin kweilo̧k eo, im juon kumi in armej rellu itulaļ kajjieon̄ n̄an kalel e kōn lippo̧ņ ko im dekā ko, bōtaab Samuel ekar jab lel

Jet armej rekar tōmak Samuel, bōtaab elōn̄Rinipai ro raar illu ippān. Raar kade kōn dekā ko im lippo̧ņe. Irooj ekar bōbrae Samuel ke ekar jutak ioon worwor eo. Ejjeļo̧k iaan dekā ko im m̧ade ko raar maron̄ in kalel e.

Hilamōn 16:1–2

jet armej rej jar im inepata, armej ro jet rej illu, im Samuel ej ilo̧k

Ke ejjeļo̧k juon emaron̄ kalel Samuel, elōn̄ļo̧k armej ro raar tōmak nan ko an. Bōtaab elōn̄ wōt armej ro raar illu wōt. Rekar kajjieon̄ n̄an bōke Samuel im likwōj e. Samuel ekar ko im kar ilo̧k n̄an kapijuknen. Ekar katakin wōt armej ro an.

Hilamōn 16:3, 6–8

juon rikanaan kar etan Nipai ej kōnono n̄an armej ro iturin juon den ej to̧o̧r

Rinipai ro raar tōmak Samuel raar ukweļo̧k im kar peptaij jān rikanaan Nipai. Rekar tōmak ilo Jisōs im kar lali kakōļļe ko kōn ļotak eo an Jisōs me Samuel eaar jiron̄ er kaki.

Hilamōn 16:1, 3–5; 3 Nipai 1:8