Alma 30

Alma im Korior

Tōmak bwe Anij em̧ool

Juon em̧m̧aan ņaetan Korior ekar itok n̄an āneen Zaraemla. Ekar ba n̄an armej ro bwe Anij im Jisōs Kraist rejjab m̧ool.

Alma 30:6, 12, 37–38, 45

Korior ekar ba n̄an armej ro bwe remaron̄ wōt jeļā kōn juon men eļan̄n̄e rej loe. Ekar kōm̧m̧an kōjak kin armej ro rekar tōmak ilo Jisōs.

Alma 30:13–16

Korior ekar ba n̄an armej ro bwe rejjab aikuji kien ko an Anij. Ekar ba bwe armej ro remaron̄ kōm̧m̧ani jabdewōt men rekōņaan. Elōn̄ armej rekar tōmak e. Rekar pepe n̄an kōm̧m̧ani men ko renana.

Alma 30:17–18

Korior ekar kajjieon̄ katakin Antai-Nipai-Liai ro, ak rekar jab tōmak e. Rekar lukwōje im kadiwōjļo̧k. Ekar etal n̄an āneen Gideon. Armej ro ijo rekar barāinwōt likwōje. Rekar jilkinļo̧k n̄an ippān Alma.

Alma 30:19–29

Korior ekar ba n̄an Alma bwe Anij ejjab m̧ool. Ekar ba Alma im pris ro jet rekar riabe armej ro. Korior ekar ba bwe rekar kōm̧m̧an an armej ro ļoori m̧anit ko rebwebwe. Ekar barāinwōt ba bwe rekar bōk jāān jān armej ro. Alma ekar jeļā bwe men in ejjab m̧ool. Ekar tōmak ilo Anij im Jisōs.

Alma 30:30–40

Alma ekar ba bwe rikanaan ro im men otemjej ioon laļin rej jipan̄ armej ro jeļā bwe Anij ej m̧ool. Korior ekar kōņaan eļapļo̧k kam̧ool Alma ekar ba bwe enaaj leļo̧k n̄an Korior kam̧ool. Ekar ba bwe Anij enaaj kōm̧m̧an bwe Korior en jab maron̄ kōnono. Iien eo wōt Alma ej ba men eo, Korior ekar jab maron̄ kōnono.

Alma 30:41–50

Korior ekar jeki bwe ekar jeļa bwe Anij ej m̧ool. Ekar baj jeļā wōt. Ekar jeiki bwe devil eo ekar kabwebweiki. Devil eo ekar jiron̄ Korior n̄an katakin armej ro riab kōn Anij im Jisōs. Ke armej ro rekar jeļā m̧ool eo kōn Korior, rekar jab tōmak katak ko an. Rekar ukweļo̧k im jino bar ļoor Jisōs.

Alma 30:52–53, 57–58