Jared im Baam̧le eo An

Juon iaļ kar tōl jān Irooj

juon im̧ōn bar kar kalōke, im Jered im ļeo jein im jatin raar lale an armej ro akweel epakeļo̧k

Jered im baam̧le eo an raar jokwe ilo Bebel taujin iiō ko m̧okta jān an kar Jisōs Kraist ļotak. Rekar pokake Irooj. Bōtaab enan̄in aolepān armej ro ilo Bebel rekar jab pokake Irooj. Armej ro rekar jino kalōk juon im̧ōn bar n̄an kajjieon̄ tōpar lan̄. Irooj ekar ukōt kajin ko an armej ro bwe ren jab maron̄ meļeļe kake doon.

Jenesis 11:4–9; Ether 1:33

ļeo jein im jatin Jered ej jar, im Jered ej alooje jikin kweilo̧k eo

Jered ewōr juon jein im jatin. Irooj ekar lōke ļeo jein im jatin Jered. Jered ekar kajjitōk ippān ļeo jein im jatin n̄an jar n̄an Irooj kōn jipan̄. Ilo jar eo an, ļeo jein im jatin Jered ekar kajjitōk ippān Irooj bwe en jab ukōt kajin eo an baam̧le eo ar im ro m̧ōttaer. Ilo wāween ren maron̄ meļeļe wōt doon.

Ether 1:33–36

Jered im ļeo jein im jatin rej kōnono n̄an baam̧le ko aer

Irooj eaar iakwe im jouj. E ekar jab ukōt kajin eo an baam̧le eo an Jered im ro m̧ōttan. Tokālik, Irooj eaar jiron̄ ļeo jein im jatin Jered bwe E ekar kepooje juon āne ejenolo̧k n̄an er. Irooj eaar ba E enaaj kar tōl er n̄an ijōņ.

Ether 1:35–42

Jered, ļeo jein im jatin, im baam̧le ko aer rej likūt jikin kweilo̧k eo, im rej bōkļo̧k elōn̄ mennin mou rko ippāer

Jered im ļeo jein im jatin raar ain baam̧le ko aer im ro m̧ōttaer. Raar bareinwōt ain mennin mour ko nejier im aolep kain ine. Innm rekar likūt m̧ōko im̧weer im kar em̧m̧akūt ilo āne jem̧aden. Irooj ekar tōl er kōn kōnono ippāer jān juon kōdo̧.

Ether 1:40–43; 2:1–6

Ālkin em̧m̧akūt ilo juon iaļ aitok, raar itok n̄an lo̧jet. Raar joket ioon parijet ium̧win emen iiō ko. Ium̧win juon iien aitok, ļeo jein im jatin Jered ekar jab jar n̄an Irooj.

Ether 2:13–14

Irooj eaar jiron̄ ļeo jein im jatin Jered n̄an bar jar. ļeo jein im jatin Jered ekar ukweļo̧k im kar jar n̄an Irooj. Irooj eaar jeorļo̧k an bōd.

Ether 2:14–15

ļeo jein im jatin Jered ekar ļam juon wa edik.

Irooj eaar katakin ļeo jein im jatin Jered n̄an jōk wa ko kar ņa etaer baaj ko. baam̧le ko raar maron̄ iuwe ilowaan baaj ko kijoon lom̧aļo eo n̄an ānen kallim̧ur eo.

Ether 2:15–17

ļeo jein im jatin Jered eaar reilo̧k n̄an baaj ko, em̧ nuknuk ko, im lojet

ļeo jein im jattin Jered im baam̧le eo an rekar jōk baaj ko. Eaar lo bwe eaar ejjeļo̧k meram ilowan baaj ko. Ekar kajjitōk ippān Irooj eļan̄n̄e raar aikuj in jerak kijoon lom̧aļo eo ilo marok. Irooj eaar jiron̄ ļeo jein im jatin Jered bwe en ļōmņak kōn juon wāween n̄an an wa ko wōr aer meram.

Ether 2:16–19, 22–25

Jisōs Kraist ej waļo̧k jidik, im Pein ej erļo̧kļo̧k im un̄ur drkā ko ilo pā ko pein ļeo jein im jatin Jered.

ļeo jein im jatin Jered eaar kōm̧m̧ane 16 dekā ko reddik, alikkar. Eaar kajjitōk ippān Irooj bwe en un̄ur er im kōm̧m̧an bwer ren meram. Irooj eaar erļo̧ke Pein im un̄ur dekā ko juon ilo̧k juon kōn addi in Pein. ļeo jein im jatin Jered eaar maron̄ in loe addi in pein Irooj. Ekar lukkuun ilbōk bwe ewōr juon ānbwnnin Irooj āinwōt kar e.

Ether 3:1–8

Jisōs Kraist ej kōnono n̄an ļeo jein im jatin Jered

Irooj eaar ba n̄an ļeo jein im jatin Jered bwe ewōr an tōmak eļap. Innām Irooj ekar waļo̧kļo̧k im kar kwaļo̧k ānbwin in jetōb eo An n̄an ļeo jein im jatin Jered Irooj eaar ba, “N̄aij Jisōs Kraist.” E ekar ba E ekar kāālet n̄an erom Rilo̧mo̧o̧r eo. E ekar katakin ļeo jein im jatin Jered elōn̄ bar jet men ko.

Ether 3:9–20, 25–27

ļeo jein im Jered ej jeje, im dekā ko rej pād ilowan juon nine epake e

ļeo jein im jatin Jered ekar bar jepļaakļo̧k n̄an baam̧le eo an im ro m̧ōttan. Ekar je ta eo ekar katak ke ekar pād ippān Irooj. Ekar barāinwōt likūt dekā ko ilo baaj ko. Kiiō ewōr aer meram n̄an em̧m̧akūt eo aer

Ether 4:1; 6:2–3

baaj ko rej jerakļo̧k ioon juon lom̧aļo eļan̄e

baam̧le ko rekar deļo̧n̄ļo̧ lowaan baaj ko n̄an kijoon lom̧aļo eo. Raar lōke Irooj n̄an kōjparok er. Ekar lōn̄ lan̄ ko im ņo ko. Ilo iien ko, dān eo ekar lukkuun kalbubuik baaj ko. Bōtaab raar jar, im Irooj ekar bar bōkļo̧k er n̄an ioon dān bar juon alen. Rekar al elōn̄ al in kam̧m̧olool ko n̄an Irooj.

Ether 6:4–10

Jered, ļeo jein im jatin, im baam̧le ko aer rekar tōkeakļo̧k ilo juon āne ekāāl

Ālkin enan̄in juon iiō, rekar tōprak āne me Irooj ekar kallim̧uri er kake. Rekar lam̧ōj kōn lan̄lōn̄ im kar kam̧m̧olool E.

Ether 6:11–12