“Kōrā ro ilo Āne Jem̧aden,” Bwebwenato ko an Bok in Mormon (2023)
Kōrā ro ilo Āne Jem̧aden
Etetal ippān Irooj
Lim̧aro nejin Ishmael raar etal ippān baam̧le eo aer ilo āne jem̧aden. Iaļ eo ekar pen. Ālkin jet iien, raar m̧areik ļōm̧aro nejin Liai im Saraia.
Juon raan, Ismael ekar mej. Lim̧aro nejin raar lukkuun būrom̧ōj. Raar on̄ kōn jemeer. Lim̧aro nejin raar inepata bwe er im baam̧le ko aer renaaj kar barāinwōt mej ilo āne jem̧aden. Raar illu ippān Liai im Nipai, im raar kōņaan bar ro̧o̧lļo̧k n̄an kapijuknen eo aer ilo Jerusalem.
Ainikien Irooj ekar kōnono n̄an lim̧aro nejin Ishmael im baam̧le ko aer. Raar ukweļo̧k, im Irooj ekar kōjeraam̧m̧an er.
Kōrā ro ekar wōr nejier nin̄nin̄ ilo āne jem̧aden. Saraia ekar barāinwōt wōr ruo nejin ļaddik, Jekab im Josep.
Irooj ekar jipan̄ kōrā ro ilo iaļ eo aer. E ekar kōjeraam̧m̧an er kōn eļap milik n̄an nin̄nin̄ ko nejier. E ekar jipan̄ kōrā ro erom kajoor ke raar ito itak.
Irooj ekar ba bwe E ekar tōl lim̧aro im baam̧le ko aer n̄an juon āneen kallim̧ur. Irooj ekar kallim̧uri baam̧le ko bwe renaaj kar bōk aolep men ko rekar aikuji ilo aer ito itak. E ekar kōm̧m̧ani m̧ōn̄ā ko raar pukōti rem̧m̧an n̄an mōn̄ā, im E ekar tōl er.
Ālkin ruwalitōk iiō ko ilo āne jem̧aden, baam̧le ko raar tōparļo̧k lo̧jet. Kōrā ro raar m̧ōņōņō ippān baam̧le ko aer. Āne eo iturin lo̧jet ekar aiboojoj. Raar ņa etan Bun̄peļo̧k kōnke ekar obrak kōn leen wōjke im hōnni n̄an m̧ōn̄ā. Irooj ekar kōpooj aolepāer n̄an er.