Jemjān jemjatin ro Nipai im Liai

Ron̄jake juon ainikien jān lan̄

Jemjān jemjatin ro Nipai im Liai rekar jemjān jemjatin ro rekar kōņaan bwe aolep ren jeļā kōn gospel eo an Jisōs Kraist. RiNipai ro im riLeman ro rekar pād ilo pata, ak jemjān jemjatin ro rekar katakin wōt armej jim̧or jān kumi ko. Juon raan ke rej ito itak im katakin armej, juon jarin tariņae an RiLeman ro rej likūt er ilo kalbuuj.

Hilamōn 3:20–21, 37; 4:4–5, 14; 5:4–21

Jarin tariņae an riLeman ro rej etetal jibadōkļo̧k jikin kalbuuj eo Nipai im Liai rej pād ie

Elōn̄ raan ko tokālik, jarin tariņae eo ekar itok n̄an jikin kalbuuj eo im itōn m̧an Nipai im Liai bwe ren mej.

Hilamōn 5:22

juon doulul in kijeek im meram ej kōjparoke Nipai im Liai, ritariņae ro rej wōtlo̧k laļ, im juon kōto̧ emarok ej waļo̧ktok

Mokta jān an jabdewōt kōmetak Nipai im Liai, juon doulul in kijeek ekar waļo̧ktok ipeļaakier. Kijeek eo ekar jab tile er. Ijjelo̧kin, Anij ekar kōjparoke er. Innām laļ ekar m̧akūtkūt. Ekar āinwōt n̄e wo̧o̧ļ in jikin kalbuuj eo rekar tōn rub im wōtlo̧k. Ejjab etto, juon kōdo̧ ekar kaliboboik aolep ilowaan jikin kalbuuj eo. Armej ro rekar lukkuun mijak.

Hilamōn 5:23–28

armej ro rej jutak ilo juon kōdo̧ emarok reilo̧k n̄an jurōn meram eo

Juon ainikien ekar itok jān lōn̄in kōdo̧ eo emarok. Ekar juon ainikien emera, āinwōt juon unoojdikdik, ak armej ro rekar en̄jake ilo būruweer. Ekar ainikien Anij. Anij ekar jiron̄ļo̧k er bwe ren ukweļo̧k.

Hilamōn 5:29–30, 46–47

em̧m̧aan ro im kōrā ro rekar reilōn̄ļo̧k ibuļōn kōdo̧ ko remarok im rerub

Lal im jikin kalbuuj eo ekar bar m̧akūtkūt. Ainikien eo ekar bar itok im bar ba n̄an armej ro bwe ren ukweļo̧k. Armej ro rekar jab maron̄ m̧akūtkūt kōn kōdo̧ eo im aer mijak.

Hilamōn 5:31–34

Aminadab ej jitōn̄ļo̧k Nipai im Liai, ro rej ebbōļ im reilōn̄ļo̧k

Juon em̧m̧aan ilubwiljieer kar etan Aminadab. Juon iien ekar kobaļo̧k n̄an Kabun̄ eo an Anij. Ekar loe bwe mejān Nipai im Liai rekar jino ebbōļ im meram. Rekar āinwōt enjeļ ro. Ekar āinwōt rekar kōnono n̄an juon armej ilo lan̄. Aminadab ekar jiron̄ aolep n̄an reilo̧k n̄an Nipai im Liai

Hilamōn 5:35–39

elōn̄ em̧m̧aan ro im kōrā ro rekar reilōn̄ļo̧k jān kōdo̧ ko remarok im jar

Armej ro rekar kajjitōk ippān Aminadab ta eo remaron̄ kōm̧m̧ane n̄an joļo̧k kōdo̧ eo emarok. Aminadab ekar kwaļo̧k ta eo ekar jeļā kōn Anij im Jisōs. Ekar ba n̄an armej ro bwe ren ukweļo̧k, tōmak ilo Jisōs, im jar n̄an Anij. Armej ro rekar ron̄jake Aminadab. Rekar jar m̧ae iien maroklep eo ekar jako.

Hilamōn 5:40–42

armej ro rej jar ke meram eo im kijeek eo rej kabooļe er

Kijeek eo jān Anij ej kabooļe aolep armej ro im ekar jab tile er. Armej ro rekar obrak kōn Jetōb Kwojarjar eo im rekar lukkuun m̧ōņōņō. Rekar kōn men ko rekabwilōn̄lōn̄. Ainikien eo ekar bar itok. Ekar jiron̄ er bwe ren aenōm̧m̧an kōnke kōn tōmak eo an ilo Jisōs. Enjeļ ro rekar itok im lotok armej ro.

Hilamōn 5:43–49

Nipai im Liai rej em̧m̧akūt jān jikin kalbuuj eo, im armej ro rej lale

Nipai, Liai, im aolep armej ro rekar em̧m̧akūt jān jikin kalbuuj eo. Rekar jiron̄ļo̧k elōn̄ armej ro rej kijoone āne eo ta eo rekar loe im ron̄ raan eo. Elōn̄ iaan RiLeman ro rekar tōmak im kālet n̄an ļoore Jisōs. Rekar bōjrak aer ire ilo pata eo. Ijjelo̧kin, rekar jipan̄ armej ro bwe ren tōmak ilo Jisōs Kraist im ukweļo̧k.

Hilamōn 5:50–52; 6:1–6