Alma 23–27

Antai-Nipai-Liai ro

Armej ro rekar kāālet n̄an iakwe rikōjdat ro aer

Ammōn ej katakin armej ro ium̧win juon wōjke

Elōn̄ riLeman ro rekar ekkatak kōn Anij jān Ammōn im ļōm̧aro jatin. RiLeman rein rekar kajoor ilo tōmak ilo Irooj im kar ļoori kien ko an Anij. Rekar kōņaan juon āt kāāl, bwe er ren kūr er make Antai-Nipai-Liai ro ijjelo̧kin riLeman ro.

Alma 23:3–7, 16–17

Baam̧le ko rej ron̄jake an Ammōn katakin

Antai-Nipai-Liai ro rekar oktak kōnke tōmak eo aer ilo Anij. Rekar ukweļo̧k jān men ko renana rekar kōm̧m̧ani. Rekar jeļā bwe Anij ekar iakwe er im ekar jeorļo̧k aer bōd.

Alma 24:8–14

Antai-Nipai-Liai ro rekar joļo̧k kein tariņae ko aer ilowaan juon ron̄ eppeļo̧k.

RiLeman ro rekar illu im rekar kōppojak n̄an aer itōn m̧an Antai-Nipai-Liai ro. Ijjelo̧kin ire, Antai-Nipai-Liai ro rekar kōm̧m̧ane juon kalllim̧ur n̄an Anij. Rekar ba bwe rej jāmin naaj bar kōmetak armej. N̄an kwaļo̧k menin, rekar kalbwin kein tariņae ko aer. Rekar kāālet n̄an iakwe rikōjdat ro aer ijjelo̧kin kōmetak er ak m̧an er.

Alma 24:1–19; 26:31–34

RiLeman ro rellu rekar jōbjōb kein tariņae

RiLeman ro rekar jab kōņaan tōmak ilo Anij rekar kakkure Antai-Nipai-Liai ro.

Alma 24:20

Ruo iaan Antai-Nipai-Liai rein rej bukwelōlō ilo jar

Antai-Nipai-Liai rein ewōr aer tōmak bwe eļan̄n̄e renaaj m̧an er im mej, renaaj maron̄ mour ippān Anij. Rekar kōjparok kallim̧ur eo aer n̄an Anij im jab kar ire ippān riLeman ro.

Alma 24:16, 21

RiLeman ro rekar jab bōjrak aer m̧anm̧an

Ijjelo̧kin ire, Antai-Nipai-Liai rein rekar jar. Ke riLeman ro rekar loe menin, elōn̄ iaer rekar bōjrak aer m̧an er. Ekar jab em̧m̧an aer en̄jake kōn aer m̧anm̧an armej. RiLeman ro rekar barāinwōt kāālet bwe ren jāmin bar kōmetak armej. Rekar kobaļo̧k ippān Antai-Nipai-Liai rein.

Alma 24:21–27; 25:13–16

Ammōn im Antai-Nipai-Liai rein rekar ito itak

Ke iien ej wōnm̧aanļo̧k wōt, ekar lōn̄ armej ro rekar m̧an er. Ammōn im ļōmaro jatin rekar būrom̧ōj kōn an Antai-Nipai-Liai rein en̄taan. Rekar kajjitōk ippān kiin̄ eo bwe en bōk armej ro an bwe ren jokwe ippān riNipai ro. Kiin̄ eo ekar ba renaaj etal eļan̄n̄e Irooj ekōņaan bwe ren etal. Ammōn ekar jar. Irooj ekar ba bwe rej aikuj etal im bwe Enaaj kōjparok er.

Alma 27:2–15

RiNipai ro rekar iakiakwe armej in Antai-Nipai-Liai rein

RiNipai ro rekar leļo̧k n̄an Antai-Nipai-Liai rein āne bwe ren mour ie im kōjparok er. N̄an ukōtļo̧k, Antai-Nipai-Liai rein rekar leļo̧k m̧ōn̄ā n̄an riNipai ro. Antai-Nipai-Liai rein rekar ļap aer tōmak im kar iakwe Anij. Rekar m̧ool n̄an aolep armej im kōjparok kallim̧ur eo aer n̄an jāmin bar ire. Rekar tiljek ilo aolepān mour ko aer.

Alma 27:20–30