Alma 43–44

Kapen Moronai im Zeraemna

Juon tariņae im juon kallim̧ur n̄an mour ilo aenōm̧m̧an

Zeraemna ej tōl jarin tariņae ro an

Zeraemna ekar juon ritōl an jarin tariņae ko an RiLeman ro. Ekar kōņaan im bōk eddo in RiNipai ro im kōm̧m̧an bwe ren jerbal n̄an armej ro an. Zeraemna ekar tōl jarin ritariņae ro n̄an m̧an eiNipai ro.

Alma 43:3–8

Jarin ritariņae eo an riNipai rej lale jarin tariņae eo an riLeman ro

RiNipai ro rekar kōņaan kōjparoke m̧ōko m̧weer, baam̧le ko, im kabun̄ eo aer. Rekar jeļā bwe reban maron̄ kabun̄jar n̄an Irooj eļan̄n̄e riLeman ro renaaj irooj ioer. RiNipai ro rekar kāālet n̄an ire ippān rikōjdat ro aer.

Alma 43:9–10, 14–15

Moronai ej reim̧aanļo̧k kōn elōn̄ kōdo̧ ko ilikin

Juon em̧m̧aan etan Moronai ekar juon kapen n̄an jarin ritariņae ro an riNipai ro. Moronai ekar lukkuun lale bwe jarin ritariņae ko ren pojak in kōpata.

Alma 43:16–17

Kapen Moronai im riNipai ro rekar ritariņae ro repojak in ire.

Ritariņae ro an Moronai rekar bōktok kein tariņae ko, im Moronai ekar leļo̧k n̄an er nuknuk in tariņae ko rekajoor im kein kōtōrak ko n̄an kōjparok er.

Alma 43:18–19

RiLeman ro rej lale jarin tariņae eo an riNipai ro im āinwōt remijak

Moronai ekar bōk jarin tariņae ko an n̄an ire ippān riLeman ro. Ak ke riLeman ro rekar loe ke riNipai ro ekar wōr aer nuknuk in tariņae im kein pālpal, rekar mijak in ire. RiLeman ro ekar wōr wōt aer nuknuk ko remāni im ejjeļo̧k nuknuk in tariņae n̄an kōjparok er.

Alma 43:19–21

Ritariņae ro an riLeman ro rekar ko n̄an būļōn wōjke ko

RiLeman ro rekar em̧m̧akūt. Rekar kajjieon̄ in ajedikdiktok n̄an juon āne eoktak an riNipai ro. Rekar ļōmņak Moronai eban jeļā ia eo rekar etal n̄ane.

Alma 43:22

RiNipai ro rej baikūlaajļo̧k im alooje an ritariņae in riLeman ro ettōr

Ak iien wōt riLeman ro rekar em̧m̧akūt, Moronai ekar jilkinļo̧k ribaikūlaaj ro n̄an ļoore er.

Alma 43:23

Ritariņae in riNipai ro rej ron̄jake Alma

Innām Moronai ekar jilkinļo̧k juon ennaan n̄an rikanaan Alma. Ekar kōņaan bwe Alma en kajjitōk ippān Irooj kōn ta eo riLeman ro rekar pepe in kōm̧m̧ane. Irooj ekar jiron̄ļo̧k Alma bwe riLeman ro rekar pepe in jodiki juon āne em̧ōjņo̧ ņaetan Mantai Moronai ekar ron̄jake Alma. Moronai ekar tōl jarin ritariņae ro an n̄an ire ņae riLeman ro.

Alma 43:23–33

Ritariņae ro an riLeman ro im riNipai ro rekar ire doon.

Jarin tariņae ko rekar ire. RiLeman ro rekar lukkuun kajoor im illu. RiNipai ro rekar jino mijak kōn riLeman ro im kar itōn ko. Ak Moronai ekar kakeememej er kōn baam̧le ko aer im tōmak eo, innām ren ire wōt.

Alma 43:34–37, 43–48

Moronai ekar kajutak pein n̄an kabōjrak ire.

RiNipai ro rekar jar n̄an Irooj im kajjitōk jipan̄. Irooj ekar uwaake jar ko aer im kar leļo̧k n̄an er kajoor eļap. Kiiō riLeman ro rekar mijak. Rekar maron̄ po ilo aujiid im kar jab maron̄ rōļo̧k. Ke Moronai ekar loe bwe riLeman ro rekar mijak, ekar jiron̄ ritariņae ro an bwe ren bōjrak aer ire. Moronai ekar jab kōņaan in m̧an riLeman ro.

Alma 43:49–53; 44:1–2

Moronai ej kōnono n̄an RiLeman ro

Moronai ekar jiron̄ļo̧k Zeraemna bwe riLeman ro remaron̄ etal eļan̄n̄e renej kallim̧ur in jab bar kōpata ippān riNipai ro. Zeraemna ekar illu im kajjieon̄ in wōnm̧aanļo̧k wōt im ire, ak rekar jab maron̄ m̧an ritariņae ro an Moronai. Innām Zeraemna im jarin tariņae ko an rekar kallim̧ur n̄an mour ilo aenōm̧m̧an, im Moronai ekar kōtļo̧k aer etal.

Alma 44:1–20