1 Nipai 7

Ishmael im Baam̧le eo An

Kobaļo̧k ilo iaļ eo n̄an āneen kallim̧ur

Baam̧le eo an Liai im Saraia raar jokwe ippāer make ilo āne jem̧aden. Juon raan, Irooj ekar jiron̄ Liai n̄an jilkinļo̧k ļōm̧aro nejin, Leman, Lemuel, Sam, im Nipai, n̄an Jerusalem. Kar jilkinļo̧k er n̄an kajjitōk ippān Ishmael im baam̧le eo an n̄an kobaļo̧k ippāer. Ippān baam̧le ko aer renaaj kar karūttoļo̧k ajri ro ilo āneen kallim̧ur.

1 Nipai 7:1–3

Ishmael im baam̧le eo an raar kōņaan ļoor Irooj. Raar tōmak bwe Irooj ekar kōņaan bwe ren kobaļo̧k ippān baam̧le eo an Liai im Saraia. Raar kāālet n̄an ilo̧k jān Jerusalem im iion Liai ilo āne jem̧aden.

1 Nipai 7:4–5

Ilo iaļ eo aer ļo̧k, jet armej ekar jako aer kōņaan pokake. Rekar kōņaan bar ro̧o̧l n̄an ijo jikier. Nipai ekar kajjitōk ippāer n̄an tōmak ilo Irooj.

1 Nipai 7:6–13

Nipai ekar ba Irooj emaron̄ kōm̧m̧an jabdwōt men eļan̄n̄e ewōr aer tōmak. Bōtaab Leman im Lamuel raar illu. Raar lukwōj Nipai im kar kōņaan ilo̧k jān e ilo āne jem̧aden.

1 Nipai 7:12, 16

Nipai ekar jar kōn jipan̄. To ko raar mejaļļo̧k, im Nipai ekar jutak lōn̄ļo̧k. Bōtaab Leman im Lemuel rekar kōņaan kōmetak e. Juon iaan lim̧aro nejin Ishmael ekar jojomar ņae Nipai. Jinen im juon iaan ļōm̧aro jein raar barāinwōt jojomar ņae e. Leman im Lemuel raar ron̄jake er im im kar bōjrak jān kajjieon̄ in kōmetak Nipai.

1 Nipai 7:17–19

Leman im Lemuel raar en̄jake būromōj kōn ta eo raar kōm̧m̧ane. Raar kajūkin ippān Nipai n̄an jeorļo̧k aerro bōd. Nipai ekar jeorļo̧k an ļōm̧aro jein bōd. Innām Leman im Lemuel raar jar im kajjitōk ippān Irooj n̄an jeorļo̧k aer bōd.

1 Nipai 7:20–21

Raar aolep wōnm̧aanļo̧k ilo iaļ eo aer im kar tōparļo̧k em̧ nuknuk eo im̧ōn Liai im Saraia. Āliktata, baam̧le ko ruo raar ippān doon. Raar kam̧m̧oolol Irooj im kar kabun̄-jar n̄an E.

1 Nipai 7:21–22