Alma 20; 22–23

Kiin̄ eo an Aolep riLeman ro

Kōņaan katak kōn Irooj

riLeman ro ekwōr juon aer kiin̄ ej irooj ioon aolep kiin̄ ro jet. E ekar Kiin̄ eo jemān Lamonai. E kar ļōmņak bwe riNipai ro rekar ri kōjdat Juon raan, ekar lo Lamonai im Ammōn. Kiin̄ eo ekar kajjitōk ippān Lamonai ta eo ekar kōm̧m̧ane ippān juon riNipai. Lamonai ekar jiron̄ kiin̄ eo bwe renaaj etal im kanemkwoj jemjān jemjatin ro an Ammōn jān kalbuuj.

Mosaia 10:11–17; Alma 20:1–12

Kiin̄ eo ekar illu. Ekar ļōmņak riNipai ro raar riab n̄an ko̧o̧t jān riLeman ro. Ekar jiron̄ Lamonai n̄an m̧an Ammōn im itok ippān.

Alma 20:13–14

Lamonai ejjab maron̄ m̧an Ammōn. E ekar jiron̄ kiin̄ eo bwe Ammōn im ļōm̧aro jatin raar rikanaan ro an Anij. Ekar ba enaaj kar jipan̄ ļōm̧aro jatin Ammōn.

Alma 20:15

Kiin̄ eo ekar kwaļo̧k jāje eo an n̄an kōmetak Lamonai, bōtaab Ammōn ekar kabōjrak E. Ijello̧kin kiin̄ eo ekar jodiki Ammōn. Ammōn ekar bōbraek e make. Ekar kōmetak pein kiin̄ eo jon̄an kiin̄ eo ekar jab maron̄ ire. Kiin̄ eo ekar mijak kōnke kōn jon̄an kajoor eo an kar Ammōn. Ekar kallim̧ur n̄an leļo̧k n̄an Ammōn jimettan in aelōn̄ in kiin̄ eo an eļan̄n̄e Ammōn enaaj kar kōtļo̧k bwe en mour.

Alma 20:16–23

Ammōn ekar jab kōņaan aelōn̄ in kiin̄ eo. Ijello̧kin, ekar kajjitōk ippān kiin̄ eo n̄an kōtļo̧k ļōm̧aro jatin jān kalbuuj. Ekar barāinwōt kajjitōk ippān kiin̄ eo n̄an kabōjrak an illu ippān Lamonai. Ammōn ekar ba kiin̄ eo ej aikuj in kōtļo̧k bwe Lamonai en kakiene wāween eo ekar ļōmņak em̧m̧an tata.

Alma 20:24

Kiin̄ eo ekar ilbōk kōn ewi jon̄an an Ammōn kar iakwe Lamonai. Ekar errā n̄an kōm̧m̧ane aolep men Ammōn ekar kajjitōk.

Alma 20:25–27

Kiin̄ eo ekar kōņaan katak eļapļo̧k kōn ta eo Ammōn im Lamonai raar jiron̄ļo̧k e kōn Anij. E ekar kajjitōk an Ammōn im ļōm̧aro jatin n̄an itok im katakin e.

Alma 20:27

Ammōn im Lamonai raar etal n̄an āneen Middonai. Ļōm̧aro jatin Ammōn raar pād ilo kalbuuj eo ijo. Raar lukōje kōn to ko im kar jab leļo̧k m̧ōn̄ā ak dān. Lamonai ekar kareel rikien eo an Middonai n̄an kōtļo̧k an ļōm̧aro jatin Ammōn anemkwoj.

Alma 20:28–30

Ke raar anemkwoj, Ammōn im ļōm̧aro jatin raar etal n̄an ippān jemen Lamonai. Raar bun̄ baikdik n̄an kiin̄ eo im kajjitōk bwe ren an rijerbal. Kiin̄ eo eaar ba jab. Ijjelo̧kin, E eaar kōnaan bwe ren katakin e kōn gospel eo. Juon iaan ļōm̧aro jatin ekar etan Arōn. Ekar riiti jeje ko rekwojarjar n̄an kiin̄ eo im kar katakin e kōn Anij im Jisōs Kraist.

Alma 22:1–14

Kiin̄ eo ekar tōmak Arōn. Ekar ba emaron̄ ajeļo̧k aelōn̄ in kiin̄ eo an n̄an jeļā Anij. Ekar kajjitōk ippān Aarōn ta eo ekar aikujin kōm̧m̧ane. Arōn ekar jiron̄ļo̧k kiin̄ eo n̄an ukweļo̧k im jar n̄an Anij kōn tōmak. Kiin̄ eo ekar ukweļo̧k jān aolep jerawiwi ko an im kar jar.

Alma 22:15–18

Kiin̄ eo wōtlo̧k n̄an ioon bwidej. Rijerbal ro an kiin̄ eo raar ettōr im ba ba n̄an lerooj eo.

Alma 22:18–19

Lerooj eo eaar itok im lo kiin̄ eo ej babu ioon laļ. Liin ekar ļōmņak Aron im ro jein in jatin raar m̧an kiin̄ eo. Lerooj eo eaar illu.

Alma 22:19

Lerooj eo ekar jiron̄ rijerbal ro n̄an man Aron im ļōm̧aro jatin. Bōtaab rijerbal ro raar lōļn̄o̧n̄. Raar ba Arōn im ro jemjān jatin raarr lukkuun kajoor. Kiiō lerooj eo ekar lōļn̄o̧n̄. Liin ekar jilkinļo̧k n̄an rijerbal ro n̄an jiron̄ armej ro ilo jikin kweilo̧k eo ta eo ekar waļo̧k. Liin ekar kōjatdikdik bwe armej ro remaron̄ in m̧an Aarōn im ļōm̧aro jein.

Alma 24:15–21

Arōn ekar jeļā bwe armej ro remaron̄ in kar illu. Ekar barāinwōt jeļā bwe kiin̄ eo ekar jab mej. Ekar jipan̄ kiin̄ eo jutak. Kiin̄ eo ekar bōk kajoor eo an im kar jutak. Lerooj eo im rijerbal ro raar ilbōk.

Alma 22:22–23

Kiin̄ ekar katakin lerooj eo im rijerbal ro kōn Jisōs. Raar aolep tōmak ilo Jisōs. Kiin̄ eo ekar kōņaan bwe aolep armej ro an ren katak kōn Jisōs. Ekar kōm̧m̧ane juon kien bwe Aron im ro jein im jatin ren maron̄ katakin gospel eo ilo jabdewōt jikin ilo aelōn̄ in kiiin̄ eo an. Raar katakin armej ro im kūr pris ro im rūkaki ro ilo āne eo.

Alma 22:23–27; 23:1–4